DR. RAL BUAI CU FIANG TAKTAK IN LEHNAK A TUAH KO CANG HIH

Rev. Dr. Ralbuai nih a tial mi ka lehnak a si lai. A point te tein a si lai. Amah nih a tial mi ka vun tial than lai i, cun a tangah lehnak ka tuah mi ka vun tial lai. Rev. Dr. Ralbuai nih a tial mi cu America President thiamnak hi 1980 thok in voi 4 ka tanh cang. Trump an thim lioah zong ah ka um ko. Hilary a ngah bak lai tiah US mipi le vawlei nih an zumh. Result a chuak I, Trump nih teinak a hmuh. Popular vote ah Hilary nih a tei, Electoral College ah Trump nih a tei. Complain tuah khawh Nak tampi a um ve ko nain dai tein a um. “Complain tuah khawh nak tampi a um ve ko nain dai tein a um” tiin a tial.

Keimah: Daitein an um lo. Joint session ah Democrat lei representative nih Electoral vote ah complain an tuah. Daitein an um lo. Joint House session kha kan mit in kan zoh dih ko. Alabama, Florida, Michigan, Texas, Mississippi le Carolinas state kongah Democrat lei in representative pawl nih complain an tuah kha.Natein Joe Biden nih Senator pakhat tal signature nan ngei maw tiah ahal hna i, kan ngei lo an ti hnuah chim ding an ngei ti lo in an thut kha. Nancy Pelosi zong nih Michigan, pennsylvania, Wisconsin State ah ramdang an nih thlak ve caah vote audit tuah si seh tiah heh tiah a uapi ve kha. (November 23 ah The Guardian nih fiangtein a tial ko kha)

Daitein an um tiin na chim i, Daitein an um lo ning cu kan mit nih a hmuh dih lo. Trump cu Russia nih a bawmh caah a tling tiin Barbara Lee, California, representative nih a chim kha. Russia nih Trump hi a bawmh caah a tling mi a si, mah cu tehte kan ngei dih tiin a chim. Mah ruangah Washington DC ah Dawr, motor hna cu Democrat pawl nih heh tiah mei in an khangh hna kha. Dawr an hrawh mi le motor an hrawh mi a tam ning kha kan mit in a hmuh dih ko. Nancy Pelosi zong nih Twitter ah fiangtein atial ko kha. Kum 2016 Election ah ramdang an nih thlak tiah heh tiah a tial i, a au pi kha.

CNN zongah heh tiah a chim kha. Foxnews29 zong nih fiangtein a tial ko kha. Nancy Pelosi nih Twitter ah atial mi kha vun zoh ko. Ni 16 May 2017 ah a tial mi zong kha. Daitein in an um lo ruangah pei Trump cu kum 3 hrawng dothlatnak an tuah kha. Ramdang a thlak tiah Democrat lei nih an rak chim mi kha Lih le hrokhrawl lawngte a si kha. Kum tampi (kum leng) Russiagate ah dothlatnak an tuah i zeihman an hmuh lo kha. Ma dothlatnak an tuah mi kong phuan lo in an chia mi kha, Senator Lindsey Olin Graham (Senate Judiciary Committee) nih kan hnung zarh a khan alangter dih kha.

Russia nih Trump a bawmh mi pakhat hman Tehte a um lo, Politic ruangah Democrat pawl nih lih le hrokhrawl hmang in Trump an dohnak ti in dis-classified a tuah cang kha. Democrat pawl nih Trump president caah thim a sinak ruangh cu Russia a thlak tiin an chim kha. Kum leng leng dothlanak an tuah hnuah zeihman an hmuh lo kha.. Trump inauguration lio ah khan Democrat pawl nih fakpi in buainak an tuah caah minung 200 leng an tlaih hna i, Palik officer paruk cu hma fakpi an hmuh caah sizung ah an kal pi hna kha (Washington Examiner nih fiangtein an langter ko kha (Vidoe zoh ding mi zong a tam tuk kha)

Natein kum 2020 ah Joe Biden nih teinak a hmuh mi kongah China a thlak ve ti cu, Director of Intelligence Jonh Ratcliffe nih Congress sin ah fiangtein China an thlak ti a tial i a kuat ko hna kha. Daitein an um na ti i, Daitein an um lo ning mit ah hmuhtu kan si ve caah thil sining fiangtein chim a her caah le mipi nih thil a hman mi an thei khawhnak ding caah lehnak ka tuah mi a si. Rev. Dr. Ralbuai a tial mi, Trump hi khua bawi hmanh a tuan bal lomi asi. Biden hi Trump nih gambling, hlawh lang, broker_pueisa, casino a buaipui lio caan ah Kum 30 ram le miphun caah a rak tuan cang, President tampi he a tuan ti cang mi asi. American politic hi a chungmmuru tiang a theih.

