CNLD SOISEL IN MP TLING AA TIMMI SALAI LTT LE LMC. BY JENEVY SUI CHIN TIAL

CNLD soisel in MP tling aa tim mi hi Salai Lungthli Tum le Pu Lal Maung Cung.Media Interview zong a ngamh lomi, Media hmai ah Chin ram kong saduhthah chim awk zong a ngei lomi, midang soisel in MP tling i timh hi cu nihchuak zong a si pah ngai ko. Tukum thimnak ah a lut ding Candidate tampi cu Media kip nih Interview an tuah cang hna.

Chin miphun caah zeibantuk policy dah an ngeih, Chin ram thanchonak zeitin dah an tuanchuah lai.Kawl uknak kong ah an hmuh ning cio zong an chim cio cang hna. NLD Candidate zong Interview tuah len an si cang. Cu pin ah CNLD Candidate pawl hrim cu media nih interview an tuah pah dih ngawt cang hna. A sinain Pu Lal Maung Cung le Salai Lungthli Tum cu Media nih interview tuah ding in an chonh hna nain an cohlang lo, Interview tuah an duh lo ti a si.

Media hmai hmanh ah Chin ram kong saduhthah, chim ding a ngei lomi, a chim ngam lo mi nih Party pakhat le minung pakhat hnih hmuitinh rumro in thangchiat nak tial, minung soisel in MP cuh i timh hi cu ruah ding a tam taktak khi a si cang.Pu No Than Kap nih cun Salai Lungthli Tum cu leh awk tlak a si lo, a duh paoh in au ve ko seh, MP aa cuh ding mi minung pakhat nih minung soisel kha a biapi a si lo tiah a tei mei ve.

Tuzaan lei zong ah Pu Lal Maung Cung nih CNLD chiat nak cei lak a tial rih hoi ve. Vun zoh ahcun nihchuak khi asi. Mifim kan pale nih cun an lungchung tein an nihsawh ngai ngai lai. Biaherh: Tukum thimnak cu a linsa ngai. Kum dang nak in Chin miphun zong kan tui deuh, Miphun thisa kan ngei chin chin ti nak a si.

Mi that lo pawl an dawi hna, a dik fel mi bak lawng tein an i thim cang mi hna hrim hi kan thangcho chin ti a langhnak a si. Cu lawng si loin Mifim, ram dawtu cheukhat nih NLD cu Zero an si tiah an chuah tak mi hna hmuh tikah miphun ah kan thangcho bak ti a lang ngai. Nan duh cu group ah share cio khawh a si lai. By Jenevy Sui Chin Tial

Be the first to comment

Leave a Reply

Your email address will not be published.


*