CNF/A NIH HRIAMNAM AN HMAN LONAK A RUANG AFIANG CANG

CNF Kanpa nih fiangtein a langhter cang. Dr Lian Hmung Sakhong nih a chimmi cu, Tulio CDM rian tuan nak ah hin kan nih CNF le a dang tlangcung hriamthlai tu vialte zong kan thinlung kan ruah nak vialte in kan i tel dih ko . a sinain CDM timi a suallam cu hriamnam tello in ti a si caah a phung hrimhrim ah hriamnam hman lo ding ti a si. Cu tikah mipi nih an mah lungtho in hriamnam hmang loin colhcang nak an tuah mi cungah kan mah nih kan hriamnam he kan lut hnawh hna a si ah cun ralkap nih an dohta mi rap chungah kan lut suallai ti ka phang.

Zei ca tiah cun ralkap cu kan thei bantuk in hriamnam hmangin mipi uk mi an si .mi thah le lainawng in mi uk mi an si .an power le an nawlngei nak vialte hi meithal le kuang in a ra milawng te an si. Cu caah an mah nih an hmang bantuk in kan hmang ve si cun an mah he kan dir hmun a khat lai. An mah an dir hmun a hman lomi a ding lo mi chungah kan lut ve suallai.Cutin a si tik ah a tu Min Aung Hlaing cu misual pa hrimtlai pa tiin vawlei pi nih an pom cang i mah hi an zoh sawhsawh hrim lailo .

Mah tin ka chim tik ah tlangcung hriamtlai pawl kan i tel lailo ka ti nak pakhat hman a si lo.Misual bu nih mipi kha hriam le nam he an zuam hnawh peng hna si cun ,nikhat khat ah cun mipi he a dirkhat mi hriamtlai bu a um a hau te hrimhrim lai .kha tik ah CNF le tlangcung hriamtlai bu hi kan duh lo duh lo zongah kan in thawh a hau te lai i , kha bantuk kan phan ah khan cun kan ram caah tih a nung tuk te lai.

Cu caah Kha bantuk tih a nung tuk mi thil si lo dingin he tiah kan i sum i thla kan cam. Tu ah kan i tel ngam lo a si lo, kan i tel duh lo zong a si lo , asi nain thil pakhat kan tuah tik ah a peh lai ding mi kan tuaktan tuk caah lungfak bu tein kan kaa lawngin kan chim rih nak a si i zei poah poah timh tuah nak kan ngei ko timi hi theiter kan duh hna tiah Dr Lian Hmung Sakhong nih RFA sin ah a chim.

CDM Kong Arak Tialmi: CDM Ahmui Tinh, Atulio nunnak pek in kan tuah, kan ttuan, kan aupi mi CDM Ahmui Tinh cu atang lei bang in asi. 1. Civil Disobedience Movement (CDM) Ahmui Tinh cu, Kan ram ah Democracy nunter tthan ding asi. 2. Ralkap nih Mipi sin in Democracy ankan chuh. Cucaah, Democracy afir mi Ralkap Uknak cu kan doh lai, kan hrawh cikcek lai.3. Ralkap Uknak kan duh lo i, hrawh kan duh asi ah cun; Ralkap Uknak anun tertu 2008 Phunghram (2008 Constitution) kan hrawh hrimhrim ahau.

Zeidah Kan Tuah Lai? 1. Democracy anun tthannak ah Mipi nih kan thim mi hna MP pawl nih, Chinram Acozah nan ser ahau. Parallel Government of the Chin State, ti asi lai. 2. Government of Chin State ah 2015 Election lio thim mi MP le Minister pawl le 2020 Election ah thim mi MP vialte itel khawh asi lai. 2015 Election ah thimmi MP pawl nih official tein 2020 Election ah thimmi MP sin ah handover an tuah rih lo caah, an nawl ngeihnak anung rih.

Pathumnak. Chinram chung ah Chin mipi nih kan nin thim mi hna MP vialte, NLD party nan si zong adang party nan si zong ah atu hi hmunkhat tein nan dir tti ahau. Parallel Government of Chin State cu, 2020 Election in thimmi MP pawl nih official tein nawlngeihnak anlak hlan tiang rian attuan lai. 4. Mizeimaw nih MP pawl nan “Nawlngeihnak” (Political Mandate) hi 2008 Constitution in ara tiah ruah sual asi tawn. 2008 Consitution in MP pawl nan “Mandate” ara lo. Mipi sin in ara.

Mipi hi “Ram Nawlngeihnak Vialte” (State’s Sovereign Power) angei tu kan si. Constitution a-um zong, umlo zong ah “Sovereign Power” cu Mipi kut ah aum. Cu caah “Thimnak” (Election) cu, Constitution umlo zong in tuah khawh asi. A-um zong ah tuah khawh asi. 1990 lio ah Constitution umlo in Election tuah asi. 2020 ah 2008 Constituion in tuah asi. MP pawl an mandate ngeih ning aa khat ko. (Israel le England ah Constitution an umlo. Asinain, Election hman te in an tuah i, Democracy anung peng ko!)

Panganak. Chinram MP vialte nih arannak in Chin State Government cu parallel in tuah zau uh law, Mipi nih kan nin dirkanh hna lai. Atu: Shan State, Kaya State, Rangoon, Mandalay, Pegu, le Irrawaddy Regions pawl ah Mipi thimmi MP nih parallel government cu tuah cio asi cang. Chinram le Chin miphun zong Chin State Government tuah ding ah can aza cang!Upnatnak he, Dr. Lian Hmung Sakhong

Be the first to comment

Leave a Reply

Your email address will not be published.


*