Trump a palhnak cu Dictator bantukin um a duh. A chuah hlan kum 200 Nak tam nih an tuah MI kha ka peh ti a thei lo. Keimah tluk in Tamada a tuan mi an um lo, Tamada hmasa vialte hna kha “Alaka kaung” a ti hna. Ka duh paoh in Rian ka tuan lai, USA cu ka kut tangah a um tiah a ruah. America cu Constitution UK mi asi ti kha a thei duh lo. Keimah: Mah hi nangmah pumpak in Trump na huat caah na tial mi a si. Trump hi politician a si lo. Amah zong nih a chim ko. Politician bantuk in bia chim mi ka si lo. Ka chim mi hi cu ka tuah lengmang lai tiin fiangtein a chim ko. Trump zong nih Poltician pawl ruangah ramdang nih US hi zei an rel lo tuk caah President kan cuh ve mi a si tiin a chim ko kha.

Afanu Trump zong nih fiangtein a chim ko kha. Kapa hi politician bantuk a si lo, politician bantuk in nem tein bia a chim hmang mi a si lo, Natein US ram caaah 100% rian a tuan bak mi a si.Kapa hi Washington mirum pawl nih an duh ning bantuk in an tuah kho lo caah heh tiah an doh tiin a chim ko kha. Cun. Anupi Melania Trump zong nih fiangtein a chim ko kha. Ka pasal hi mi dang mit hmai zoh in bia a chim mi a si lo. US ram caah thil tha cu a tuah lengmang mi a si tiin. Mirum. US businessmen a si i, nangmah nak in cun alet in a fim deuh lai i, US president si a tim hlan ah US phunglam cu heh tiah thei a zum ve lai ti kha kanmah mihrut hman nih kan thei.

Na chim ning bantuk in politician pawl nih North Koreak Kim le China Xi Ping an tih bantuk in a ti lo. Aruang cu Politician a si lo caah si. Na chim ning bantuk in Potician pawl nih Iran an tih ning bantuk in Iran a ti ve lo. Vawlei cungah daihnak a um khawhnak ding caah cun a herh ning tein a tuan lengmang mi a si. Na chim ning bantuk in Politican pawl nih tling duh ruangah Isreal sin ah biakamnak an tuah peng mi, natein an tuah ngam lo mi, Polician a si bal lo mi, Khuabawi hman a tuan bal lo mi nih cun President a si kum hnih bak in Isreal khualipi cu Jerusalem a si tiin cohlan nak a tuah.

Joe Biden le Obama cu an mit hman an au ngam lo kha. Na chim ning bantuk in Potician a si lo mi nih President a si chung in raltuk nak a chuahpi lo mi a si, Clinton, Bush le Obama lio ah voih zeizat US nih raltuknak a ngei ti zong kan thei dih ko. Poltician nak in khuabuai hman a tuan bal lo mi thil tuah mi hi a sunglawi deuh ti hi keimah mihrunt hman nih ka thei. Tial ding a tam tuk. Tial cawl lo a um. Rev. Dr. Ralbuai, Uahnak in a khat, Mi zomtainak a ngei tuk. Lih chim a zei poi lo. Mirang long minung ah a chiah hna, USA cu. “white people country” ser aa tim.

A kain a chuak mi biafang upa ram hruaitu hmurka asi lo, “lantaze” bantuk asi. Biden zong amah nakin upa deuh, senior tuk mi “sleepy Biden” House of Congress hruaitu senior politiician zong “third class politician” a ti. A rum ngai ti asi I, amah nakin alet 10 in a rum mi an um a thei lo. Biaknak leiah a tuah MI hi, amah hmurka bang “fake le hoax” asi ko. Piangthar hmurka le khrifa lungput a ngei fawn lo. Keimah-Trump nih ka piangthar ti bia a chim bal lo. Khrifa tha ka si ti mi biafang pakhat hman a chim lo, a cungah na chim ning bantuk in seihman a si lo mi nih na uar tuk mi politician pawl nak in Khrifa caah thil tha tuah tam bik le bible a dirkam bik mi a si ti cu vawlei cung ramkip nih an hmuh dih ko.

Trump cu President a si ka in tu tiang Democrat lei media nih heh tiah an doh. Trump bantuk in Media nih a doh mi an um lbal ai lo. Media pawl hi an duh ning bantuk in tangka lei ah a bawmh hna lo caah le Trump tangah cun Liberal pawl hna kha an zalawng lai lo caah, Media tampi hi liberal, Mirum, Washington Mirum pawl nih an control mi a si caah lih le hrokhrawl in an doh peng. Adang tampi tial ding a um. France ah a kal lio ah ralkap pawl, athi cia mi hna cu looser tiin Trump nih a ti hna ti Media tampi nih an tial mi kha a hnuah Media nih lih le hrokhrawl lawngte an rak tial mi a si ti vawlei cung ramkip, keimah bantuk nih an thei dih.

