DR HRE MANG NIH FIANG PUP IN A CHIM DIH KO CANG HIH UAR A UM BAK

Dr Sasa nih Chin Party kong a chimmi siseh, Chin Ramkheel konghe pehtlaiin Dr Hre Mang biahalnak biaruahnak an tuah. Suimilam Pahnih chung biahalnak tuahmi asi tikah a chimmi vialte vun tial dingah cun a sau lai caah a tawinak in vun langhter mi asi. Dr Hre Mang nih a timi cu Chin miphun cu party dangdang le biaknak dangdang kan um zongah pakhat le pakhat i huat lo le thleidannak um lo tein kan um peng ding hi ka saduhthah pakhat asi.

Ramkheel Politics timi cu pakhat le pakhat i dohning le party pakhat lawng timi hi a um kho lomi asi. Cu ahcun pakhat le pakhat i soisel timi hi thil umtu ning cu asi ko. Asinain kannih cu Khrihfa kan si caah midang chiatnak hmang in mark hmuh aduhmi siloin kanmah nih kan miphun caah zeidah timhtuahmi kan ngeih? Nawl kan ngeih LIO lawngah siloin kan miphun caah Pathian nih zeidah fimnak aka pek?

Zeidah ka tuah khawh lai? Zeibantuk thiamnak dah ka ngeih? Kan party caah zeidah kan tuah lai timi pawl cu mipi sin ah chimfian ding asi. Zeibantuk party an si zongah Chin miphun caah thiltha tuah ding hi an duh lai tiah zumhnak ka ngei. Asinain ruahning ai khah lo cah zeitin dah kan tuah lai timi hi asi. Kawl Party i an um ruangah Chin Miphun an daw lo tinak asi i, Chin Party i an um ruangah Central party he rian an ttuanti lai lo tinak zong asi lo.Zeitindah an tuantti, Zeitik ah dah timi zong kha Chin mipi nih kan theih ding abiapi.

Khatlam ah Miphun party nan din cu nan sunglak men ding timi cu ram thuanthu tuahtha dingin thisen ih dinmi a si. US thuanthu kan zoh asile minung thawngtampi an thi ih thisen thawn dinmi ram a si. Myanmar zalennak khal thisen thawn zuammi a si. Curuagah tlangparmi in miphun hrang an zuammi cu nan sunglek men kan ti asile a dik lo lawlaw ih ram le miphun duhdawttu pawl nautatnak a si.

Chin miphun tuahtha dingah Chinmi pawl in tuanvo kan nei ih kawl le chinese an silo,Central cozah khal a silo. Cuti ka ti ruangah kawl pawl thawn kan tuantlang lo ding ka tinak a silo, Chin miphun tuahtha ding ahcun Chin miphun in tuanvo kan nei. Pathian in miphun pakhat ah in tuah ih kanmah ten hna kan tuan ding timi ruangah “Nan naa men ding, nan aa a si”in ti asile Pathian a aa an tinak a si. Ziangahtile Chin miphun tuahtu cu Pathian a si.

Tufang kan tulmi cu NLD le USDP ih kan um asikhalle midang kuthnuai men ah um loin Central dinhmun tiang thleng dingin zuam ding kan si. Hmuanthlangpa inn ah puarthau zetih um men siloin kanmah party ti thei dingah Central committe tiangah um haiseh. NLD le USDP ih an um asikhalle Central tiang um thei dingin zuam haiseh. Kanmah party an ti thei dingmi kha thupimi a si. Chin miphun hmin in hnatuan pakhat cu mi aa nan si,ruahnak nei lo nan si a lo titu cu thuanthu theih lo ,a thurelmi fiang lo a si.

NLD thawn hnatuan khal miphun phatsan,hnam duhdawt lo ih kan ruah ding khal an si cuang lo.Chin party in zianghman a ti thei lo ding a ti asile nautat a si. Politics timi cu sumpai hawlnak a silo ih ram thisen le miphun thuanthu a si. Party pakhat cakzet a um khalle a dotu party a um hrimhrim a tul. Ziangruangah Myanmar ah thlengawknak a um kan ti asile NLD ruangah a silo. Tlangparmi pawl in kum 70 sung lenglo thisen suakin an zuamnak ruangah a si.

Thlengawknak um ding ahcun a zuamtu party cakzet an um hrimhrim a tul ve. Zuamtu party cak loin NLD lawng cak vohvoh sehla zianghman a tuah thei cuang lo.NLD an lal sungah laitlang hrang ziangmi an tuah? laimi hrang ziangmi an tuah? Chin miphun kan sinak ka covo kha in laksak maw? Vice president tivek in pek ruangah lungawi tuk ding a si lemlo, zianghman a silo ih a hminmen a si. Chinmi hruaitu dingah kawl pawl in in ruatsak a tul lo ih kanmah ten kanmah hruaitu ding cu kan tuah dingmi a si.

Tutiang Chinram ah Airport an tuahsuak lo kha politiction pawl puakkuai thluh ding rori an si. Lungawi ding lam a silo,a tlai tukih 2020 a sizo.Central ah president , CM le MP tivek in pek asikhalle kan miphun hrang tuahmi a neih lo ahcun zianghman lo,a hminmen lawng a si timi cu kan zate theih dingah a thupi tuk. Curuangah Chin party in ziangkhal tuah thei a nei lo ding titu cu hlawknak lawng a zohtu a sithei, ziangmi zoh in a rel timi cu amah in a thei ding. Miphun party a um cu a um hrimhrim dingmi a si.

