KAN NU CHINRAM AH NLD NIH TEINAK AN HMUH AHCUN KAN DIH BAK ARUANG

NLD Party nih Chinland ah teinak a hmuh cu Sal i salchin sal 3nak bantuk kan si. A ruang pakhatnak ah NLD cu kawl MiRum le kawl nationalism pawl kawl uknak hmun seh ti aduhmi minung nih hruaimi asi. Pahnihnak ah NLD cu Kawl Mipi le miphun mithmai zoh lawng si lo in Kawl ralkap hna mithmai zoh in rian a tuanmi an si.

Pathumnak ah NLD nih aa tinhmi ah Federal aa tel lo. Kawl miphun he cawhhrup in uk le kalpi akan timh caah Chin miphum caah tihnung asi. Palinak ah NLD nih tuni tiang ah State ( Pyine ) Vunci thimnak nawl akan pek duh lomi zoh tik ah Tlangmi hna hi an mah kut tang le uknak tang ah chiah peng akan duh ti a lang.

Panganak ah NLD cu Kawl ralkap uknak tang ah a um ve mi an si tik ah NLD nih teinak a hmuh cun Chinmi le Ralkap kar ah direct in i chawnh biaknak ramkhel bia i ruah nak nawl kan nei kho ti lo i. An mah kawlmi hna nih a tha a rem an ti ning le an i chawnh biak ning, bia an khiah ning, Phun dang chim cun kawl le kawl bia chah nak ning in kan miphun kong lai rel a si lai caahNLD nih teinak a hmuh cu Chinmi caah sal sawhsawh si lo in sal i a sal chin 3 nak bantuk kan si lai. Salai Phuntanh Kawi Pui

Vun relchih rih mah cabia zong hi: Tukum November Ni 8, Thimnak ah hin Chinram ah Chin Miphun Party an Tthawn lo ahcun Chin miphun caah 2021-2025 NCA le Peace process caah Ttih nung ngai a chuak kho than. Zeica tiah Miphun Party MP a tling lo mi cu NLD hruaitu le ASSK nih i tel hna hlah seh a rak ti ruang ah 2015-2018 tiang an i tel kho lo, 2018 hnu te long in MP Aunglian thawng in CNF an ral tha an dir kho than.

Dr. Lian Hmung Sakhong Bia hi ruah cikcek ding asi. Miphun party he an dir ti ning le 2010-2015 Miphun party an Tthawn lio ah an hna ngamnak kong le Pu Ngai Sak biachim mi minung 72 lak ah atha bik asi a ti mi te hna,Miphun party an ii tel ahcun kan raltha kan thinlung adam,Bia kaahnih an chim ah kaa thum kan chap, kaa khat kan chim ah kaa hnih an chap a ti mi kha philh hna hlah usih.

Kawlrawn ah cun NLD nih Teinak hmu hram koseh law.Lungmawng bang Pi Suh le a Sen he hmuh poh ah veite pawl pei ansi ko cu Veilo te pawl cu an si tung lo tiah maw ruat sual lai ucih..A tlam tling mi Democracy le Federal a chuah khawhnak ding ah cun Tlangcung miphun hna sinan Miphun Party cio an biapit tuk lio kum le caan asi cang. By. John F THC.

Be the first to comment

Leave a Reply

Your email address will not be published.


*