Afganistan ah US ralkap a thi mi hna kha, lu man kha Trump nih Russia sin ah laksawn a pek tawn hna tiah Mainstream Media nih an tial mi vialte kha ahnuah mah kongah Trump cu breiffing voihkhat hman pek/theiter bal a si lo. A hnuah Washington Times nih a source a laknak kha an hal tikah chim ding a ngei lo ti mi zong kan thei dih ko. Mainstream Media pawl nih lih le hrokhrawl in Trump an doh mi thleidang a thiam lo tuk mi minung kan si lo.

Trump nih Krifa tha ka si ti kong a chim bal lo, natien Na chim ning bantuk in Poltician pawl bia tha tha a chim mi, bia dawh daw a chim mi nak in Khrifa caah amah bantuk in rian a tuan mi an um lai lo ti cu Khrifa lawng si lo, Biaknak dang zong nih an thei dih ko. Trump hi thleidang a hmang mi tiah na chim. Trump President a tuan chungah minak, Latino le Asian pawl nih rian an ngei mi tam ning le rian a ser piak ning a tam ning hi , na uar ngai mi Poticain pawl, biadaw a chim peng mi, nih an tuah bal lai lo

Joe Biden hi Democratic Presidential election race lio ah a bia chim mi le, lih a chim ning vialte cu Kamala Harris le Bernie Sander nih fiang cik cek in an chim dih ko kha. Kan mit in a hmuh i kan zoh dih ve ko. Rev. Dr. Ralbuai tial mi- Atu thideng in a tanh tu Laimi hna hi”animals, rapist, criminals” ati mi chungah Nan i tel dih. Trump caah cun “nasty” an ti hna. A donghnak ah mahle Ram In pi hrawh dih, riantuantu upa vialte thah dih, amah Tamada asi lo ah cun hrawh vialte a duh mi minung hi”tuanbia chia kha bik” asi cang. Politic le Party Kong ka tial lo, MI nung normal life Kong, ethics asi.

Keimah: Hillary Clinton nih minung a si ve mi amah vote lo tu sin ah “Deplorable” Zaangfah awk tlak/ ngaihchiatpi awk nan si/ tiah a rak chim mi kha, Democrat lei ah thazang petu Chinmi dihlak zong nan si ve ti kha rak phih hla. Cun Joe Biden nih ugly Folk tiah Ni 31, October ah a chim mi kha Joe Biden tanhtu vialte zong nan si dih ko ti kha rak phil hla.Trump ni Inn ranpi hrawh dih a duh tiin na chim i, BLM lio ah Democrat pawl nih Pathian Bia/Bible mei in an khangh mi, Federal court mei in an khangh mi, US flag mei in an khangh mi vialte kha kan mit in a hmuh dih ko.

Mainstream Media nih peacefull protest tiin an tial peng. Trump hi Inn ranpi hrawh vialte a duh mi minung na ti a cun, Joe Biden cu Bible, US federal Court House, US flag vialte hrawh a duh tu minung a si ti kha rak cohlan ve.Mah bantuk in thil a tuah mi hna kha Joe Biden nih cun peaceful protester tiin a ti peng ko kha. Kamala harris nih mah bantuk in thil a tuah tu Palik nih an tlaih mi hna kha tangka tampi hmang in bail out a tuah hnai, protestest an tuah than khawhnak ding caah a ti kha. Cun amah con impeach tuah ding lam kawl lio a si ti kha rak phil hla.

Cun Debate an rak tuah lio ah khan Kamala Harris nih Joe Biden cu Nu pawl caah tih nung tuk mi a si tiin heh tiah a rak soisel than kha. (Joe Biden zong nu paruk nih a ka tawn/ sual tuahpi a kan tim tiah an rak hacked ve cang kha) News kan rel dih ve ko mu. Biden, Eihmuar hman mi, Urkriane ah Vice President a si lio ah amah nawlngeinak hmang in afapa caah heh tiah tangka a hmuh khawhnak ding caah a rian tuan ning vialte. China nih a fapa an bawmh ning vialte kha kan rel dih ve ko.

Democrat lei ah vote a petu le a tanhtu dihlak hi eihmuar a cohlan tu, Setan ram kauter tu nan si ti kha rak i philh hla.Trump nih nauhrawh a duh lo. Biden nih a duh. Biden na tanh a cun a duhnak kha na cohlan tinak asi caah , nauhrawh duh tu nan si dih. Ka si lo nan ti zong ah nan ttanh ning nih a langter dih ko. Nudok, padok thitumnak ka cohlna lo nan ti zongah Biden ann tangh cang caah nudok padok a cohlan mi nan si dih ko. Bible nih na lum cun lum. Na kit a cun kit a ti kha. Credit:Lian Thawng

Be the first to comment

Leave a Reply

Your email address will not be published.


*