CNLD Pawl Nih Rel Uh NLD A Kai Hnu Ah Kan Lairam Hi Mah Tluk Hin A Thleng Manh Hih

NLD a kai hlan le kai hnu a hlei in kan ram a hlen ning vun cio uh NLD pa Van Thio Thawng lawng te si hih Vice President Henry Van Thio nih kum ( 5 ) chung ah Kan ram caah an kan tuah piak mi,September 15,2020 ni zanlei ah thawngpang kan theihmi cu Myanmar Vice President Dr.Henry Van Thio a zuamnak thawng in: Pakhatnak, Saisihchuak Tipi hlei donhnak ding ah India cozah nih Budget Rupee Million 315 (a tu lio 1 rupee ×18.02 ) Kawlram tangka in cun Million 5676.3 ) hrawng budget an thapcang ti thawng kan theih.

Pahnihnak, Vice President Dr.Henry Van Thio cu hi hlei hi rianrang in donh khawh nak ding ah India lei nawlngei tu upa hna, India Embassy le Kawlram Transportation and communication minister hna he chimhchonh in biatak tein rian a ttuan cuahmah lio a si ti kan theih. Cu caah biatak in thlacam bawm hna u sih.Pathumnak. Saisihchuak hlei donhnak ding hi NLD cozah an si lio ah Vice President Dr.Henry Van Thio nih biatak tein a zuammi a si caah Kawlram cozah dang an kai sual ah cun phung dang pi in an mersan sual lai ti hi minung lei kap cun phan a um ngaimi a si caah 2020 election cu a biapi taktak lai caah kan pengmi hna nih lungfim taktak in mee thlak a hau ko lai hih.

Hi Saisihchuak Tipi hlei hi kan Chinram, kan Thantlang peng le a bikin kan Vailamtlang tthancho nak ding ah a biapi taktak mi a si ca ah bia tak tein thlacam cio hna u sih.Saisihchuak lam hi kan Kawlram Highway lampi he ai pehmi a si. 2013 kum April ah a tu Vice President Dr.Henry Van Thio he lamsul kan rak zoh.Cu lio te in Dr.Henry Van Thio he kan Chinram tthanchonak ca ah khua a rak ruat tak tak mi a si. A tu a mah thawng in Kawlram Highway Lampi he aipehmi Saisihchuak lam a kan lim piak hnu ah Saisihchuak Tipi hlei donh khawhnak ding zong a kan halpiak i kan van hmuh cang.A cung ah tampi lawmhnak kan ngei.Pathian nih Ram le Miphun ca ah cawisang chin ko seh.

” Vice President Dr. Henry Van Thio Pumpak Tuanbia Tawi, Kawlram huap in Rian an khinh mi le a rianttuan mi Pakhatnak Chuahsemnak:Thantlang peng Tikir khuami tleicia Pu Lian Tlung (Khenglawt) le tleicia Pi Ngun Par (Sangpi chung) nih August 8, 1958 kum ah an hrinmi an fapa upa bik a si.PahnihnakChungkhar kong:August 16,1997 ah Rev. Dr. Ral Buai (Vuangtu Sangpi chung), Founder of UPC of Myanmar le Pi Sung Kui (Khenmual) (Tleicia) hna i an fanu upa bik Dr. Anna Sui Hluan, B.A.(USA),D. Min (Philippines), Ph.D. (New Zealand) he a thiang thitumnak an tuah. Pathian nih rosung fapa Jesse Van Bawi, fanu Jennifer Ngun Sui Par le fapa hniang Joseph Van Thio a pek hna. Jesse le Jennifer cu New Zealand ram Dunedin khua ah Otago University ah sianginn an kai lio i, Joseph cu Yangon ah sianginn a kai lio.

Pathumnal Fimcawnnak: Tikir khua State Middle School in kum 1972 ah tang sarih a awn hnu ah Hakha State High School in kum 1975 ah tanghra a awng. 1984 Kum ah Mandalay Arts and Science University (MASU) in B.A.(Geography) degree a la. Kum 1999 ah Yangon Arts and Science University (RASU) in Post Graduate Diploma in Law degree a la. Kum 2010 ah Philippines ram Manila khua international Graduate School of Leadership (IGSL) sianginn ah Master kumkhat a kai.Palinak, Rian tuannak.

Note Mah vial kha si ruh seh a tam pi an tuah mi um.rih

Be the first to comment

Leave a Reply

Your email address will not be published.


*