CHINRAM HRUAITU KAN PA LE HNA KONGLAM RUNGTLANG IN AN KIR CANG MAW

Kawlralkap nih tuzing ah uk pennak an lak hnu ah ramhruaitu tthenkhat hna cu kawlralkap nih an tleih thluahmah cang hna. Ram hruaitu kawlralkap nih an tleihmi hna hi minung an tam ngaingai. Cu chungah Chinram kulh lutlai hruaitu hna zong an i tel ve. Tutiang thilsining ah ramhruaitu Laimi kanpa Kawlram Vice president asimi Pu Henry Van Thio cu tleihmi chungah aitel lo tiah theih asi. Chin ramkulh tleihmi konghe pehtlaiin atanglei bangin TCJ thawngzamhnak nih alanghter.

Chin ramkulh cozah bu luban pawl cu nihin zingpit te ah Kawl ralkap nih an inn cio ah an vung tlaih hna i Rungtlang ah an kalpi hna. A dang tlaih a tongmi pawl cu an thlah cang hna nain Chief Minister Pu Lian Luai, Speaker Pu Zo Bawi, Chin ramkulh cozah chimnak nawlngei U Soe Htet le Hluttaw vice-chairman Pu Tei Thang hi atu tiang an thlah rih hna lo tiah Chin ramkulh NLD ttuanvo ngeitu upa pakhat nih The Chin Journal ah a chim.

Nizan deilei sml. 2:00 hrawng ah hruaitu zapi tlaih an si. Tu zanlei sml. 3:00 ah CM Pu Lian Luai, Speaker Pu Zo Bawi, U Soe Htet le Pu Tei Thang an tlaih hna. An nih hi atu tiang an thlah rih hna lo. Rungtlang ah an chiah hna,” tiah a chim.Chin ramkulh cozah bu chungtel le hluttaw chungtel a si lomi NLD hruaitu pawl zong ralring in um kan hau, tiah a chim chap.Atu tiang cu lung dai in kan um ko. Asinain, ralrin cu kan hau pah,” tiah a langhter. Nihin zanlei ah Kawl ralkap nih Chin ramkulh cozah bu chungtel pawl meeting an auh hna. Zei kong an ceih timi bel fiang in kan thei kho rih lo. Credit: The Chin Journal.

Ralkap nih Pu Henry Van Thio, Kawlram Vice President 2 Tah An Tlai Maw? Laimi kanpa Kawlram Vice President Pu Henry Van Thio kongah thawngpang fiang a chuak cang. Hnangamtuk asi rih atutiang rih ahcun, zumtu vialte hna zong nih thlacamnak in bawmcio hna usih. Kan theihcio bangin Kawlralkap nih aanaa an tin lawng siloin ramhruaitu tampi hna cu ralkap nih an tleih dih hna i, a nih anih timi vialte hna cu tleihmi chungah an i tel dih. Kawlralkap nih tleihmi chungah laimi kanpa Kawlram Vice President Pu Henry Van Thio cu tthenkhat nih an tleih tiah an langhter.

Sihmanhsehlaw tthenkhat nih cun tleih mi chungah Vice President Pu Henry Van Thio cu aitel lo tiah an ti ve. Tutiang tleihmi chungah kanpa Pu Henry Van Thio cu amin aitel rih lo timi zong kan theih. Pu Henry Van Thio cu tutiang rih ahcun Pathian a kilven in a zohkhanh ko.Tuchun atu cabia langhtermi tiang rih ahcun kawlralkap nih kawlram vice president Pu Henry Van Thio cu an tlai rih lo,

hnangam tein an chungkhar in an um ko tiah theih asi. Hmailei caan hna ahcun thil cu aithleng kho mi asi i, tutiang rih ahcun ralkap tleihmi chungah ai tel rih lo timi hi thawngpang ttha Laimi kan caah pakhat cu asi. Zumtu vialte hna zong nih him bawm tein kanpa a um khawhnak dingah thlacamnak in bawm cio hna usih.

Be the first to comment

Leave a Reply

Your email address will not be published.


*