DR SASA NIH A FIAN KHAWH LOMI KHA VUN FIANTER KA DUH

Dr Sasa Nih Afian Khawh Lomi Fianh Ka Duh: Lungsamat Interview nih Dr. Sasa interview an tuah i, a dongnak lei ah a chimmi cu CNLD nih an aupi mi “Miphun Covo Kan Lak Țhan Lai (Retake/Regain) timihi ka ruah lengmang i ka fiang kho bak lo. CNLD nih biafang dang thim ding an thei lo caah maw asi hnga. Kei cu an Au-aw hi ka fiang kho bak lo. Kan miphun Covo cu khoika ahdah aum i an lak lai?

Aho sin ah dah aum i an lak than lai? A ngaingai ahcun Miphun Covo kan LAK ȚHAN lai tisiloin Miphun Covo kan ser lai tiah an ti awk deuh asi” tiah a chim. A biafang hmanmi SER LAI (CREAT) ti zong kha mirang holh in a chim chih. CNLD nih an Aupi mi LAK ȚHAN antimi hi ka thei lo ati caah Dr. Sasa nih a theilo ka tinak asi. Kawl phungthluk ah mifim poh nih zeipoh an thei hlei lo ti aum bang a theihlo mi cu chimh a hau ve ko.

Dr. Sasa nih Miphun Covo hi LAK THAN dingmi asi lo, SER (Creat) dingmi asi tiah ati. LAK ȚHAN (REGAIN/RETAKE) timile SER (CREAT) timi biafang hi a sullam aa dang taktakmi asi. Van le vawlei bantuk in a sullam aa dang. Lak Țhan nih a sawh duhmi cu a rak um cangmi thil kha kan thlau maw asiloin an kan chuh caah kan ngei ti lo. Cu kan ngeih ciami thil kha kan ngeih țhan khawhnak hnga LAK THAN a herh.

SER (CREAT) timi biafang a sullam cu a um ballomi thil asiloah Acang ballomi thil kha a thar tein SER THAR khi asi.Chinmi nih Miphun COVO hi miphun kan semka in kan i ngeih ciami asi. Amah Dr. Sasa lila nih interview ah a chim bangin Chinmi cu kum 800 leng Chinram ah kan rak um cang i Indigenious right (miphun Covo) a ngeimi kan si. Kum 800 chung miphun Covo a ngeimi Chin kan si.

Bangali pawl bantukin ram a ngeilo mi kan si lo. Ram a ngeimi miphun kan si. Asinain Chinmi kan Covo hi Kawl nih an kan chuhnak kum 70 asi cang. An kan chuh tinak in hraimnam in damiah an kan taih (Rope the right). Kan Covo cu Kawl kut chungah aum, Kawl nih an tlaih. Kawl nih an duh poh in an control.

Miphun covo hi LAK THAN ding asi. I ngeih țhan ding asi. Covo kan SER lai kan ti ahcun Miphun Covo a rak ngei ballo mi miphun kan si hnga. MIPHUN COVO hi kan LAK ȚHAN awk asi. Kan SER thar ding asilo tiah a hrut nih a fim chim ti bang Dr. Sasa kha fianh ve ka van duh. By, Jacob R. Thang

Be the first to comment

Leave a Reply

Your email address will not be published.


*