CHINMI CAAH THAWNGPANG TTHATUK A CHUAK, MINDAT CDF AN HLAWH TLING

Mindat-CDF nih SAC Palik Sakhaan an Lak, Ralhrang 20 Leng an Thi. Mindat-CDF nih Mindat peng chung khuate pakhat i SAC palik sakhaan pakhat cu nihin July 24 zinglei ah an lak khawh, tiah theih a si. Mah sakhaan ah hin SAC ralhrang minung 20 in 30 karlak an um. An thih dih maw si, an zaam dih dik a si. Sakhaan cu Mindat-CDF nih an lak cang, tiah khuami pakhat nih Khit Thit Media ah a chim.

CDF cungtel pakhat nih kahdohnak a ummi cu a fiangmi a si. Asinain, zeidah a cang timi thawngpang fiang in kan thei rih lo, tiah a chim ve. Mindat-CDF le SAC ralhrang karlak biaruahnak cu July 16 ah a rawk i, July 20 thawk in SAC ralhrang nih Mindat-CDF kahdohnak an thawk tthan.July 20 in 23 tiang ah Mindat-CDF lei in kum 20 tlangval pakhat a nunnak a liam i, SAC ralhrang lei in a tlawm bik minung 2 an thi ve.

Myanmar ramchung ramkulh pali (Kachin, Kaya, Kayin le Chin) ah SAC ralhrang nih atukar hrawng thazaang chapnak a tuah cuahmah caah i kahdohnak hi a fak chinchin kho, tiah Myanmar ramchung tlangcungmi hriamtlai upate nih an ruahdamh. Credit:The Chin Journal

Chinland Defense Force Gives Up Mindat After Army Uses Human Shields |  Burma News International

Thawngpang dang: Mizoram ah a ummi ralzaam hna covid zawtnak lak in an him khawhnak ding le zawtnak an ngeih sual i, i zohkhanhnak dingah Mizoram MP C.Lalrosanga nih bawmhnak a halpiak hna. Mizoram MP Pu C Lalrosanga nih Kawlram ralzam mizoram ah a ummi hna covid zawtnak in an him khawhnak dingah sii-ai siseh zawtnak an ngeihsual i Oxygen le aharhmi dang tawlrelpiak dingin Minister of State for External Affairs RK Ranjan Singh sin ah a chim.

RK Ranjan Singh le Pu. C Lalrosangah cu nizan tihni ah khan chawnhbiaknak an ngei. Cu an i chawnhnak ahcun Kawlram ralzam pawng caah External Affairs hmangin tuah khawh dingmi cu tuah ding in RK Ranjan Singh nih lehnak atuah tiah Mizoram LPS nih thanhnak atuah. Mizoram ah kawlram ralzam a ummi cazin an lak khawhmi ah thonghra hrawng an si.

Tthenkhat cu chungkhar sin ah an um hna i, tthenkhat cu inn an hlang hna. Cutikah cazin lak zong hi a har ngaingai i, a cunglei langhtermi nak leng zongin ralzaam hi an tam kho tiah an chim. Ralzam umnak camp ah a ummi hi tutiang rih ahcun an dam lio hna asi tiah tuanvo ngeitu pakhat nih a chim, Atu hrawnghrang ah Mizoram ah a ummi kawlram ralzam chungah a bik in CDM pawl hi an harsa ngaingai tiah theih asi.

Be the first to comment

Leave a Reply

Your email address will not be published.


*