DR SASA LE LIAN LUAI CU KONG CU A TURU KO CANG HI TEH

Dr. Sasa nih Nai te ah khan President ah Chin cozah nih thil hal khawh mi Business lein tuah mi tampi a um a ti. Asinain nawlngeitu CM Pu Lian Luai nih kha bantuk zei tik hmanh ah a ruat thiam lo. Mipi caah Business thluak a ngei lo caah kum chungah Mandalay Myo le Yangon Myo le Mon State hman 70% a thancho ter kho lo.

Japan nih Free in JCB tampi an kan bawmh hman ah Lam a tuah dih kho lo. Tahchunnak ah NLD nih a tlai than ahcun 2008 Constitution ningin Central nih Chin CM caah Pu Lian Luai an thimh than ko lai i, kum 5 a mah ningin a si ter than ko lai. ASSK nih bia a hal mi hman a leh kho lo mi nih Dr. Sasa chimh bantuk khan, cu a tuan ngam lai lo. Business kong cawlcang thiam lai lo. Mi Thar nih a thlen lo sual ahcun ei awk um lo bak in a kan chia lai. Pengtlang buai nak lawng a kan chuah pi ter than lai.

Relchih.Pohmah 261 Kong Ah Ralkap Nakin NLD Tih An Nung Deuh. Misual an hun pianthar ahkhin lawmh a um tuk, piangthar cia an sual ahkhin tih an nung chinchin ve! Pohmah 261 Cu Zeidah A Si? Pohmah 261 cu ramkulh le ramthen kip Chief Minister thimnak kong a si. Rampi President nih ramkulh le ramthen kip hluttaw palai teinak a hmumi (MLA a tlingmi) chung in a duhmi palai kha Chief Minister ah a thim lai tiah aa tial.

Phundang in kan chim ahcun President nih a duhmi palai kha Chief Minister caah ramkulh le ramthen kip hluttaw cio ah min cazin a pek lai. Cun, cu cazin a pekmi palai cu phunglam he i kalhnak a ngeih lo ahcun hluttaw nih Chief Minister ah an fehter lai tiah 2008 phunghrampi nih a langhter. Zeitindah Remh An Duh?

Pohmah 261 cu rampi president nih thim le min cazin pek si lo in ramkulh le ramthen kip hluttaw cio nih anmah duhmi palai kha Chief Minister ah i thim khawhnak nawl ngeih ding in remh an duhmi cu a si. Zeiruang ah dah remh a herh? Ramkulh le ramthen nih mahte in Chief Minister i thim khawhnak nawl timi cu federal suttung pi he aa sengtlaimi a si.

Mahte in khuakhan lairelnak (Self Determination) nawl timi a muru zong a si. President nih amah duhmi palai Chief Minister ah rak thim timi cu, “Cunglei Chakrenghnak” timi Centralization asiloah top-down (cunglei in tanglei ah) phunglam a si. Hihi zaukphung phunglam he aa ralkahmi a si. Hihi Ralkap ukhruainak timi khawngtawn uknak asiloah Aa-naa-sin ukhruainak phunglam cu a si.

Zaukphung phunglam ahcun nawlngeitu sangbik cu mizapi an si caah Cunglei Chakrenghnak timi Centralization system si loin De-centralization asiloah bottom up (tanglei in cunglei ah) system in kal le i hruai a si. Federal asiloah Self Determination in i hruainak phunglam ah a biapibikmi pathum cu, “mahte in Chief Minister i thimnak nawl (pohmah 261), mahte in upadi sernak nawl_State constitution (pohmah 188), le mahte in ngunkhuai kholhnak nawl (pohmah 254)” hi a si.

Tlangcungmi caah ahcun hi pohmah pawl remh nakin a herh deuhmi dang an um ti lo ti tluk a si. USDP Le NLD Hruaimi Cozah Nih Zeitindah An Ceih?President U Thein Sein hruaimi cozah chan ah khan NLD nih pohmah 261 remh ding in hluttaw ah an rak chuahpi. Asinain, ralkap kuzale le USDP nih an duh lo caah an rak remh kho lo. NLD hruaimi cozah a hung kai hnu ah ralkap le USDP nih fekthup in an rak fehter cangmi pohmah 261 cu remh ding in hluttaw ah an chuahpi than ve. Asinain, NLD nih remh an duh lo caah an remh kho lo.

Phundang in kan chim ahcun a lung a khong tukmi ralkap le USDP nih a biapi tukmi le federal suttung he aa sengtlai bakmi Chief Minister thimnak pohmah remh ding in an lung an i thlen (an pianthar) lio ah NLD tu nih an duh than ti lomi hi ngaihchia taktak khi a si. Ralkap hmanh an lung an i thlen lio caan ah NLD tu kha federal he aa sengtlaimi kong ahcun ralkap nakin a lungkhong deuhmi an lo cang.

Cu ruang ah Ralkap le USDP nakin NLD hi tih an nung deuh cang_ hi pohmah kong ahcun Misual an hun pianthar ahkhin lawmh a um tuk, piangthar cia an sual ahkhin tih an nung tuk ve! Phunghrampi tawhtlaitu cu ralkap an si caah ramkhel holh in cun ralkap hi misual an si. Zeiruang ah dah NLD nih remh an duh lo? Cun, remh an duhlonak puanzar phen ah zeidah aa thup? Timi kan hun peh than te lai.Vote for Pu Van Chan Ceu. Vote for CNLD. Credit: Van Chan Ceu

Be the first to comment

Leave a Reply

Your email address will not be published.


*