CHINCHIN PEKTHANG: KAN NGAI TUK HRINGHRAN KO EE KA PA

Laimi nih kan i bochan taktak mi kanpa a nunnak aliam tiah vun theih cu lungthin a zaw i, ngeih a chiatuk hringhran ko mu. Tantakmi chungkhar cingla rualchan vialte nan ngeihchiatnak le nan mithli tlaknak vialte a nung kan Biak Pathian nih in hnem ko hna seh. Chinchin apa nih hi vawlei nunnak in aa kan kaltak. Sianlonak ah tiah atanglei cabia pawl an langhter mi asi.

Pu Pek Thang (Kum 100) nih mual a kan liamtak ti thawng ka theih, ngeih a chia hringhran. Falam Baptist Church ah Kum 60 leng Church Chairman a rak tuanmi Khrih zultu tha asi. Vawleicung tuanbia ah a um ti lailo dah ka ti. Voikha te a inn ah ka ton ta manh ve. Mirum asi nain aa toidor i, mi cungah dawtnak a ngei, zumhtlak mifel asi, miphun a dawmi kan pa asi.

Kan miphun nih bochanmi fanu fapa thatha tampi a kan ngeihpiak hna. Hi facebook in upatnak ka pek. A nunchung ah tuanbia dawh a tial, hi vawlei ah sunglawi in kum 100 chung caan a hman hnu ah Bawipa sinah aa din cang. Taantakmi chungkhar Bawipa nih hnemh hram ko hna seh. RIP Pu Pek; Salai Ramtinthei

Nihin Vanzang Khuami Kan Pa Bik Pu Pek Thang (ChinChin PekThang Pa) nih a kan liamtak Ni. Tantak mi Chungkhar Bawipa nih hnem ko hna seh. PekThang. Na Len min a dai kho hnga maw? Na thlei thawng cu khuari thawng bang, Leideng cul in semnak khuazung a mui, Suttung bang na pur ni ah ee, Na tlei tuan deuh ai ti’n kan hram.

Nang cu mu, Vanzang kong chim tik ah, Then awk tha loin na tuanbia dawh cu, Semmawng hna zong nih phai kan dai lai lo. Na nehnang hna cu, An hmun lan cang lai, Kan khua ca ah a fak hlei khun tuk e, Nang cu na bau lan cang lai mu, Na min chim bal kan dai lai lo, Zeiti awk tha, Rak Kal ai kun ne law, Cungchin Vanram nuam tu in, Na Dawt khuami rak kan dong te mu, Thlamhngak. Salai BN Dennis

Kan Suttungpi a pur ruangmang ai ee, Fingrei cah zawn, Dawtmi ka pa he kan i tthen ni, Aphan ai mu, Ka vawlei pi muih nak a tlung, Dawtmi Kapa, Na chuahsem nak lailungrawn i, khuaza cul in ka ttawl zawn ah, Nang ngaih a zual, Thingkung le rampar hna hmanh nih pei, Na lenmin an chim cu. Kan ngai Kapa. Chinchin Pekthang.

Ka sayakyi a rak simi le fimnak, lungsaunak, i zuamnak, teimaknak a hlawk zia le ruahchannak ttha a rak ka petu tawntu a thih thawng theih cu ka lungthin ah a nuam kho hrim lo. A rak chimmi nihin tiang ah ka philh khawh lomi cu ” Chin miphun hi cawnnak, fimnak ah kan chambautuk caah boarding tuah a hau ka rak ti i Chimram ah boarding a rak tuah hmasabik tu ka si a rak ti.

Cun tangra ka awn kum ahhin Chinram chungah a hohmanh an rak awng lo, keimah lawng ka rak awng a rak ti. Atu 6D hmuhnak in ka rak laar deuh. Ka tlanval lio, tanghra ka awn lio hrawng ahcun ka pumrua zong a tha, ka mui zong ka rak i dawh, kai chawh ahhin nungak nih vam awng in an rak ka bih tiah capo pah le ca i zuamnak ding thazaang peknak he” a rak kan chimh tawn kha ka philh kho lo. Na cawnpiak mi na fale nih philh ni um lai lo. RIP. Stalin Tha Cung Lian.

Be the first to comment

Leave a Reply

Your email address will not be published.


*