DONALD TRUMP DIRHMUN ATTHA TUK CANG A CIASA BAK SI KO HIH

US President Donald Trump caah thinphan ding a um ti lo. Poll tuahmi zoh tikah Trump a dirhmun a tthatuk hringhran. Aralaimi US thimnak kongah hin mipi ruahnak laknak POLL an tuahmi hi tampi a um. Tthenkhat Poll tuahmi ahcun Donald Trump dirhmun athat lonak siseh, Trump zuamcawhtu Joe Biden dirhmun atthatnak lei kong an langhternak mi tampi hmuh awk a um.

Cun tthenkhat a pipuam deuh in tuahmi ah Joe Biden cu Donald Trump nih ateitu timi hmuh khawh asi. Poll tuahmi hi a result cuanh tikah kapttanh in akalpi mi tampi an um tawn. Asinain tutan thil acangmi hi cu khuaruahhar ngaingaimi thil a si. Liberal Left Wing hna nih Bible bantukin an zumh bak mi FORBES nih alanghter mi tu kan vun langhter lai.

Forbes nih alanghter ning ah cun Donald Trump dirhmun hi atthatuk hringhran. A ralaimi thimnak ah hin Donald Trump cu ruahning bantuk in a dirhmun attha taktak. Chiat lei hrimhrim a panh lo. Coronavirus zawtnak kong a rianttuan ning zoh tik zongah Trump cu tutan thimnak ah hin atling ko lai tiah zumh a si.

Aliamcia April thlachung ah US sipuazi cu fak ngaiin a rak ttumchuk. Asinain kha thil nih Trump dirhmun pakhat zong attum ter kho lo timi hmuh asi. Trump konghe pehtlaiin The Oxford economics report ah cun Trump dirhmun atthat lo caah thimnak ah hin a sung ko lai tiah an langhter. Asinain Gallup nih Poll atuahmi zoh tikah Trump cu a dirhmun attha thiamthiam.

Aliamcia sining George W Bush le Obama dirhmun vun tahchun tikah Donald Trump nih a tei ngaingai hna. Tutan ah fiangtein an zumhmi cu Trump nih tulio dirhmun sining tahchun in W bush le Obama a teimi hna hmanh nih president term hnih an peh asi ahcun Trump chinchin nih cun apeh ve ko lai tiah an zumh. Aruang cu Trump adirhmun a tthattuk caah asi.