CHINLAND FC NIH BAWMH NAK LAKHRUAK IN AN PEK HNA

Tonzaang Peng Cikha ah COVID-19 bantuk zawtnak a chuak, Chinland FC nih laakhruak thlopbulnak thilri bawmh. Chin Ramkulh Chaklei le India (Mizoram) ramri Tonzaang Peng Cikha khua ah COVID-19 bantuk zawtnak (thawdawp har zawtnak phun khat) a chuak i Chinland FC ngeitu Believers Church Arch Bishop Dr. CK No Chhum, President NC Thawng Tha Thang @ Saya TT le an hawile nih laakhruak in mizaw thlopnak thilri an bawmh hna, tiah kan theih.

May be an image of 4 people and people standing

Hi laakhruak mizaw thlopnak thilri hi Oxygen Concentrator, meiseh le a herh mi thilri dangdang hna an si. Mizaw hi khuate lei tel loin minung 100 hrawng an si. Cikha ah hin Circuit Hospital ti mi Taihne Sii-inn lawng a um ca ah mizaw thlopnak ah thilri tampi a chambau pin ah Oxygen hi a herh bik mi a si fawn.Chinland FC nih COVID-19 lio ah Tedim, Thantlang, le Hakha ah siseh, hmun dangdang um mi sin ah siseh, ngandamnak thilri voi tampi a rak bawmh bal cang hna.

May be an image of one or more people and hospital

Cikha mizaw hna ca zong ah pehzulh in bawmhnak pek a timh. Pekchanhnak in tel a duh ve mi nih Chinland FC ah pehtlaih khawh a si. Tonzaang Peng hi MRTV zong nih May 29 in lengchuah lo ding (Stay at Home) tiah May 28 zaan ah a thanh mi a si. Credit: The Hakha Times.

May be an image of one or more people and indoor

Thawngpang Dang: Yangon khuapi zong ral an tho ve cang lai. Ralrin peknak phun 4 an tuah. Yangon khuapi ah mipi humhimtu hriamtlai pawl an tho ve cang lai. Fak piin raltuknak a chuak kho. Nihin May 28,2021 ah Yangon khuapi chung mipi caah hriamtlai nih ralrin peknak le theihternak phun 4 an tuah hna. Cucu a tanglei bantuk hi an si.

Ralkap sinah tax nan pe lai lo. Uknak a latu Kawl ralkap sinah tax nan pe lai lo. Mei man pawl le a dangdang pawl nan pe hna lai lo. A herh lo ah leng ah nan chuak lai lo. Yangon khuapi ah kahnak a um cang lai caah mipi pawl kha a herh tuk lo ahcun leng ah nan chuak lai lo. Leng nan chuah ahcun meithal kahnak le poipang nan tong kho.Danlan he nan um lai lo, nan kom hna lai lo.

Ralkap lei tang a simi, ralkap sinah thawngpang a petu pawl he nan um ti lai lo. Nan i chawn lai lo. An fale le an chungkhat he zong nan i chawn lai lo. Kawl ralkap hrimhrim nan chawn hna lai lo. Kawl ralkap le palik nan bawm hna lai lo. Kawl ralkap le palik sinah bawmhnak nan pe lai lo. Kawl ralkap le palik he hrim nan i chawn lai lo. Mah ti na um ahcun na nunnak caah tih a nung mi a si. Yangon khuapi ah hriamtlai pawl an lut ve cang. Nihin May 28,2021 ni zong Takatah ah kahnak a chuak.

Ralkap lei a thimi le hliamtuar mi an um. Yangon khuapi ah raltuknak an thawk ve cang lai caah mipi ralrin ngaingai a hau. Yangon cu Kawlram khuapi bik a si tikah khualtlawng umkal mi caah a har ngai cang lai. Kawlram chung khuapi pawl ah Kawl hriamtlai pawl an hun cawlcangh ahhin a tha. Kanmah Tlangcung mi lawng kah cun a si kho lo. Kanmah kha fak tuk in kan tuar. A tu Yangon lawng si loin Mandalay, Naypyiraw, Mongywa le Peko khuapi hna zong a rauhhlan ah hriamtlai an lut cang lai tiah zumh a um.

Be the first to comment

Leave a Reply

Your email address will not be published.


*