DAVID LAH HI A HRIN TTHAN KA ZUM LO: AUNG MYINT THANG

David Lah konghe pehtlaiin Aung Myint Thang nih a hmuhning fiang tein alanghter. David Lah hi piangthar or a hringthan mi asi ka zum lo tiah Aung Myint Thang nih a chim. Rev. David Lah hi kan theihcio bangin nai hrawnghrang, zawtnak coronavirus a chuah hnu ah a konglam thawngpang social media ah arak laar ngaingai. Covid kongah biatak tein bia arak chim tawnmi asi.

Cun zapi nih kan theihcio bangin Rev David Lah hi Pathian thawngttha achimphuang lengmang mi asi i, kawlram mipi hna nih cun kan theih taktak mi asi. Hi konghe pehtlaiin tutan ah Dr Sasa kongah bia a chim i, social media ah a vun laar ngaingai tthan. Kha kong cu zapi nih kan theih dihmi asi ko caah tampi langhter awk a um lem lo.

Rev. David Lah nai hrawnghrang ah social media ah a vun langh ngaimi kong he pehtlaiin  Aung Myint Thang nih cabia tawite in a vun langhter ve. Aung Myint Thang nih a timi cu Coronavirus zawtnak tlangrai kongah a buai cemmi hi David Lah asi. Atu buainak le Dr. Sasa kong zongah hna ahnok cemmi zong hi amah David Lah tthiamthiam asi. David Lah hi apiangthar or a hrinthan ka zum lo tiah a chim.

No description available.

Aung Myint Thang nih cabia tawitein David Lah kong alanghter mi cu Coronavirus kongah a buai cemmi hi David Lah asi, atu buainak le Sa2 kongah hnahnok cemmi zong a mah asi. A hrinthan ka zum lo. Tiah Aung Myint Thang nih cun alanghter. Cun Video ashare mi ah cabia attial tthan mi cu Fim ai ti ning le thiam ai ti ning, mi hrokhrol. Thla lawng cam caan maw asi, thlcam he tuahsernaak he langhter caan dah asi ti hmanh a thei lomi pa. tiah alanghter chih.

Apoiko: Suu Kyi cu a Hmuh 2 an Chap than. Monday in cun Suu Kyi cu a hmuh 2 an chap than. Nizan Sunday lawng i an thahmi hna hi minung 18 hrawng an si, tiah Suu Kyi a sihni nih a chim. Monday i video in taza cuainak an tuahnak i Suu Kyi muisam zohtikah damcah dawh in a lang ko, tiah a sihni Min Min Soe nih Reuters ah a chim. Feb. 1 hnu in NLD hruaitu Suu Kyi cu nihin tiang mipi lakah a mui hmuh awk a tha ti lo. Video chungin A May (ka nu) ka hmuh i, damcak ngai sehlaw a lo ko” tiah Min Min Soe nih a chim. A hmasabik ah khan cun walkie-talkie case in taza an cuai.

Nehhnu ah coronavirus upadi he kalh in kokkek zatlaknak phung na buar, tiah taza an cuai chap.Mipi cungah tihphannak ,asiloah, ralrinpeknak, asiloah hnahnawhpeknak thawngpang capar in na thanh, na chuah caah, tiin Monday in khan cun case dang an chappiak than rih, tiah Min Min Soe nih a chim. Licence ngeih a haumi telecommunications upadi phung na buar, tiah case pakhat an cham fawn rih.March 15 ah khin zung an chuak than ding a si. November election ah NLD nih landslide un buan a comi pahchih riangmang in ralkap nih nawl an lak hnu cun Myanmar pumpi ah buainak lawngte a tlung.

Video in Suu Kyi biaceihzung a chuah lio ah cun police nih heh tiah Yangon khuapi ah stun grenade le tear gas in duhlonak a langhtertu pawl cu an kah hna. Monday belte ah cun a thimi an um, tiin thawngtheih a si hraw rih lo. Asinain, Sunday ah khan cun a tlawmbik minung 18 hrawng an thi, tiah UN human rights office nih thawngthanhnak a tuah.Hi duhlonak langhternak hi zeibantuk a can zongah kan pehzulh ko rih lai,” tiah police nih tear gas in an kah i lam cungah um lo dingin an dawimi hna hnu ah Thar Nge nih phone in a chim.

Hika hi kan peng le ka sang a si. Ai dawmi sang kan si. Asinain, a tu cu meithal thawngpang lawng kan thei cang, kan inn tang hmanh ah kan him ti lo,” tiin a chim.Sunday i mi an thahnak kongah phone in ralkap lei an chonh hna nain an let duh hna lo. Fih bak a NUNG. Kalemyoe ah duhlonak a langhtertu pawl nih Suu Kyi hmanthlak an i ken lulh hna i, “Democracy, kanmah ta, kanmah ta” tiin heh lawmaw tiah an aupi. Lashio le Bagan zongah heh tiah an aupi. “Hi buaibainak hi fih a nung” tiah US Secretary of State Antony Blinken nih a chim.Ralkap nih tihnungmi hriamnaam a hmanmi hi huatthla a la rumro” tiin Canada foreign minister Marc Garneau nih a chim.

Ralkap nih hin pehzulhin thatlonak a tuah lai, ti hi a fian caah, international community nih faakdeuh in zuanhnawh hna an hau, tiah Myanmar i human rights kongah UN Speical rapporteur a si mi Tom Andrews nih a chim.Hriamnaam cawk khawhlo dingin kham ding, ralkap cungah phihkharnak tuah cio dingin le UN Security Council zong nih Internatioanl Criminal Court tiangah an kong phaakter ah a tha cang, tiah Andrews nih a duhnak a langhter.Biaka le capar in sualphawt hi a tha ko.

Asinain a za hrimhrim lo. Kan cawlcangh hrimhrim a hau,” tiin Andrews nih a chim.Kan mithmaika ah a cang cuahmahmi zangmangchia bantuk Myanmar boruak hi zualhmat lei a panh chinchin ding khi a fiang ko. Cucaah vawleipi a cawlcangh hrimhrim a hau cang,” tiin a chim.Nihin tiang i ralkap nih an tahmi mipi hi a tlawmbik 26 an phan cang, tiah November election lio i buan a co mi lawmakers pawl aiawhtu phu nih a chim.Minung 1000 lenglo an tlaih cang hna. Credit: Chelsea Bawi

Be the first to comment

Leave a Reply

Your email address will not be published.


*