CNLD PAWL CU HMAICHIA IN AA KAN TUAH KO CANG HIH

Zeitindah CNLD chairman Pu No Than Kap a sining le a luancia tuahsernak kong na tial ngam? Na tih lo ma? An thah sual lai dakaw’ tiah mi tampi nih ralrin an ka pek, Hakha le Thantlang ka vahnak ah ralrin pek a tam khun.Zawnruahnak lungthin he ralrin aka pemi zong an um i thihphaih duh ah warning aka pemi zong an um ve.

Mino te a simi keimah zong thah a ngamh ko lai, thah a duh ko lai tiah nan ruah i nan tihmi pa cu maw kan Chinram hruaitu ding ah thim nan duh i nan timh? A hruaimi party CNLD dirhkamh le vote pek cu indirect in amah vote pek bantuk a si i amah CM si khawhnak lam sial piak bantuk a si timi nan thei lo maw?” tiah ka leh theu hna.

Party pakhat mee kan pek tikah kan duh zong duh lo zong ah indirect in party hruaitu mee kan pek a si, NLD vote na pek ahcun an hruaitu Suu Kyi or Lian Luai vote pek bantuk a si i CNLD vote pek ahcun an chairman Pu No Than Kap, Pu Ngaisak le Pu Zozam vote pek bantuk a si ve. Mipi kan lungfim i kan i fian ngai a hau. Salai Lungthlitum

Relchih Attha Khotuk:Nawi Dam Experts Thiam sang pawl nih an ttuan ning ka theih tawk. Kei vangzuan le Nawi ah Dam tuah ding in khahlaanpi in kan u le pupa pawl chunmang le chim lengmang mi cu arak um bal cang. Hakha hi kan karh chin lengmang bantuk in Tii kan har chin lengmang i cung upa le nawlngei nih an ni zuam lengmang nain nihin tiang atlam atling kho ballo. Halkha khua zungzal tii kan har mi hi phisin ding le Khua tthanchonak caah tiah rak ruah mi Nawi Dam kong ka theih tawk atanglei hin karak tial tthan ve.

Pakhatnak. 2009 kum ah Yangon Pu Ni Kung le upa pawl, Ram dang in Pu Mang Hram le Ram kip upa cheu khat hruai nak in phasa an thawh cio i Nawi Dam cu dil khawh ding asi le si lo Pathian zangfahnak in thiamsang pawl an rawih khawh hna. 29.12.2009 in Zarh khat chung Dam lei thiam sang pawl Hakha ah an caam i hlathlainak an tuah. Mahlio ah Yangon in Pu Ni Kung hruainak in Komiti nih abik in tuanvo an kan lak piak hnu ah Hakha in Nawi Dam komiti kan um ve, Luthlai ah Dr Hlah Aung le chungtuan ah Pu Sui Thio le upa tam pi kan ni tel.

Khua thar khuabawi Pu Za Cung zuam piak nak in view point ah Expert team pawl cu kan don hna. Keimah( R. HramCeu 2003 -2011) Halkha khuanu/pa ( Chairman) Lutlai ah an ka fial lio asi ve caah tha ka pek ve hna ka theih tawk cu a um ve. Expert pawl survey dih in detail report an chuahhlan ah Halkha khua nu/ pa pawl he zong HBC Hall ah Expert pawl an hmuh ning ton nak an tuah caah tha nuam lung hmui ngai in an kir. Expert ara mi pawl cu;(1)Prof. Khin Mg Chit, leader asi i kawl ram Dam nganngan 200 renglo design a suai tu a si. (2) Daw Htay Htay Win, Deputy Director, Irr. Dept, Quality Controller (3) U Zaw Win Chit, Designer, Ass. Director, (4) U Kyi Htun Soil & water Lab. Technician. (5) U Than Naing Win, Geologist Irr. Manipur dam. Le (6) U Soe Tint Irr. Center office hna an si.

