CHINMI CHUNGIN DOCTOR 7 LE NURSE 6 AN PUM AN I PE CANG

Taungzalat Center: Kan mi hna damnak caah tiin CCRT nih Taungzalat center cu on a si. Chin mi chungin kan mi hna chanhchuah rian tuan ding in Nurse pa 6 le doctors pa 7 an i pe. Upatnak ka pek hna. CCRT hi Chin miphun unau hna lungrual tein kan ral lian cem pakhat a simi doh nakding caah kan dirhmi a si. Harsatnak tampi cu hmu cia bu in, Pathian min in raltha tein kan kal lai.

May be an image of 2 people and indoor

A tang rih mi third wave le a ra lai mi wave pawl caah timtuah cia nak caah CCRT cu kan dirhnak a si. Covid vaccine tiang a si khawh chung in kan mi hna chunh khawh ding in timhtuahnak kan ngei.Kan mi hna dam hna seh, kan mi hna an nun sau hram ko seh. Credit: Thawng Tha Thang

May be an image of 1 person, standing and indoor

Cabiadang Relchih Aduhmi caah: Thawngpang tha taktak a si ko. Ralhrang kawlralkap minung 15 hrawng an nunnak a liam lai tiah an langhter. Nihin chun ah Kalay le Gangaw karlak ah kal mi Ralkap motor cu PDF nih Bomb an puah hnawh tthan i a tlawmbik ah Ralkap (15) cu an thi lai tiah Gangaw Youth Voice nih a tarlangh. Nihin August 24, 2021 chun ah khan Ralkap motor pahnih cu Kalay in Gangaw lei ah an rak ra.Lam pi an kal lio ah PDF pawl nih bomb an puah hnawh hna hi a si.

Ralkap motor pakhat cu a rawk dih cikcek, cun ralkap a thi mi hi a tlawmbik ah minung 15 cu an si lai tiah an langhter hi asi. Ralkap a thi mi hi 15 tal cu an si hrim tiah zumh a si. Cun hliamtuar zong an tam ngaingai. Athi mi le hliamtuar mi pawl motor chung khin tthan le timhtuahnak ah suimilam pakhat hrawng cu an rau. Ralkap pawl cu an sungh ruang ah ti awk thei loin an um i, an pawng ah a um mi,

Thlam (5) mei in an khangh” tiah an langhter. Atu hi Gangaw le Kalay karlak cu ralkap thazaang tampi nih an congh i khual tlawng caah a him lo tiah Gangaw youth nih cun an langhter hi asi. Cucaah chungkhat neihniam a ummi vialte sin ah thawngthanhnak tuah cio hna usih. Aruang cu a cunglei langhter bangin a him lo caah a si.

Be the first to comment

Leave a Reply

Your email address will not be published.


*