CHIN STATE NIH FEDERAL HMU USIH LAW KAN BUAI TAKTAK LAI HI A RUANG

Chin State nih Fedaral hmu u sih law, (Burma) kut tang kan um nak in hin kan buai deuh te lai.A ruang cu, Federal kan hmuh ah cun (Common Language) kha kan nei a hau lai, Zung kai nak caah, cu tik ah kan mah holh cio kha kan duh te lai. Federal kan hmuh ah cun, hrui tu lu bik kha kan i thim a hau te lai, cu tik ah Tedim, Hakha Falam Tang lei Chin pawl lung rual ten in, Zung an kai kho te ha ma.

Falam/Tang lei pa kha, Hakha/Tedim nih Vote an pe duh te ha ma?Cu chim lo khua pa khat ah, (Khua Bawi) hmah thim kan i har cu mu.Zung an kai tik ah, holh pi ah Kawl ma an hmang rih ko lai, maw Mirang holh hme?Kawl uk kan duh lo tiah ram kan khel i, an holh kan hmang hui ah cun a si kho lo mi thil pa khat a si hui.

Mirang holh cu zapi thiam khawh mi a si hui lo, cu tik ah Hakha cu Chin State khua pi bik a si ko caah Hakha holh kha kan thiam dih awk a si tiah an ti i, Falam/Tedim hna nih an holh duh nem maan lai lo.Cu caah, Federal kan hmuh zong ah, kan mah Chin State in Ram khel an um rih te lai i,Tedim nih (Zo Mi) caah a dang ten uk nak an duh lai i, Falam /Hakha zong nih an duh te lai.

Hmunkhat te ah ram a dirh kho ding kan si lo, tu lio kan Chin State lung put ning te in cun.kan lung aa ruang lo tuk.Zung pa khat ah, holh phun phun in cun bia cu an i ruah kho te lai lo caah,an Nu hrin holh khan holh cio an duh lai caah, buai nak ngan pi a chuak te ko lai.Federal hmuh hnu ah kan mah le kan mah kha kan i that dih te ko lai, cu caah Federal hmuh zong hi tih a nung pah. By Salai Lal Lian HC

Be the first to comment

Leave a Reply

Your email address will not be published.


*