Pahnihnak. Expert team nih cunTopo graphic map ngan pi 4×3 an rak ken. Halkha lei in Khua upa pawl nih Lai lei mit in dil se law tiah an ruah mi abit nak bik hmun thum kha map in an hmuh sak hna. Mah hna cu; (a) Khel tong va le Nawi va an i ton nak thlang deuh, ( B) Umpu zon abit nak zon le (C) Van cum va le Cerpar va le Nawi va an ni ton nak thlang deuh tiah hmun thum an sawh piak hna. 30.12.2009 ni ah an zapi ahmun ah an kal i an zoh.Map an zohtik ah (C) zon hi an hna tla bik i an thimcawlh. A le B zon cu Dam height asang tuk lai ti dil mi abi lai Phaisa tam tuk a dih lai anti.

Ni hnih chung an mah le an rian lei cio kha an tuan. Nawi kuang chung i vawlei khi hmun 5/6 ah an cawh i sala dip in vawlei kha an chek an ni phawrh, Nawi tiva tii kha thawl in an ni phawrh, Lung pawl kha an ni phawrh. vawlei tang i lung dap umtuning an tah dih. Tii azut kho lai maw adil kho lai maw , acim kho lai maw ti pawl kha an zoh, an chek dih hnu ah HBC Hall ah Khua nu/ pa pawl he tonnak meeting an tuah I cu meeting ah an hmuhning an thanh dih hna leng ah report detail in 2010 chung ah kan rak chuah lai an ti i report cu cauk pakhat in map he design he estimate he aa tel dih in an rak chuah.

Pathumnak. Mah lio ahcun Halkha khua Dinti kan har tuk mi kha luat khawh ding ah Dam in electric tha250 MW tha veve Pa 2 kan chuah lai i Mah electric tha khan ti kha kan dawp lai i Rung tlang cung ah ti khor nganpi chung ah kan khumh lai i Hakha pi khaTii kan pek lai timi simanking a rak si. USD $12 Million dih ding in estimate an rak tuah. Chin State CM U Hung Ngai nih Phaisa tamtuk a dih lai caah adang tthanchonak kan herh mi tamtuk rih ati caah, pehzulh asi ti lo.

Palinak. Mah lio ah electric tha he Rung tlang cung tiang tii dawp nak tiang in estimate an tuah caah a dih ding a tam tuk taktak. Atu cu Tii dilnak lawng asi caah tamtuk adih ti lo i acozah nih tuah piak ding ah 2020-21 ah phaisa 2 billion an chiah cang i kumthum ah dih ding in billion 10 dih ding in an ti mi hi asi.Halkha khuaTii kan har ning hi mi zapi theih asi ko.Cung upa le nawl ngei pawl nih lungrethei ngai in kum tam tuk tii source an kawl na in nihin tiang tii kan har rih kan ni za lo. Timit tii hi aruang tampi ruangah zapi kan ding kho rih lo. Lai kua tii hlei mi khi Halkha pi caah azat lai tiah lak ding in timh tuah asi nain Falam ram chung asi caah an mah nih an lak diam cang.

Nawi Dam dil i Halkha pi Tii har mi phisin ding ah Cung Pathian nih Kan Lai tlai kan ram pumpi VP Henry Van Thio lung chung ah thluachuah akan pek piak i mi zapi theih ter rih lo in heh tiah survey tuah tthan ding in Irrigation dept kha bawmh nak ahal hna i 2019 Dec. in Chin State Irrigation dept Head U Aung Kyaw Myint le Mandalay in Expert pawl U Piah hruainak in thla 2 le cheu chung an ttuan. 2010 i Dr. Khin Mg Chit team pawl survey report kha an zoh chih hnu ah Vawlei kha aherh nak hmun kip ah athuk taktak in hmun tampi ah an vih i Nawi Dam cu dil khawh tuk asi, a ttha tuk lai, aadawh tuklai, San atlai tuk lai, Khua ram atthanchoter lai tiah aphi an chuah hnu ah atu an thok hnek cang mi hi asi. 9.7.2020 Ni ah Pu ZoBawi hruainak in Pu SonyThang Cung, Minister U SoeThet le zung lei lutlai pawl le bawmchaantu komiti, vawlei ngei tu pawl tonnak le biaruahnak meeting ah U Aung Kyaw Myint Chin State Irrigation Head, nih power point in detail in ah chim dih apiah dih leng ah apehtlai mi dept pawl zong nih upadi le vawlei kong acozah nih khuaram tthancho nak caah hman aduh ahcun zeitintuah ding ti pawl kha an chim cio dih. Atu ah vawlei ngei mi cheu le Nawi tii dil aduh lo mi pawl nih an hmuhning an tial cio. Lai mi nih kan ruahnak men le kan duhnak men in bia kan chim cio tik ah,Daniel pa chim bantuk in “ Zawng he Para thlei” kan lawh sual ah tiah, lung fiandeuh nak caah abawm chan tu asi hnga maw tiah Expert report kha detail in hmanthlak pawl he ka rak langter tthan.