Chin Party in ziang a tuah thei lo kan ti asile kan ruahnak a tetuk ruangah a si. Asinan, tu cu cangvaih caan a si tikah relsiat le soisel cu um ding hrimhrim a si. Ram le miphun tungdingtu siloin Politiction menmen an si ahcun cutin an rel ko ding tiah kan theih a tha. Zianghman tuahthei lo party tiah rel cu nautatnak a si.Kan chinram ah CM zoin a tuan ding timi cu kawl pawl ih pek tul loin kanmah ten kan tuah thei timi cu kan zaten kan pomcio ding ka zum. Tlawng tivek khal kanmai thu kan zir thei a tul ih Airport tivek khal tuah thei ding kan si.

Politics timi cu thinsen thawn zuammi a si. Myanmar khal England in zalen thleng uh tiah an pekmenmi a silo ih Aung San in thisen thawn an rak zuammi a si. Curuangah kawl pawl party ah kan lut dingih anmah in zalennak in pe ding tiah ruahnak kan nei asile kawl pawl thinlung kan theih lo ruangah a si.Kanmah ten kan miphun hrang kan zuam lo ih kawl pawl in anmai thu in zalennak in pe ding tiah ruattu pawl cu kawl pawl thinlung theilotu pawl an si. Asinan, NLD central sungah an lut thei a si ahcun a cangtheimi cu a si.

USDP asikhalle Central ah tlangparmi tel ve haiseh. Cuvek lawngah National party a si thei ding. Cuti siloin tui dinhmun vek NLD le USDP Central ah kawl hlir an si ahcun kawl party rori a siko. Central committee ah Chin lawng an tel a si ahcun Chin party siko. Kachin lawng umnak cu kachin party a si ve.Kawl pawl thuanthu kan zoh asile buma kingdom timi an ruahnak cu tlangparmi pawl kan tuarnak a si. Kanmah miphun, Chin pawl in kan nor a tul. Central goverment ah kan nor a tul, State Goverment ah kan nor a tul.

A hrekin leihnuai in siseh,a hrekin media in siseh a phunphun in kawl pawl kan nor ih tlangparmi pawl kan tangtlang lo a si ahcun kawl pawl in Chin pawl ,Kachin ,Karen ,Rakhine pawl zalen uh tiah in pe dah lo ding.Pinlung lungkimnak ah kannih laimi pawl khal kawl pawl hnakin kan niam cuang lo, Kawl pawl thawn kanmah tlangparmi in ram dinkhawm kan dinmi a si. Cumi cu anmah in Buma kingkom ah an canter ih thisen a luang.

Rinsan an theih lo ruangah Kawl pawl in Kachin ,Shan, Rakhine, Chin le Karen tivek tlangparmi pawl cu an kuthnuai ih ret an duh ruangah kawl hni in fengter, kawl ca in zinter, Kawl nunphung in zirh ih lai thuanthu kan zir nawn lo,chin tong kan zir nawn lo,Chinram ah zosi hruaitu ding timi hril theinak khal kan nei nawn lo. Cuvek tiangin in rak tuah zomi ah a tikcu tein zalennak in pe leh ding kan ti asile kan palh lellel a si.

Suh Kyi a tar thlang, amah in a tuah thei lomi cu kanmah in tuanvo kan lak a tul. Curuangah kan politiction pawl le miphun kan tantlang lawngah thilcang theimi a si. Daan hrampi cu party pakhat lawngin a thleng theih loih NLD lawng khalin a thleng thei lamlam lo. Lenglam ihsin nortu thazet le cakzet a um lawngah thleng thei dingmi a si ih tlangparmi party pawl in nehnak an co tengteng a tul. Chinmi pawl kan farah tuk tikah kan pumpuarnak ding,lamzin tha kan neih theinak dingah tiin caan tawite hrang central party kan kop tul titu pawl kha miphun an duhdawt lo tiah kan ruah ding cu a silo.

Miphun cu an duhdawt ve ko nan, an ruahdan a danglammi a si. Tangka ngah duh ruangah ,lamzin tha, inn tha kan duh ruangah ,sinak kan duh ruangah politics kan tuah maw?timi cu ruah ding a si ih Chinmi pawlin kan tulmi cu Chin miphun hrangah hnatuan ding le a ding ngamtu ding cu kan tulmi a si. Chin party siseh kawl party ih lut Chinmi siseh an tumtahmi cu Chin miphun hrang a si. Asinan, tahthimnak in kan sim asile fala pawl pasal dingah sal tlangval, a pupa ih neihmi ring thluh maw? mahte ding thei tlangval nan duhsawn timi cu hril ding kan nei tinak a si.

Cumi ruangah NLD ih um pawl sal an si kan tinak a silo. Politics ah pumpuarnak a tel, sumpai a tel nan, kannih Chinmi pawl ih kan ruah dingmi cu miphun hrang a si.Chin timi malhsak vek kan si ih kan ca zir theinak kan nei nawn lo,kan tong zir theinak kan nei nawn lo. Kan thuanthu kilhim theinak kan nei nawn lo. Kan ram sungah zoin in hruai ding tiah tuanvo kan nei thei nawn lo. Ziangruangah Chin miphun hruaitu ding cu kawl pawl ih tuahsak a tul?

Chinram hnatuantu dingah kawl kan tul lo. Theihnak a mal tikah pumpuarnak hrang ,sinak duh hrang miphun zuar tla um theih. Kan pupa sanlai ah mirang ,tuluk le vai pawl in tidai in ding an pe lo,lamzin an sialsak lo. Mirang pawl thlen hlanah Chin timi cu mahte khua le ram tung dingtu a si,” tiah a ti. Credit: Vapualauaw.

Be the first to comment

Leave a Reply

Your email address will not be published.


*