CHUNCUNG KHUA AH MITLINGLO KUM 17 NUTE CU KUM 49 ASIMI NIH A TLEIHHREM

Chuncung Khua Ah Mitlinglo Kum 17 Nute Kum 49 Upa Nih Tleihhream: Hakha Peng, Chuncung khua ah khuami pakhat nih a tlamtling lomi kum 17 upa pakhat cu 2020 November 12 suimilaam 2:00PM tluk ah a tlaihhrem tiah Hakha palek sakhan in thawng kan theih. Tlaihhremtu pa hi kum 49 upa nupi fate a ngei cang mi a si. Atu hi Hakha Palek sakhan ah an chiah tiah theih a si. Tlaihhrem mi kong he pehtlai in tlaihhrem a tong mi nute i a pu Bik Te nih, “2020 November 11 ahkhan tlaihhremtu pa, Pa…. nih tangka Ks. 2000 a thenh.

Cun, a thaizing November 12 zaanlei suimilaam 2:00 tluk ah a sualpi. Nute nih a chim ning ahcun, an inn ah a ka kalpi i, an ihnakkhan ah a ka sualpi. A voi khatnak ahcun a lei in ka chiatha a ka liahpiak. Cu dih hnu ah pa a sinak in a ka tuahpiak tiah a ti. Hi kong ahhin tlaihhremtu pa lei nih remnak ser ding in an rak kan ti nain kan cohlang lo,” tiah The Hakha Post ah a chim.

Atu tlaihhrem a tongmi nute hi a nulepa nih an thih tak cang mi pum tlamtling lo le mi tlamtling lo ngai mi a si. Cun, Hakha pum tlamtlinglo zohkhenhnak zong ah an rak chiah bal. A pa hi Mizoram ah tii in a paam. Nute hi chuahpi unau minung panga an si i, amah hi upa cem a si tiah kan theih. Cun, hi kong he pehtlai in Hakha Palek sakhan lutlai nih, “2020 November 17 ah report nak an rak tuah.

Report an rak tuah le cangka in Palek lei zong nih action laak colh a si. Zeitik indah biaceih zung nih auh an si lai ti cu kan thei kho rih lo. Cun, nute hi sii-inn lei tuanvo ngei hna zong nih 2020 November 26 ah zohfelnak an tuah cang, a phi tu cu a chuak rih lo,” tiah The Hakha Post ah a chim. Remnak an ser mi kong he pehtlai in Bik Te nih , “Remnak ser ding ah anmah chung lei in minung pahnih nih an rak kan len.

Hi an kan leennak ah anmah lei nih Siapi pathum kan in pek hna lai, cun nau a pawi a si cun kanmah nih tuanvo kan laak lai tiah minsen an thut. Remnak kan ser mi zong hi November 25 ah a tlamtlin lo a si cun, Palek sakhan ah kan kal lai tiah biakamnak kan tuah. November 25 a tling i zeihmanh lehrulnak le leennak ti bantuk a um than ti lo ca ah Palek sakhan lei ah kan kal hi a si,” tiah a chimchap.

Hakha Pengkomh in kum thum chung ah atu bantuk in tlaihhrem atu in voi 8 tiang a um. Hi voi riat chung ah voi 6 hi cu case zong a dih cang i, Kanpetlet le atu hi a taang. Hi chung ah kum 20 chung thongtlak a tong mi zong an um. 2017 kum hnu i a cangmi a tam deuh cu kum 10 deuh in thong an tla tiah kan theih. Atu bantuk in tlaihhrem tu pa cu ပ 150/2010 zazatatkyi pohma 376/377 in case an tuahpiak tiah theih a si. Credit: The Hakha Post

Relchih:Kawlram ralkap bawizik General Min Aung Hlaing cu arian in aa din khomi asi cang. Min Aung Hlaing cu a ralaimi 2021 ah khin kum 65 atling cang lai. Cutik ah a rian in aidin lai maw din lai lo tiah tuchun ah biahalnak an tuah. Min Aung Hlaing konghe pehtlaiin bia zoh tikah arian aa din colh lai timi theih khawh asi. Tuchun November ni 27 ah Min Aung Hlaing kong cu press conference ah journalist pakhat nih biahalnak atuah.

Biahalnak atuahmi cu General Min Aung Hlaing hi 2021 ah kum 65 asi lai. Arian hi chuahtak in aidin cang lai maw din lai lo? A caan hi sauhpiak asi lai maw tiah biahalnak atuah. Hi biahalnak konghe pehtlaiin Brig. General Zaw Min Tun nih lehnak atuah mi cu GMin Aung Hlaing hi arian in aidin kho mi asi ko tiah lehnak atuah.

Hi konghe pehtlaiin a peh tthan rihmi cu kan theih khawh tawk ahcun nawlpek kan timi hi phunglam chungah a ummi asi i, Phunglam kong chim khi asi ko. Phunglam lengin thil tuah dingmi a um lo tiah Ralkap lei in biadik aphuangtu chungin Secretary Brig. Gen Zaw Min Tun nih a chim chih. Min Aung Hlaing cu kumvui July thla ah khin kum 65 a tling cang lai.

Hi tihin thil akal lai maw tiah halnak an tuah tthan mi ahcun a dikmi asi ko tiah apeh chap. Curuangah Senior General Min Aung Hlaing cu arian sauhpiak loin ai din cang lai tiah an zumh. Asinain Commander in Chief hi arian in aidin lai maw timi cu cozah thar khuakhan lairelnak cungah fiang in theih asi te lai tiah an langhter chih.

Ralkap phunglam he pehtlaiin a liamcia kum 2016 ah an langhterning ahcun Commander in Chief nih hin kum 65 an si tiang an rian an ttuan khawh ti asi. Sihmanhsehlaw 2008 phunghram ahcun Commander in Chief konglam hi fiangtein langhter mi a um lo ti asi. Min Aung Hlaing hi arian ai dinh asi ahcun amah zaka ah ralkap chungin pakhat khat phunglam ningcang in kalter asi lai an chim.

Be the first to comment

Leave a Reply

Your email address will not be published.


*