Panganak. Dr.Khin Maung Chit team report chungah abiapi mi zapi theih khawh ding cheu khat ka rak taar, report hi cauk lehmah pakhat deng chah in an chuah mi asi. Atawinak in an fun mi ( attach ka rak tuah chih dih) chung in a herh kati mi ka rak lak mi an si, (a) Page (1) II, Water Quality- As per water sample taken from Nawi Creek Dam site ( As on 30 .12.2009 ) apart from lead contents, all test data’s were within Drinking water standard of Japan and WHO. The lead contents tested is 0.265 mg/L which is WHO limit of 0.01 mg : and Japan standard of 0.05 mg / I . At the same time of sampling, the Creek flow is at minimal cause of post monsoon, the flow mainly contain seepage back water from hill slopes and tops. For Nawi stream yearly in- flow of 9500 acft, the seepage flow may contain about 5% ( which is high in lead contents). With the larger monsoon in flow mix in storage Dam reservoir the lead contents may be diluted as low as 0.013 mg/ I which may be well within the limits. (b) V11. Conclution ; We the MES Nawi Dam design teams: (1) U Kyaw San Win, Rtd Director General, Irrigation Department and Vice President MES. (2) Prof. KhinMaung Chit, Rtd Director ( Design ) Irrigation Department Hon Treasurer MES.(3) U Zaw Win Chit, Deputy Director, (Design) Irrigation Department Central Committee member MES. (4) U Soe Tint, MES member SO (Design &/ ID ) Recommend that construction of Nawi Dam for Hakha City water supply and for Town esthetic new lake shall be started as early as possible.Reported by; Prof. U Khin Maung Chit, BE (Civil), M. phil, ME, F. MES, F. AAET; M. ASCE; HM. AFEO; Asian Eng., Hon. Treasurer, M.E.S, Director ( Design) Rtd, Irrigation Depart.(c )၅။ နြယ္ ေခ်ာင္းတမံသည္ Topography အရ ေကာင္းမြန္ေသာအေန အထားေရေလွာန္ တမံတည္ ေဆာက္ နွဳိင္မည္႔အေနအထားျဖစ္ပါသည္။ အဆုိျပဳ တမံ ၀န္းက်င္တြင္ ထူးျခားေသာ Structural Deformation မေတြ႔ရွိပါ။ (d ) ၈။ အထက္ပါတုိ႔ကုိ ခ်ဳံငုံ သုံးသပ္ႀကည္႔ပါက တမံသည္ တည္ေဆာက္ နွုိင္မည္႔အေန အထား feasible ျဖစ္နွုိင္ပါသည္။ feasible and design stage အတြက္ အေသးစိတ္ တုိင္းတာ ျခင္း၊ စိန္လြန္တူး စမ္းသပ္ျခင္း၊ ေရစိမ႔္တာ နွုန္းတုိင္းတာျခင္း၊ bearing Capacity စမ္းသပ္ျခင္း မ်ား ထပ္မံ ေဆာင္ရြက္ရန္ လုိအပ္ပါသည္၊( report အစ အဆုံး ၁ မွ ဂ အထိ ပူးတြဲသည္) သန္းနွုိင္၀င္ ( Snr. Geologist) ႀကည္ထြန္း ( Soil & Conc lab; & QC.

