CNLD A TTANH LOMI CU CNF A DOHTU CHUNGKHAR AN SI BY TIN DUH THANG

CNLD A Ttanhlo Mi Pawl Cu An Chungkhar In CNF A Dohtu An Si.A tlangpi ka tial mi nan rel lai i nan thin cu a hung ngaingai lai ti hi a lang in ka hmuh hmasa diam cang mi a si.Ka miphun caah thathnemnak hi ka tuah kho ballo,asinain thathnem hi kai tim peng,ca ka tial mi tete pawl hi chirhchan ngei lo in ka tial ballo.

Party dang pawl khi kan miphun tampi an um ve caah huatnak pakhat hmanh ka ngei bal hna lo i mah hnu zong ah ka ngei fawn hna lai lo.A tu ka langhter duh mi ah a cung tlangpi ka tial mi he pehtlai in tampi chim le rel le tial nolh lengmang a hau in ka ruatlo.Ram le miphun caah tiin chawva zong CNF ah rak pe tawn hmanh law, CNLD na ttanh tung lo ahcun na ttanhnak kha Chin mipi sinah thiam ichehnak men le hmai imilhnak men ah thinlung cheu in a pe mi na si.

Chin miphun hrang ah kum 30 renglo ramtang ah mah le inn le lo le nu le pa le khua mi pinah chungkhat kaltaak in nangmah le keimah kan kal aiah a kal i a ttuan mi hna,CNF hna nih khan a karlak ah na duhlo ning tete in an tuahsualnak zong um sual hmanh selaw,ram khel pawl,miphundang hna an cawlcangh ning na rel le na theih ahcun an palh tiah na aupi lengmang awk a si lai lo.

CNF pawl nih Chin miphun hi nuhrin covo hi kan ngeih khawh venak hnga caah an tuahttuan ti hi nan ifiang ko i,mah nan ifian ko ahcun ziahhme CNF kalpi ning bantuk kalpi a tiim mi hna CNLD cu doh in nan chimchiat lengmang hna ti hi a si.CNLD a sawiseltu hna le a dohtu hna cu,CNF/A a dohtu phu,Chin miphun kan ral pakhat na si.Kai lawm By Tin Duh Thang

Relchih:NLD cozah cungah tlangcung mi ruahchannak a dih dongh tak tak cang.Kum 70 leng kai Kawl nih an rak kan uk cang. Tlangcung mi nih Kawl uknak chungin kan duh mi federal kan hmu kho lai timi ruahchannak kan rak ngeih ballo. Kawl nih an rak kan uk chungah zei tluk in dah tlangcung mi pawl nih harnak kan rak ton timi cu nihin chanthar mino hman nih thei pah dih a si cang. Kan biaknak ah namneh kan ton, kan caholh an kan hloh piak. Kan co hnga ding covo pawl an kan pek duh lo. Kawlram chungah a sifak bik mi dirhhmun tiang an kan phan pi.

1947 kum ahhin Kawlram nih a voikhat nak phunghram an rak tial. Mah lio ahhin atu Kachin, Shan, Kayah, Kayin le Chin miphun hna hi Kawl nih uk mi chungah kan rak i tel rih lo. 1948 mirang kut in luatnak an rak lak hnu le U Nu Vuanci a rak tuan chan lio thawk ahhin kawlram buainak arak thawk cang ti kho a si. 1962 ah Ne Win nih nawlngeihnak a rak lak. 1988-1990 karlak ahhin ralkap nih biapit ngai mi buainak le cawlcangnak tete a hung um ngai. Min an rak thlen, Burma timi cu Myanmar tiin an rak thlen. Rangon zong Yangon tiin an rak thlen rih.

Cun, philh kho a si lo mi 8888 uprising hna a rak chuak. Ramchung raldoh/tuk vialte lakah a saubik zong a si.Tlangcung mi pawl nih Kawl uk nak cu kan duh hrimhrim ti lo caah NLD tu biatak tein kan tanh le dir pi hna. NLD nih cozah an vun ser tak tak tikah USDP chan lio nak hman in kan temhtuar ning a fak deuh. NLD nih federal an kan pek kho lai, cun 2008 phunghrampi zong an remhkhawh fawn lai timi hi kan zumh ngai hna.

Zei bia cu USDP chan lio nak hman in kan sungh mi covo le kan ton mi harsatnak a let in a tam deuh.NLD nih cozah an ser chungah CNF pawl nih hmunhma le covo pakhat hman an timh ti lo. Chin-Rakhine ram ah buainak a let in a kar. A thi mi minung zong an let an tam. Eihmurnak a kar. NCA rian tuan ning zong lung duh in an kal pi kho tak tak lo. USDP chan lio nak hman in pressure tam deuh kan ngah.

NLD nih cozah an ser chungah 2017-2018 ah Rohingya muslim buainak fak tak tak a chuak. Cozah le ralkap bawi pawl cheukhat tazacuai tiang an i huah. 2019-2020 karlak chungah AA le cozah ralkap buainak a hung um than. Kan Chin miphun zong nih kan tuar ning a fak tak tak ko.Nihin hi vialte buainak hi CNLD nih a chung lei in biatak tein an i cawlcang ve lo a si ahcun USDP le NLD kut in kan duh mi federal le 2008 phunghrampi remh hi cu naisai a ngah ti lo mi a si.

USDP le NLD parties nih an i ngeih mi policy ah tlangchung miphun nih kan duh mi federal Democracy le self-determination kongah zei hman an ruat kho ti lo. Chin state telin tlangcung mi nih kan duh mi federal le self-determination pawl cu CNLD policy ah tha tein ai tel mi a si. Cu caah a dik i a fek mi federal democracy le self-determination zok zok in kan ngah khawhnak ding caah cun CNLD hi full support kan pek hna awk a si ko cang. Credit: Salai Bawi Hlei Hu