CNLD NAN RAK VOTE LO CUN TANGKA KAN KUAT TI HNA LAI LO ATI HNA

Laimi chungah hibantuk minung zong kan rak um ve hoi cang. US Laipa nih CNLD ttanh lo ruangah hringtu a nu le apa hna cu a hrocer hna. US ah a ummi Lai tlangval pakhat CNLD party a dirkamh taktak mi le attanh taktak mi asi. Sihmanhsehlaw khualei ah a ummi hringtu a nu le pa hna hi NLD a dirkamh in a ttanh vemi an si tiah an chim.

An fapa le anmah an ruahnak ai dang cang. A nu le apa nih cun NLD hi attha ko ee tiah an ti. Asinain an fapa US a ummi nih cun CNLD kha rak vote te ko hna uh tiah a ti hna. An fapa nih a chimhmi hna cu khuami sin ah kannih cu kan fapa nih CNLD ah vote rak thla te ko uh akan tiah khuami nih Party kong an ceihnak ah an chim.

Khuami hna nih an ti ve mi hna cu nan fapa nawl a si lo cuh, nanmah nih attha nan ti ning te khan nan duhnak Party paoh ah vote ko uh tiah an ti ve hna. Cu lawng siloin an mah hrimhrim nih NLD vote an duh. US ummi an fapa le khualei Nu le Pa hna karlak ah buainak tiang a chuak. US um an fapa nih cun biafak ngaiin atanglei bangin a hrocer hna.

CNLD nan rak vote lo a si ahcun Tangka zong kan kua ti hna lai lo. Cun a chawnh zong kan chawn ti hna lai lo. Thatein rak i tuak uh, nan fapa maw nan zulh deuh lai NLD biadah nan rak ngeih deuh lai tiah an fapa nih cun a nu le apa a hro hna. Cu bia an theih tikah kum upa a si cangmi a nu le pa hna cu ngeihchia ngaiin an um tiah an chim.

Party ttanh or dirkamh tuk ruang hna i, hringtu nu le pa a siko mi faktuk in hrocer hi zeibantuk thinlung ruahnak angei mi dah asi hnga? A hringtu a nu le pa cu amah kut tangah maw chiah a timh hna hnga? A nu le cu amah duhning paoh in um ding ah khin maw a ruah hna hnga? Nu le pa sin ah ninghngal tuk in biachim hi attha lo.

Nu le pa upat lo le ttihzah lo asi. Thluachuah hmuh lonak zong a si timi hi rak thei seh. Atu voikhat a nu le pa faktuk in a hrocer tthan hna rih a si ahcun a hmanthlak zong kan rak tar chih cang lai minung tampi nih rak share cio uh. Credit: The Chin Star.

Be the first to comment

Leave a Reply

Your email address will not be published.


*