Paruknak. Acunglei i 2009 Dr. Khin Maung Chit team i an report ah tuah ding atang rih an ti mi pawl kha 2019 December ah khan an tuah dih an lim i report an chuah hnu ah an fehter. VP Henry Van Thio bia cah nak in vawlei ngei pawl zong an lung fah nak hnga lo zawci ttha te pek ding le an mah caah biatak te in hmailei an pawcawmnak caah ruahpiak ding kha asi.(29.7.2020 Ni ah ka theih tawk le zuk pawl he ka rak taar ve cang i mi tampi nih comments le feedback an rak tuah cio).

Pasarihnak. Kei ka hmuhning le ka pawm ning cu, Expert pawl nih survey an tuah tik ah, akap kip in an tuak dih, Dam in Tii khu hi zeizatdah azuan khawh lai, vawlei ah zei zat dah a zut kho lai, Lii hnih (Earth quake) kong ah kha hlaan kum saupi kong an hlathlai, Tii thur lai maw zei tin kan tuah lai (Purify system), afehnak ding ah zei tin kan kham lai, apawng kam ah rawhral nak ding a um maw, tbk in an zoh dih, lunglawmh awk ngai asi mi cu Dr. Khin Maung Chit le ahawi le pawl nih Tii nan har tuk ca ah kan fimthiam nak kan thazang vialte hi Tii thluachuah ( ေရ အက်ဳိး ၁၀ ပါး )kan duh caah free in kan nin hlut hna an kan ti. Kawl ram ah mah tluk thiam sang hi phaisa in fial usihlaw kan la kho hna hnga maw, Pathian thluachuah taktak asi tiah ka ruah, cun Pu Hung Ngai chan in an pehzulh khawh lo mi kha VP Henry Van thio thawng in anung tthan Pathian nih akan thluachuah mi asi tiah ka ruah. Atu ah kan upa pawl hi Hakha pi har le rawh aduh mi an um lai lo, an tuaktan dih ve ko hnga lo maw, abik Sony Thang cung cu atu lio ah Chin State Government ah Cabinet pakhat asi ve, Nawi Dam I Vawlei ngei pawl hi atam deuh cu atufa deuh pawl an si, khua aruah piak hna hnga lo maw, cuai athlai hnga lo maw.

Pariatnak. Halkha khua pi mei kan ngei cang, tii lawng abau, vawlei kau pi kan ngei, kei ka hmuhnak ah cu Nawi Dam pawng le Timit neel ah khin inn chungkhar500 tal cu pawcawm nak le tthanchonak caah san atlaih lai tiah ka zumh, Hmai lei kong ah Pathian nawl si ko se, Dawtnak (mah zon, zapi ca) Dinfelnak le mah le mah zumh lo nak aum ah cun thil ttha mi zong arawk kho I tthancho nak zong apit kho, kei cu Kalkha hi Pathian nih akan dawt, thluachuah akan tawih lio te asi tiah ka zumh ko.

Pakuanak. Cucaah 2009-10 lio I cawlcanghnak pawl kha record a um dih. Expert pawl he ton bia ruahnak Kha HBC hall ah khuanu khuapa zumh tlak pawl he hnatlak in lunglawmhnak he rak khua rak khan mi asi, record a um dih. Athuk deuh le akau deuh in rak lehla cio u law ka duh. Kawlram zeiruang ahdah ram rum in ram sifak ah kan ni chuah uktu pawl nih an mah zon lawng ruah in mifim thiam sang pawl an rak hman hna lo caah asi tiah ka ruah,Lai tlang ah zeiruang ah dah kan sifah azual, aruang tampi a um lai nain, Pathian riantuan tu thok in ramkhel lei upa cheu khat le mipi chung zong ah mah zonruat mi kan rak tam deuh ruang ah maw asi hnga ti mi hi ka ruat I mah tining te kan si ahcun kan tthanchonak apit lai I Pathian thluachuah zong ka thlau sual lai ti ka phang ngai.Pahranak. Upatnak nganpi he 2009-10 record photo pawl k arak taar. Ka palhnak a um ahcun rak ka ngai thiam hraam u tiah kan nawl hna.By R. Hram Ceu