CNLD A VOTE NAK DING ARUANG 12 BAK FIANG KO IN A CHIM

Ziangruang Chin Party Ka Vote Ding? Pakhatnak. Chin mi ka si ruangah Chin Party cu keimai ta, ka party a si. Pahnihnak. Chinram lo “Ka Ram” ka ti thei mi ram dang a um lo. Chin ram cu ka ram, Chin miphun cu ka miphun, Chin party cu ka party, Chin tlang, tiva, thing.., pawl cu Pathian in pek mi kanmai ta a si. Cupawl cu hnamdang kutih hlan ka siang lo. Chin pacang rori tawlrelter ka duh.

Pathumnak. Chin Party hruaitupawl rin tlak an si. Pu Ngaisak, High Court Attoney a si ih zumtupawl harsat tong tampi bawmtu a si. Pu NTK: M. Th., MA (Pub. Admin), D. Litt., a si. Tawnteh le talent nei tha miphun duhdawttu a si. Pu Zozam khal hruaitu tling a si. Cuhleiah Salai Ceu Bik Thawng, Cherry Zahau, Salai PP, Salai Hngepi pawlin an dinpi.

Palinak. Naypyitaw mithmai an zoh a áš­ul lo. Chinmi mithmai an zoh sawn ding. Chin mipi thu an ngai lo a si ahcun an zungah luhhnawhin an taw kan sit thei ding, Panganak . Thinglam tah an hau lo ding. Biakinn sak an kham lo ding. Phurang an sak lo ding. Saya David Lah vek pastor le Evan thawng an thlak lo ding.

Paruknak. Mai miphun nautat le rel sia in sumpai le hnamdang rinsamin an tawivak lo ding. Pasarihnak. Budget riral um loin man nei zetin an hmang ding. Pariatnak. Calai le nunphung an kilhim thei ding. Pakuanak. Milem hmaiah maw minung hmaiah khal an kun lo ding. Khi pawl vek cu an si lo ding. Pahranak. Federal ngahnak dingah le Danhrampi remnak hrang Chinmi aiawhin thu an sim ve thei thlang ding. An zuam thei ding.

Hleikhatnak. Acozah an tuah thei maw thei lo a thupibik a si lo. Kan miphun ah kan lungrual, kan miphun kan upat, kan duhdawt…ti a lang hi a thupi sawn. Hleihnihnak. Naypyitaw ah innhmun an co ve ding. Share le post sal a theih. Hnamdang tantupawl hrang thuthang tha. Ka buai deuh ruangah post ka cawl hrih thlang ding. Credit: Robert Tahan.

Be the first to comment

Leave a Reply

Your email address will not be published.


*