DR. GABRIEL CUNG HU: CDM TIMI HI BIBLE AH A UM MAW?

CDM timi hi Bible ah aum maw? C- cu civil tinak si ii mipi (rammi) tinak siko. Ralkap silo mi paoh. D- cu Disobedience tinak si ii nawlngaih lo. Fialmi tuah piak lo tinak si. M- Movement timi cu Cawlcaanghnak lole tinhmi ngei in tuah mi tinak si ko. Aa tinhnik mi cu: Non-violence. fahnak le raldohnak chuah pi lo, Non- cooperation… riantuan tti lo tinak lole an tuahmi lungtling pilo tinak si ko. Kan bible chungah hin zumtu ( Pathian mi hna) nih Pathian dohkalhtu uknak le uktu hna cu an nawl an rak ngai hna lo.

Uktu nih nawl a chuah mi ralchanh in um le zulh duh lo ii CDM cu a si ko. Exodus ah. Egypt Saingpahrang nih Judahmi fa an hrin paoh ah Pa an si ahcun thah ding timi order a rak chuah ii cucu Pathian duhnak dohkalhtu a si caah Judahnu pawl Nau ngeihtertu (mid-wives) nih an rak zullo CDM an rak tuah. Dan.3 nak ah Shadrak, Meshak, le Abednego hnan ih An rak tuah. Dan. 6 nak ah Daniel nih a tuah ve. Cun, Esther Cauk chungah kan hmuh liangluang.

Biakam thar ah. Zultu hna cu Thawngtha chimlo dingin nawlpek an rak si nain, an duh lo i An CDM ko. An CDM ruangah tuk le hrem le thawngthlak tiang an rak tuarActs 5:1, Jesuh le a zultu hna nih hin Anmah chan lio uktu hna bia cu hi rak ngai in rak sul hnasehlaw tuni kan sin hmanh ah thawngtha a phan lo kho men khi si. An tlik bu le an zaam pah buin pei uktu nih an kham/ thloh mi hna khamhnak thawngtha chimnak cu an rak tuah cu. Chim ahcun a tam liangluang lai. Cucaah, Bible ah CDM aum lo kan ti ahcun CDM timi asullam ka theih loma si lai. Bible kan theih lo tuk bia tu dik a si lai. Pathian lei tu ahcun CDM lo ding si lai. God bless all. Crd. Dr. Gabriel Cung Hu

Lung Afak Ko: RIP. Ngeih a chiatuk e, Kalaymyo ah kawlralkap le palek meithal kahnak in minung pakhat a nunnak aliam. Kawlralkap nih uknak an lak hnu ah hmunkip kaakip in ralkap uknak lakmi cu ramchung mipi hna nih biatak tein lamzawhnak in an doh. Lamzawhnak atuahmi chungin kawlralkap le palek hna meithal kahnak in a nunnak aliammi hi tuchun ni tiangah minung an tam ngaingai cang. Hi konghe pehtlaiin tuchun ah ram le miphun caah tiah ralkap uknak adohmi chungin kalaymyo ah minung pakhat a nunnak aliam.

Kalaymyo ah ralkap le palek kahnak ruangah a nunnak aliam hmasa bik mi asi. Nizan ah khan kalaymyo ah biatak tein lamzawhnak an tuah i, cu ahcun palek le kawlralkap nih meithal in an kah hna i, hliamhma zeimawzat an pu hna.Nizan palek le kawlralkap nih an kah hna ruangah hliam atuarmi chungin Oo King ( Zin Myo Maung ) cu tuchun ah ahliam hma tuar kho loin hi vawlei nunnak in aa kan thih taktak tiah thanhnak an tuah. A cunglei langhter cang bantukin kawlralkap nih February nikhat in uknak an lak hnu ah Kalaymyo ah ralkap le palek kahnak in a nunnak aliam hmasa bik mi cu amah hi asi. Rest In Peace.

Relchih: Min Aung Hlaing caah thawngpang chia taktak a chuak hoi cang. Kawlralkap nih UN Palai caah rian an khinh mi U Tin Maung Naing cu aa zukphiak ruangmang cang. Kawlralkap nih an thimmi Myanmar Deputy Ambassador to the United Nation, U Tin Maung Naing cu tuchun ah arian in a chuak cang tiah social media hmangin thanhnak a tuah ruangmang cang. Min Aung Hlaing caah cun vanchiat bak asi lai.Tuchun ah rian biapi sinak akaltak mi U Tin Maung Naing hi US i, New York khuapi ah a ummi asi. Hi rian an khinhnak aruang cu kawlralkap hna nih U Kyaw Moe Tun arian an chuahmi amah aiawhtu dingah UN palai caah kawlralkap hna nih an thimmi a si.

Hi konghe pehtlaiin naite nizan tihni ti awk ah khan U Kyaw Moe Tun cu UN ah kawlralkap ralchanh in bia a chim caah arian an rak phuah.Nangmah hi ralkap a serhsattu le ralkap mual aphohtu na si tiah an ti caah arian an rak chuah. Amah ai awhtu dingah U Tin Maung Naing hi kawlralkap nih an thim tthan mi a si i, nizan ah khan UN sin ah Kawlralkap nih U Tin Maung Naing hi kan thimmi a si tiah thanhnak an tuah hna tiah thawngzamhnak nih alanghter. Tutan ah rian in a chuak tthanmi hi tuandeuh an phuahmi U Kyaw Moe Tun tangah a ummi asi.

Tutan ah kawlralkap nih rian an khinhmi U Tin Maung Naing nih a cohlan a si ahcun tuan deuh an phuahmi U Kyaw Moe Tun he hin pakhat le pakhat karlak ah zuamcawhnak or i ralchanhnak a um khomi asi timi alangh caah tuchun ah hi rian khinhmi cu ka ttuan lai lo tiah ralkap pawl cu hmaichia in U Tin Maung Naing nih a tuah cang hna. Hi konghe pehtlaiin The Irrawady thawngzamhnak nih hitihin a chim.Twitter le facebook ahmangmi minung thong tampi hna nih U Tin Maung Naing cu UN palai rian attuan ding le asi dingmi cu kan cohlan kho lai lo, mipi kan ai awhtu dingah asi kho lo i, kan cohlang kho lo, mipi caah kan aiawh in rian attuanmi cu U Kyaw Moe Tun lawng hi asi ko tiah an langhter. Cu an langhtermi cu minung kip nih share zong an tuah dih hna tiah a ttial. Cun U Tin Maung Naing cu arian in aa phuak cang tiah alanghter.

 

Be the first to comment

Leave a Reply

Your email address will not be published.


*