CNF/A CAMP PAWNG A UMMI KAWLRALKAP NIH AN CHIM CANG

CNF/A kal umnak lampi a simi Sopum khua ah a ummi ralhrang kawlralkap hna nih nizan an meithal puahnak konghe pehtlaiin tuni ah chim fiannak an tuah. Hi konghe pehtlaiin theihcio bangin Nizan ah Thantlang peng Vanzangtlang a simi Sopum khua ah ralhrang kawlralkap hna nih meithal tam ngai an puah ti thawngpang theih a si.

Hi konghe pehtlaiin anmah ralkap chung lila nih thilsining an langhter cang. Nizan an meithal puahnak konghe pehtlaiin anmah ralhrang kawlralkap Sopum khua ah a ummi nih an chimmi cu kanmah ngeih a si, thinphang ding zeihmanh a um lo tiah khuami sin ah an chim. CNF/A umnak kalnak lam a simi Sopum khua ah nizan suimilam pahra hrawng ah ralhrang hna nih meithal an puah.

Nizan ah ralhrang kawlralkap hna nih meithal an puahmi ruangah khuami cheukhat hna cu thinphang ngaingai in an um hna. Sopum khuami nih nizan an meithal puahnak konghe pehtlaiin ralhrang kawlralkap hna cu biahalnak an tuah hna i, a cunglei langhter bangin kanmah ngeih te asi tiah khuami sin ah cun thawng fiang an chim.

Khuami sin ah ralhrang kawlralkap pawl Thantlang peng Vanzang Tlang thluan a ummi hna nih meithal an puahnak khua Sopum khuami sin ah an chimmi cu nan thinphang hlah uh. Mipi lei hoih in kan puah mi a si lo, Ramtang lei mipi um lonak lei ah kan puah mi a si i, kan mah ngeih te a si ko tiah an chimh hna i, nan thin phang hlah uh ti zong an chimh chih hna.

Thantlang Le Sopum Khua Kar Ah Tlangte Khuami A Ruak In An Char -

Relchih Tuchun Thawngpang: Mindat ah a Thimi Myanmar Ralkap Pawl Ruakvuinak an Tuah Caah Kahdohnak a Dai. Mindat ah a thimi Myanmar SAC ralkap minung 20 leng ruakvuinak nihin ah an tuah caah kahdohnak caankarlak a dai i, ruakvuinak an tuah dih in kahdohnak a um tthan kho, tiah CDF-Mindat hruaitu pakhat nih a chim. Meng 27 zawn ah a thimi ralkap ruak pawl an thiar hna i nihin ah ruakvuinak an tuah.

Ruakvuinak an tuah dih in thil sining zeidah a lawh lai kan thei rih lo,” tiah a chim. Matupi lei in a rak rami SAC ralkap pawl cu CDF-Mindat nih meng 27 zawn in an kah hna i a thimi an tampi pin ah Mindat lei lan kho loin le Matupi lei kir kho loin an hren hna. Nizan ah SAC ralkap nih an tlaihmi Mindat mino 7 an thlah hna.

Kanmah lei zong nih meng 27 ah kan hrenmi hna ralkap motor pathum lam kan onhpiak ve hna i, Pakukku lei ah kan kalter hna,” tiah a cunglei CDF-Mindat hruaitu nih a chim. Mindat khua i SAC ralkap bu no. 274 hi CDF-Mindat nih an kulh dih hna i chuak kho loin an um. Cun, Mindat he meng 2 hrawng a hlatnak ah ralhriam ngan pawl he a rak rami ralkap pawl zong khuachung lut kho loin an hren hna.

Mindat in Kawlrawn lei vung tlaknak Kyauh-Htuh khua ah Mindat lei ah kai ding in ralkap zong an phan tthan i, Mindat lei an rak kai sual ah lampi ah kham i rak doh cio ding in CDF-Mindat nih forhfialnak an tuah. April 24, 26 le 27 ah a cangmi Mindat kahdohnak ah SAC ralkap lei in minung 20 leng an thi, tiah CDF-Mindat nih thawng an thanh. Credit: The Chin Journal

Be the first to comment

Leave a Reply

Your email address will not be published.


*