CNA/F ZUNGPI AH KAKUAISI AN I CHUN VE CANG

CNA/F Headquarter Ah Covid 19 Runven Sii COVISHIELD An I Chun.Chin ralkap(CNA/F) Headquarter Camp Victoria ah Covid-19 runven sii an i chun tiah Mizzima nih a tial.Camp Victoria ah CDF/PDF hna zong Traning a kaimi minung 15000 hrawng an si tiah CNN nih a langhter.Atu i CNF camp ah an i chunhmi COVISHIELD hi India ram nih a chuahmi a si. TCP

May be an image of one or more people

Cabia dang: Dr.Hmuh Thang Ka Tttanh Loh, Ka Dirpi Fawn Lo.Asinain A Kalning Le Kan Bible Aikalh! Facebook lei he a tak ram he ka hawikawm nan dihlak ka van in ngai ngaingai hna,ni 33 chung fb nawlngeitu lei nih an ka hrem hoi le keimah zong nih ca ka ttial kho lo i hawi le nih nan cattial mi zong coment kan pe kho hna lo,a tu hi nizan ceo khan an ka hrem mi cu an ka on piak hi a si i kai lawm ngaingai.

On piak lawmhnak pah ah ka lung um bia van langhter ve ta ning.Dr.Hmung Thang hi a mah a min le a mui hi cu ka hmuh lengmang mi a si i,a konglam zong ka theih ngaingai mi a si.Amah belte nih ka mui siseh ka konglam siseh a ka thei lai lo,cucaah ka ttanhnak ding le ka dirpinak ding a um lo,asinain,cuhlan a lungput te kha Laimi caah hin a put tthiam cu ka zumh ko.

Amah kong ah hin a tulio kan miphun i hriamtlai phu maw a dangdang nih maw poi kan ti i an ti cio mi belte a um i,cucu a umnak party kong ah a si.A tam deuh nih kan hei purh chih mi ahcun,a umnak party hi ram mipi thisen chuahtu phu he pehtleihnak a ngei mi a si tiah ruah mi le hmuh mi an si caah, Dr.Hmuh Thang nih miphun le ram caah,ruahnak ttha le dawtnak a ngeih ko zong ah hmuh piak khawh a si lonak bik cu a sitheu lai ti hi ka hmuh ning a si.

Cucaah,cuhlan bantuk in kan miphun le ram a dawtu le a dirkamhtu a si taktak ko ahcun a miphun hna nih thiangl i ruah mi a party USDP membars sinak in a chuah ngam ve ding khi a si khnga.Asinain,aa keimah ka nawl hmeteh tiin a kal chih peng ko ahcun a miphun caah thianglo pakhat ah ruahnak ah a um peng kohnga.Cathiang chung i ,Mithiang pawl nih ram khua mi hna sin i a cakuat, Rom 14.15,Zeilo na ei ruangah na unau kha a lung na fahter ahcun, cu na tuahmi cu dawtnak chungin a chuakmi tuahnak a si ti lo.

Na eimi rawl cu Khrih nih a thihhnawhmipa rawhnak ah canter hlah. 16Na ca i a tthami thil kha congoihnak phortu ah canter hlah. 17Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh. 18Cu bantukin Khrih rian a òuanmi paoh cu Pathian nih a lawmh hna i minung nih an thangtthat hna.

19Cucaah daihnak a chuahtertu thil le pakhat le pakhat thazang i peknak a bawmtu thil kha kan i tinh awk an si. 20Rawl ruang menmen ah Pathian thil tuahmi kha rawk hlah u. Rawl vialte hi ei awk an si ko lai, sihmanhsehlaw midang kha sualnak chungah a tlukrilhtertu rawl ei cu zei rawl a si hmanh ah sual a si. 21Cucaah sa ei i sum tehna, zu din i sum tehna, nan unau a tlukrilhtertu a si ding paohpaoh tuah i sum tehna kha ahmaanmi thil a si.

22Cu kong ah cun nangmah nih na ruahning tein va ruat ko, Pathian le nangmah lawnglawng nih va hngal ko uh. Tuah awk a si ti i a ruahmi thil a tuah tikah a lung nih sual a phawt lomi cu lunglawmmi a si. 23Sihmanhsehlaw a eimi kha a ei tikah lungawòawm in a ummi cu Pathian nih sual a phawt, zeicah tiah a tuahmi cu zumhnak thawngin a si lo. Cun thil zeipaoh zumhnak thawngin tuah a si lomi cu sual a si.

Cucaah,Chin miphun ,Dr.Hmuh Thang nih a miphun le a unau a si mi hna nih a thianglo tiah an hmuh mi a umnak party hin a chuah ngam ahcun,miphun le ram a dawt taktaknak kha a langhter a si i,a chuah ngamlo i a um chih ko ahcun,cucu a miphun dawtnak in a chuah mi dawtnak kha a si lo ti kha,kan cathiang nih a kan cawnpiak ning kan zoh chih ahcun a langh ning cu a si kohnga. Credit: Tin Duh Thang

Be the first to comment

Leave a Reply

Your email address will not be published.


*