Dr, Hmuh Thang Hi A Party ThimMi Ai Palh Nan Ti Maw? Rak Rel A Timh Mi Le A Ruah Mi Hi πŸ‘‡πŸ‘‡πŸ‘‡

Dr.Hmuh Thang le Thantlang Peng Lung thin le ruah ning.Tutaan November thla Kawlram pumpi Election ahcun, mah hihi kan lungthin cu a si….Democracy le Federal taktak cu kan hmu taktak rih lai lo timi kan i fiang ngaingai cang. Cun mi zeinihdah, Kawlram Pumpi Democracy le Federalism kong hi an kalpi ti zong kan i fiang tuk ve cang.

Tlangcung mi nih lenglei si loin mahte in zeitindah ka tuah lai tiah bia khiahnak (Self determination) le (Self governmentοΏΌ) kan si khawhnak ding kong zong hi kan i fiang ngaingai ko cang, kan Laimi mifim tampi nih an chim media kip le Facebook kip ah an tial i tampi kan lung a fiang ko cang.Kan nih Laihlum cu tutaan Election kong ahcun Party cu zoh kan i tim hrimhrim lo , cun dawitu phlih zong kan i tim hrimhrim lo……

.Kan i fian ngai cang mi cu ,Parties le Minung lungput hi a thleng lengmang tihi kan hmuh/theih khawh cem micu a si , cu caah cun tutan Election ah Thantlang mipi le khuami nih ME (VOTE) thlak dingah kan ruah mi hna cu hi ti hin kan zoh hna.Pakhat nak, ah Thantlang mipi caah zei tthatnak dah a tuah tawn.

Pahnih nak Thantlang khua chungah chiat ni tthet ni ah zei lungput dah a ngeih!Pathum Nak, Thantlang Mipi caah tthet hnem nak a ngei maw.Pali NakElection caan lawngah Thantlang ah mipi he a tongmi si maw.Panga Nak,Thantlang mipi caah a ngeihchiah a chawva le a tha zaang a chuah bal mi a si maw.Paruk Nak,Kan Thantlang khua hi a tleihchan mi a si maw timi hi kan zoh cang hna .

Vawlei cung khuazei ka ram hmanh ah hruaitu ca le uh tu caah cun Party a biapi bal lo an Minung cungah a hngat dih tihi kan fiang tuk cang.. cucaah cun tutaan Election ahcun a kan dawtu Minung ME kan pek ko hna lai , cu caah Laimi chung zongah bonchan mi kan Pa Thantlang khua Nu/pa zong nih Pa cen ah kan ngeih mi Dr.Hmuh Thang hi a donghnak zong a si cang caah Thantlang khua Nupa nih cun ME kan pek lo awk hrimhrim a tha lo,Laimi cu kan pipu chan in dawtnak a ngei mi kan si bantuk in

Dr. Hmuh Thang hi a donghnak bik kan dawtnak langhter nak caah Thantlang Peng nih ME a zuamnak hmuh paoh ahcun Me kan pek dih lai ti zong kan zumh.Party le hruainak Policy cu Election le thimnak a dih cun a thleng lengmang .Sihmanhsehlaw mi ttha le dawtnak a ngei mi le mi zawn a ruah mi cu nihin ni tiang an i thleng bal lo..

…Dr. Hmuh Thang hi nihin ni tiang ahcun Thantlang peng a dawtnak le Thantlang mipi a kan zawnruahnak hi a thleng bal lo.. Cu caah Thantlang mipi nih cun Dr.Hmuh Thang hi phlih awk a tha hrimhrim lo a donghnak a zuam zong a si cang caah Thantlang mi vialte le Thantlang peng a zuamnak paoh nih kan dawtnak ME kan pek cio hrimhrim lai timi hi zumhnak kan ngei ko .

Crd,Lian Hei Ling

Be the first to comment

Leave a Reply

Your email address will not be published.


*