THAWNGPANG TTHA TAKTAK ESTHER BIAKAM ATLING LAWMHPI HNA USIH

Kum 2019 kum Myanmar Idol Winner kan Lainu Esther Dawt Chin Sung nih a chunmang a rak chim tawnmi a tak in Pathian nih a tlamtlinter mi kong cu nihin ah a facebook page in a tarlangh. Cucu biakinn saknak kong a si. Cu kong he pehtlaih in a tanglei bantukin a tarlangh hi a si. Pathian nih thluachuahnak a ka pek mi chung in thluachuah ka hmuhmi midang ka hrawmh ve nak kong tlawmpal chim ka duh.

I uahnak pakhat hmanh aa tel hrimhrim lo. Paizone biakinn hi ka pa Korea ram a um lio te in Mission pakhat biak bantukin ka pa zong aa tel i sak hram an rark thawk mi biakinn pakhat a si. Keimah pumpak zong nih ka phan bal ve. Ka phan hmasa lio ahcun a cung khuh le a tang phah lawng a si rih. Nain a chungah aa pummi hna nih Pathian an thangthat ning cu an thinlung tak in an thangthat i pumh a nuam.

Asinain kum a liam bantukin keimah zong Chin Idol hlasak zuamnak ah Pathian thawng in Winner ka hmuh i ka thinlung chungah Panizone biakinn caah hlut duhnak thinlung ka rak ngei ve. Cu tic un ka nu le ka pa ka chimh hna i ka pa zong nih “ka fanu, na hlu duh ahcun hlu ko ca, a tlawm le tam a biapi lo” tiah thazaang a ka pek caah ka ti khawh tawk tein hlut hram kaa thawk ve. 2019 kum zongah Myanmar Idol hlasak zuam lio interview an tuah caan paoh ah teinak ka hmuh ahcun ka nu sii thlawpnak le Panizone biakinn saknak ca le nulepa ngeilo ngaktah caah hlut ka duh tiah ka leh tawn hna.

Harnak tampi chung in a pakhatnak ah Pathian nih a thluachuah a toih caah siseh, a pahnihnak ah ka nulepa nih thlacampiaknak thawng in le, a pathumnak ah ramchung ramleng mipi nih thazaang nan ka pek caah Winner ka co than tikah ka nulepa zong sii ka thlawp piak khawh hna. Atu cu a chimh lawng siloin tuahsernak in tehte ka langhter khawh cang. Hi hi Pathian thawng in a si caah Pathian min ka thangthat. Amen. Ref. Esther DCS

Relchih Aduhmi caah, Changreu cu a thawt le thawt lo theih taktak nan duh ahcun nan ei hrim a hau. Mi tampi hmur kaa in a chuah pah lengmang mi bia pakhat cu CNLD cu vote kan pek hman ah cozah zong an ser kho lai lo caah tutan cu NLD nih cozah a term hnih nak zong kan peh piak ko hna seh ti kan duh ko tiah a chim mi an tlawm ti lo. A cung lei ka tar mi Changreu cu a thawt le thawt lo theih taktak nan duh a si ahcun nan ei hrimhrim a hau.

Cu lawngah a thawt le thawt lo nan theih khawh lai. CNLD nih kan Chinram le Miphun caah zei bantuk rian dah an tuan khawh timi thei ve hrimhrim nan duh ah cun CNLD minung kha vote nan pek ve hna awk hrimhrim a si cang. Voikhat hman nan ei ballo mi changreu a thaw le thawt lo nan theih kho lo bantuk in CNLD vote nan pek tunglo mi kha zei hman an tuah kho mi a um lo tiin nan chim kho ve lo.

Changreu a thaw le thawt lo a tak in nan ei bantuk in CNLD nih a tak in zei dah Miphun le Ram caah an tuah kho timi thei khawh ve nak ding caah a tak in CNLD minung ah kan vote pek ve usih. CNLD cu NLD le USDP party’s pawl bantuk in Lau hna seh, ttih hna seh’ tinak men in ai cawlcang mi an si lo. CNLD nih cun miphun vialte atak ram ah lut pi le kan covo lak than dingah biatak le raltha tein rian tuan ai tinh mi miphun party an si.

Winston Churchill nih a chim mi cu Ka ram le miphun caah zeihmanh pek khawhmi ka ngei lo, ka pek khawh chun cu ka thisen, thazang, mithli le ka thlanti lawng hi a si a ti. ( Atu lio CNLD sining le dirhmun a si). I stand with CNLD, I vote CNLD, I support CNLD. By Salai Bawi Hlei Hu

Be the first to comment

Leave a Reply

Your email address will not be published.


*