AA SUM KHO HRIM TILO CNLD CHUNGTEL PAKHAT NIH A TTHUAT COLH

Salai Tial Sangling nih Dr Sasa konghe pehtlaiin cabia vun ttialmi CNLD caah cun thilttha lo ngaingai asi. Dr Sasa hi CNLD nih kan dohnak pakhate hmanh ka thei lo. Chinram caah Dr Sasa hi rian biatak tein attuanmi asi i, mikip Chinmi vialte hna nih kan i bochan taktak mi asi i, arianttuannak zongah kan lung atling dih ko. Asinain tutan Salai Tial Sangling nih attialmi hi apalh deuh tiah ka ruah.

Zeicaah tiah minung hi atlamtling mi pakhat hmanh kan um lo. Thimnak asi lai caah pumpak nih an ruahnak vialte an langhter cio hna. Asinain pumpak pakhat ruangah CNLD tiah min a vun langhter mi hi ningcang atlai lo deuh ngaingai ka ti. Zeibantuk Party zong hmanh sining law, hibantuk cabia ttial hi cu i ruah deuh ahau ko tiah ka lungput asi.

CNLD party a dirkamh mi hna hi ataktak le angaingai ti ahcun ramchung ramleng in vuntuak hmanh usih, thil athei mi law kawlram sining a cuanh taktak mi pawl deuh khi an si hna, a huaha lo ah party dang namhneh in adirkamh mi an si ballo. Party dang ruahnak nak in thinlung puitling angei deuh mi khi an si hna. Sihmanhsehlaw tutan thil hi cu pumpak ca deuh or pumpak hoih in langhter sehlaw ti ka duh ngaingai.

Tutan a cabia hi vun zoh cio ulaw zeitindah CNLD dirkamhtu hna nih nan ruahning cio asi hnga timi hi ka ruat ngaingai. Dr Sasa hi cu party hoih asi pek silo pek ah Chinmi vialte nih cun a rianttuannak le tawl arelnak attha tiah zapi nih kan theih caah kan dirkamh bak le Chinmi nih kan ngeih mi pasalttha chungah bochan tlak taktak tiah kan ruah cio mi asi. Tutan Salai Tial SangLing nih attialmi hi zeitindah nan ruah cio atanglei bang hin attialmi cu asi.

Dr. Sa Sa, A hua tu hna hi ka zoh lengmang hna i CNLD phu deuh an si.CNLD cu Khrihfa kan si kan i ti fawn, Commnt zoh tikah lung a fak ngai ko Na zei hmanh an sual lo mi hna hi Zei ruangah mah tluk hin nan holh a chiat khawh hnga, Na lungput a țhat lo cun Zei tindah a si khawh lai, Miphun kan dawt kan ti tung ,Zei lungput in dah Miphun na ttanh tiah attial. Credit: Joseph Bawi

Be the first to comment

Leave a Reply

Your email address will not be published.


*