DR RAL BUAI NIH TIKIR KHUA KONGHE PEHTLAIIN BIA A CHIM CANG

Tikir Nih Vice President H. Van Thio Vote An Pe Dih Lo: Thantlang peng Tikir khua chuak Vice President Henry Van Thio cu tutan thimnak ah khuami thimfung thla khomi dihlak in thimfung an pe lo. Cu he pehtlai in Dr. Ral Buai nih Tikir cu “A lung aa rual lomi khua an sizia a lang,” tiah Hakha Today Media Group i Tikir kong an postmi tang ah comment a pek.

Tikir A le B in an um i thimfung an thlakning ah Tikir B 94.50% nih an pek, Tikir A ah hin 89.90 a hmuh, tiah theih a si. The Hakha Times nih Tikir B thimfung lawng a langhter ning ah Vice-president aa cuhnak Amyotha zawn ah CNLD 18, NLD 311, USDP 9 tiin thimfung an thlak. Pyine le Pyithu zong ah CNLD 11-19 an hmuh ve.

Dr. Pu Ral Buai nih comment i a lehmi pu Tinduh Thang nih a ttialning ah Vice-president cu a thinhung ngai i khuami nih 9.11.2020 zan le a thaizing ah an rem. Tikir i mah ti thimfung aa then pahmi hi Khuabawi pawl le khua Khrifabu hna ah thleidannak a um tiah khuami cheukhat an i uhtanhnak zong aa tel tiah a ttial.

Cun Pletwa lei i Bawm-Laimi pawl AA le cozah ralkap i kahnak ruang ah ralzam in Tikir ah Vicepresident nih dawng tam ngai a chiah hna, Daw Khin Kyi Foundation bawmhnak in. Midang cu chim lo Tikir khua lila nih Vote a pe lomi an um rih. Lung aa rual lomi khua an si zia a lang,” tiah a nupi pa Dr. pu Ral Buai nih a chim. Credit: Teirial Cattialtu

US um kan fanu nih CNLD ruang ah a kan block dih. Kan hnu November 8, 2020 thimnak ah khan Falam ah kan chung tein vote kan thla ve.Kan chung tein vote thla kho hi minung kan si. A nulepa le a u nu tiin kan si. Kan pathum in NLD ah vote kan thlak dih. Vote kan thlak hlan ah khan US um kan fanu te nihcun CNLD vote nan rak thlak dih lai tiah a kan ti.

Aw ee kan rak thlak ko lai tiah kan leh. Sinain kan chung tein CNLD ah vote thlak cu kan i timh mi a si lo. Vote thlak lai lai zan cu a hung phan i cakuat in kan i chawn hna. US um kan fanu te nihcun CNLD ah vote nan rak pek hrimhrim lai tiah a kan ti than. A nulepa nihcun kanmah duhnak ah kan rak thlak kai lai tiah an ti ve. Cuticun vote thlak ni cu a hung phan i an chung tein NLD ah vote an pek dih.

Zan ah kan fanu te nih vote pek kong cu a van kan hal i NLD ah kan thlak ko khah tiah kan ti. Cu zan thawk te cun kan fanu cu a thinhung i Facebook a kan block dih. A tu tiang a chawnh zong a kan chawn ti lo caah chungkhar thinlung nuam loin kan um ko. A tanh tukmi party a chung le nih kan rak tanh ve lo ruang ah a thin hung ti cu kan theihthiam ko.

Sinain chawn lo hna in sau tuk a kan um sual lai ti kan phang tiah Falam um hringtu a nu nih a chim. Ramleng ummi mino hna nih CNLD maw NLD maw kan tanh tikah hin Laitlang ah a ummi nulepa le ulenau tiang an cung ah nawlngeih kan i timh awk a si lo. An mah duh mi te vote an thlak awk a si ko.

Ka duh mi nan vote lo ruang ah tangka kan kua ti hna lai lo, kan chawn ti hna lai lo ti hna cu a phung a si lomi a si. Fa le nih nulepa cung ah thinhunnak le ngaihchiatnak cu a can ah a um tawn ko lai. Sihmanh sehlaw party kong ahcun mah bantuk in kan um awk a si lo. US ah a ummi an fanu te zong a luan ngai. A duh mi party kha tanh ko sehlaw a za ko.

A nulepa chungkhar tiang in fial chih le hnek chih kha a herh mi a si lo. Thimnak zong a dih ko cang caah thinlung zong a thumh awk a si. Falam ah a ummi a nulepa cu thinlung nuam ngai loin a tu hi an um ko. An lungre zong a thei. Share in rak bawm cio hna uh. Credit: Lalnunmawi. Note: Hmanthlak ah nu a cuangmi hi Thailand nu asi.

Be the first to comment

Leave a Reply

Your email address will not be published.


*