CNF/A CAMP LEI AH RALKAP AN I THAWH CANG, KHUAMI AN THINPHANG TUK

Breaking News: Thantlang peng Tlanglo khua ah a ummi kawlralkap hna cu CNF/A umnak Camp lei ah a tunai bak kha an i thawh tiah thawngtheih asi. Nizan ah khan CNF/A le Kawlralkap hna cu tonnak tlamtling tein an ngei cang. Cun zahan zan ah Tlanglo khua ah Kawlralkap hna cu an riak i, tuchun hi CNF/A camp ah kal tthan an i timhmi cu atu nai bak kha camp lei ah an i thawh cang.

Hi thawngpang ruangah Tlanglo khuami hna nih Dr. Sui Khar cu thil sining aa mah ti lo caah rak ra tiah an ti i, Dr. Sui Khar zong Tlanglo khua aphak manh hlan ah kawlralkap hna cu atu nai bak ah khan Camp lei ah an kal ti asi. Dr. Sui Khar hi Tlangpi hrawng aphan lai tiah an chim. Dr. Sui Khar zong an hngak lo i, Ralkap pawl cu an i thawh cang ti asi.

Hi konghe pehtlaiin khuami pakhat nih a chimmi cu thawngpang aa mahcah lo caah khuami tthenkhat hna cu Mizoram Farkawn lei a zammi zong an um cang i, Thantlang Hakha lei zongah a zammi an um cang tiah a chim. Kawlralkap Tlanglo ah a ummi hi nizan tiangah khan cun minung 40 hrawnghrang an si nain atu zing ahcun minung sawmruk hrawng an si tiah a chim chih.

US Ummi Caah Thawngpang ttha:Avoi Thumnak Stimulus Check Ngah Si Cang Lai .President Joe Biden nih Coronavirus ruangah harnak a tongmi hna chanhchuahnak caah bawmhnak, $1.9 trillion coronavirus relief package bill cu Senate nih an pass hnu ah tuchun ah house ah vote an thlak i, vote 220-211 in an fehter cang. Cucaah President Biden nih ningia ni Friday ah min a thut lai i, law a si hnu ah hmaizarh chungah cun zapi sin ah Stimulus check kuat cio a si cang lai tiah zumh a si.

President Joe Biden chuahpi mi, $1.9 trillion coronavirus relief package chungah hin minung pakhat nih US$ 1400 ngah dingmi stimulus chek a tel, rian ngei lomi hna caah zarh khat ah $300 September thla tiang ngah dingmi a tel, vaccination centers le Covid-19 testing caah $130 billion a tel, schools on thannnak ca le safety caah $15 billion, small business grants; caah $350 billion le State emergency funding, local le territorial governments,

reinstating paid sick leave, child care tax credit caah $15 billion, states subsidize child care for low-income families caah $25 billion fund pek a si laiTutan avoi thumnak stimulus check Senate nih an pass cangmi bill chungah minung pakhat nih kum khat ah US$ 75000 in a tanglei a hmuhmi nih US$1400 full in an ngah lai. Asinain kum khat ah US$ 75000 in $80000 karlak a hmumi nih cun full in an co lai lo.

Nuva hmun khat i tax file a tuahmi hna nih kum khat an hmuhmi phaisa US$ 150000 in a tanglei a ngahmi nih US$ 2800 an co lai. Cu pin ah fale ngeihmi hna nih minung pakhat ah US$1400 cio ngah chap a si lai. Low income pawl caah child tax credit timi a um i, kum 6 tang hngakchia nih kum khat caah US$3600 an ngah lai. Voi khat pek ah pek si loin thla khat tete in pek dawh a si. Nan hawile a thei lomi caah rak share chin ulaw tha lai. Nan ngahmi chung in a tlawm bik, $200 cu CDM caah thawh i zuam cio te ulaw tha tuk hnga.Credit: Salai Lairamthang

Be the first to comment

Leave a Reply

Your email address will not be published.


*