CHIN RAMKULH USDP CHAIRMAN DR. HMUH THANG INN HMAI AH BOMB A PUAK

Chin USDP Chairman Dr. Hmuh Thang Inn hmai ah Bomb Puak. Nizaan (August 11) zaan sml. 7:00 hrawng ah Thantlang khua ah a ummi Chin ramkulh USDP chairman Dr. Hmuh Thang inn hmai ah bomb a puak, tiah thawng kan theih.Chin USDP secretary Pu Cung Bik nih, Nizaan sml. 7:00 hrawng ah khan Dr. Hmuh Thang inn hmai ah bomb a puah hi a si. A puakmi bomb hi kutcheh bomb (လက်ပစ်ဗုံး/grenade) a si, tiah a chim. Inn hmai bomb a puah lio ah Dr. Hmuh Thang te hi thlacamnak an tuah lio a si i, an inntang thlalangawng an kuai. Aa hliammi an um lo. Credit: The Chin Journal

Thantlang CDF Cathanh: SAC nih Thantlang Biaknak lei Hmunhma ah COVID-19 Sichunhnak Tuah Lo Ding. Atulio Thantlang khuachung SAC COVID-19 sichunhnak kong he pehtlai in CDF-Thantlang nih an dirhmun an langhter. Pakhatnak. Biaknak hmunhma ah sichunh si hlah seh. Pahnihnak. CDM a tuahmi kan hnorsuanpiak hna hlah seh.

Pathumnak. Fial chom si loin pumpak lungthlehnak in chunh si seh. Palinak. CDM a tuah lomi nih chun hna seh ti kan duh. Thlantlang peng chung khaute lei COVID-19 committee zulhphung a buar lengmangmi hna le SAC he pehtlaihnak a ngeimi paohpaoh cu a herh ning in tawlrel an si lai, tiah ralrin peknak CDF-Thantlang nih an langhter chih.

Relchih Thawngpang dang: Min Aung Hlaing caah thawngpang ttha taktak a chuak ve cang. Tuluk nih ralhrang kawlralkap sin ah dollar 6 million a pek hna lai. Tuluk cozah nih nawlngeihnak latu ralhrang kawlralkap hna sin ah thanchonak rian 21 ttuannak caah dollar 6 million bawmhnak a pek lai tiah Myanmar Foreign minister nih thanhnak atuah. Hi konghe pehtlaiin a tanglei bangin an langhter chih. Aliamcia February nikhat in mipi thimtlinmi cozah pawnchuah i, ralkap kawlralkap khuakhan lairelnak he ttuanttinak tha or pehtlaihnak ttha ngeih tthan nak dingah Tuluk cozah rianttuannak pakhat a si tiah an langhter.

Hi bawmhnak pek dingmi cu Mekong-Lankan project caah asi lai tiah a cunglei upa Myanmar Department of Foreign minister nih alanghter.Mah project chungah hin saram kakuaisi, nunphung, thingram lei siseh, thiamsannak, khualtlawng lei le kohkek puicimhnak tibantuk ah hman dingmi a si lai i, hi bawmhnak tuah dingmi cu hnatlak nak minsen zong an thut cang tiah an langhter chih. Ralkap cozah biatak tein dohkalh cuahmah lio ah Tuluk nih cun ralhrang pawl a dirpi peng hna.

Be the first to comment

Leave a Reply

Your email address will not be published.


*