CNP CHAIRMAN NIH THAWNGTHANHNAK ATUAH CANG

Chin National Party (CNP) Chin Miphun Party Thawngthanh. 1. 2020 November 8, thimnak ah MP cuh duh mi nih August 5, 2020 tiang candidate sawk khawh a si. 2, Chin Miphun Party (CNP ) party cu federal le mah te khuakhan lairel khawh nak kan khel bantuk in kan party hruai nak chung in kan thok kan hman lai.

Candidate kong zongah centre nawlneih nak a um lai lo, (local full authority) myone EC khuakhan ning in kan kal lai. 3, Chin National Party (CNP ) cu rampumpi huap hmatpungtin nei mi kan si caah Chin Pine Myone kip ah zung on nak nawl kan nei, zung on a duh mi myone le candidate cuh a duh mi nih pehtlaih khawh kan si i a herh mi poah kan in bawmh hna lai.

Centre CEC ah nawl hal le sawk a hau lo, Pine chairman cungah tuanvo pek dih a si. 4. Chin National Party (CNP) cu Pathian le Chin Miphun hrambunh in thil sining ruangah kan vun dirh than mi a si caah ramchung ramleng Chin miphun dihlak nih nan thazaang dihlak chuah in kan dirpi hram ko u, thlacam nak in kan bawm hram uh tiah zaangfah kan nawl hna.

Kan miphun kan ram caah kan thinlung dihlak le kan sining dihlak in riantuan ai tim mi kan si. 5. Thantlangpeng Chin Miphun Party chungtel vialte sin ah nawl nak ka vun tuah. Ram le miphun caah nan retheih nak le nan ni pumpek nak vialte cungah upat nak kan pek hna, kan i lawm tuk Bawipa nih nan riantuan nak cio ah Thluachuah thar he lam in hruai ko hna seh.

Hruaitu chungah i hmuhthiam lo nak a um ruangah Thantlangpeng CNLD party cu Centre Bahu nih party in an kan chuah cang caah (17.7.2020 ) thok in kan chuak i (2010) kan min thing Chin National Party (CNP) min in kan dir than cang tiah thawng kan thanh hna. Khua te lei dihlak zong nih CNLD min hmang in Chin Miphun Party kan si ai ti mi poah cu lai party thing an si lo tiah rak theih ding an si lai, rak zumh lo ding, meeting rak kai lo ding a si lai tiah thawng kan thanh hna.

A ruah hlan ah Chin National Party (CNP) min in kan nin tlawng colh hna lai, kan hong in tlawn tik hna ah fiang tein kan chim lai. Nan fian lomi le theih nan duh mi poah 09400302952 ah vun kan chawn u tiah thawng kan thanh hna. Kan ni lawm tuk. Lal Maung Cung Chairman. Chin National Party (CNP) Chin State, Chin Pine Ph:09400302952. Credit: Lal Maung Cung