CHINRAM CDM ATUAHMI HNA CAAH THAWNGPANG TTHA, UAR AN UM BAK

CCBC nih CDM caah $20000 kuat an timh. Chin ram chung um CDM tuahmi hna caah tiin Carson Chin Baptist Church, Milwaukee , USA nih avoi (1) nak caah Dollar $20000 (thong kul) bawmh ding in bia khiahnak tuah tiah theih asi. Culawng silo in chungtel hna inn khat ah $100 in thawhvo tuk asi chih caah dihlak ah $30000 leng an kuat khawh te lai tiah zumh asi.

Hi bawmhnak hi avoi (1)nak ca lawng asi rih. CDM a um chung paoh CCBC le Chungtel hna nih a dong tiang a herh ning in kan peh zulh peng lai tiah an Senior Pastor Ronald Charles Nunuk nih a FB ah a langter. A chim chih mi cu “cucaah kan ram CDM tuahmi hna nan tha chia hrimhrim hlah uh. Nan tuah chung paoh bawmhnak kan tuah ve lai. USA Chin Khrihfabu le mipi hna nih a dih dongh tiang kan in dir kamh hna lai.” tiah a langter chih. Credit:CCN

RALKAP RIAN CU ZEIDAH A SI?POLICE RIAN CU TEH? CDM AH KAN LUNG DONGHRIM HRIM HLAH SEH. Aungsan nih Ralkap a rak dirh chan cu: Kawl Ram Mirang (Ram dang )nih an uk ruangah cu hna thawl i Mipi zalen tein an um khawhnak ding caah a dirh mi a si.Palik pawl hi Mipi vengtu ding le misual tlai tu ding caah Independence kan hmuh hnu i dirhmi an si.Nihin Kawl ram ralkap pawl hi zeikhi hme an ruah hnga,mah rian hmanh a hngal lomi mipi nih Ram uktu dingah thim mi an si lo mah le mah Bawiah aa chia cawpmi,hriam nam hmangin mipi tlernh khawnh i Nawlngeihnak aa pe mi hna an si.

Hi nak in a sualmi phuu hi vawlei cung phuu ah an um ka zum lo a poi tak tak.Palik pawl hi mipi vengtu ding i hlawh pekmi an si lioah mipi kaptu le mipi a vuatu ah an van ichuah ko hi cu a poi tak tak fawn.Ralkap hiRam dang ralkap kaptu ding an si lioah ramchung ralkap(Tlang cungmi hna ralkap) a thattu le a kap tu an si pinah sualnak a ngeilomi mipi a kap ,ahremtu, a hrotu,mipi thil a hrawktu an sii,Police pawl tiangin an uk hna. Police pawl nih hin zei tindah an duh hnga aw ka ti.

Police cu mipi nih thimmi hna Bawi uk pennak tangah mipi a vengtu le a kilkawitu ding an si lioah mah le mah Bawi a chia mi,Consititutions kan tuah ve an ti i, an tuahmi zong zeiah a rel lo i Phunglo ningin Bawinak aa pemi cozah nawl cu zulh ve ding a si hrim hrim lo.Cu caah cun Police vialte hi CDM cawlcangh nak ah hin i tel dih ding a si. Ttih ding zei hmanh a um lo,Min Aung Hlain Cozah a tluk ah cun CDM i aa telmi Cozah rian tuan vialte cu anlut than dih lai i,an lahkhah zong akarh chhin chhin ko lai cu, a phu sa deuh pawlle bang cu promotion an hmu chin chin ko lai hme cu.

Cu lio i Kan Laimi chung hna in Ralkap le Palik atanpitu kan van um ve hoi hi cu a poi tuk ee.Diklo nakin Kum 50 chung Ralkap nih an kan uk cang i,Vawlei cung ram ah sii faak bik ram le a niam bik ramah a kan chiah cang i, Pathian nih a kan pekmi kan ram te hmanhah um kho lo le umngam lo in Ramkipah kan zaam nak chan zong a si.Cathiam kan tlawm kan Inn le kan lo zong a chia ,hi vialte hi kan thei rek ruk ko na buin Ralkap le Palik uknak tangah kun aa tim mi hna nan ning a zak lo maw?

Khrihfa nan si ve koah cun zei tindah nan pawm khawh i nan support khawh hna ee? I ruat than tuah uh. Ralkap uknak kan fih tuk cang, kan nawr tuk cang, kan duh hrim hrim tilo.CDM hmaiah kal chin chin ko seh. Kawl ram ral kap pawl hi mipi le tlang cungmi hram tlai pawl nih cun hriam nam cun kan tei bal hna lai lo,awl tein kan tei ve khawhnak ding cu a tu CDM hi a si ko.Cozah rian tuan (Govt.Employees) vialte,Forces leiah Police (ralkap bawi Min Aung Hlaing le a hawi le mi then khat uknak a duhlo mi), ralkap (Min Aung Hlaing Uknak a duhlo mipawl) le mipi dihlakin a nem nakin kan doh peng ko ah cun zeitin dah an dir peng khawh lai?

Zung an kai duhlo peng ko ah cun File zeihmanh a kal kho lai lo,Tlanglawng a services kho lai lo,Bank aa hon lo pengah cun zei phaisa cu dah a diklomi ralkap cozah aa phuah cawpmi nih hin an tuah khawh lai?? Motor a din dih lai,ralkap thil phurtu an um lai lo, zei rawl cu hme an ei bik lai ?? Ram dangin an phih dih ngawt cang,China le Russia nih bawm hmanh hna sehlaw,Minung nih kan herhmi poah hi a dih lakin China le Russia nih an nei kho dih lo i a buai thiam thiam ko lai.

Ralkap Bawi pawl nih hriamnam hmangin mipi uk i a thli in ram rumnak fir lengmang kha an i tinhmi a si mihi, mipi nih an nawlkan ngaih loah cun an nawlneihnakan hmang kholo tinak a si i,a liam ciami anthil firmi zong cu Ram dang nih tawng kho loin an kham dih fawn cang i, rumnak zong an sung,an nawl ngeihnak zong sullam a ngei kho tilai lo ti cu a fiang ko cang. A tu ni 20 chung hmanh ah hin kan ram economy cu aa rawk manh tuk lai ti hi ruat hmanh ,a poi tak tak mi khi a si cang.Cu caah cun Pathian sinah thla cam buin CDM cawl cangh nak hi tha kan pek peng cio a hau ko.Bawipa nih a kan umpi lai i kan tlam a tling ko lai. By, Suiawr Khuplian

Be the first to comment

Leave a Reply

Your email address will not be published.


*