HI THIL HNA HI CNLD PARTY NIH TUAH KHAWH MI A SI LO

CNLD nih Federal an lak lai ti cu Myanmar Politics system i fianlo bia a si.Tuhrawng facebook group ca post le comment tete ka relmi ah CNLD nih federal lak le laklo kong an tialmi ka rel ah khin ka nih bak arak chuak, Federalism hi CNLD party nih a ngahkhawmi a silo, Chin State MP, Pyinay, Pyituh, Amyota hlutdaw vialte nih Parliament ah dang car viarin va aupi hna hmanh sehlaw 2008 phunghram remh lo ah cun Federalism ngahkhawhnak lam a um lo (meithal i tlaih lo ah cun).

CNLD cu Central ah hrambunh a ngeimi Party an silo ruangah Chin state acozah an kalpi kho lailo NLD, USDP vote ah atha deuh a timi pawl nih rak ruat deuh hmanh uh.Chin state ah cozah serkho ding Party cu CNLD, NLD le USDP lawng an siko, NLD le USDP hi central Party an si, CNLD cu kokek party an si, Chin state ah hin zei party pauh cozah sehlaw Central nih Chin state Annual Budget le State Development fund a sanction hrim2 a hau, Central Party NLD le USDP cu cunglei an party lutlai nawlbia an zulh a hau.

Chin state hi khual party nih hi tiangtiang an kan uk i Myanmar ramchung ah state thangcho lo bik kan si peng, Central leinih Budget tha te in a vun kuat ve ko, khual party nih ram dawtnak lungthin taktak an ngeihlo ruangah Central in Chin state caah Vok sum 6 an vun kuatmi cu lampi ah a thau le a sathawtnak vialte an rak sawksam dih i Chin state a vun phanh ah cun a lu le a ruh lawng a tan cang ruangah Chin chungkhar kan paw a khim khawh lonak a si hei tiko u sih.

Chungkhar a daw kho bik tu cu khualtlung silo in nu le pa an si, Khual Party nih central ah an pu le bia al ngam hna hlah hmanh sehlaw Nu le Pa nih cun kan chungkhar (Chin Chungkhar) caah a tha bik in Central vozah an dir onh ngam hrim hrim lai.Mipi vote hmangin 2008 Myanmar phunghram hi remh khawhmi a silo.

Phunghram remh lo in federalism ngah khawh a silo, 75% cung ralkap vote tello in Phunghram remhkhawh a sifawn lo ruangah Central NLD lutlai nih “2021 ah General Min Aung Hlaing nih President tuanvo la seh law” atinak kha a si.Ka bia asau cang ai. Chin state thanchonak ding ah khual party vote lo in kokek party CNLD hi tha pe ve cang ko hna usih.A tial tu: Doris Rual Thang.