PU TIN DUH THANG: CHINRAM KHUAPI CU SWITZERLAND AH AN CANG

Chin Ram Khuapi Hna Cu Switzerland Ah An Cang. Malaysia PM Tun Abdul Razak nih cun nikhat cu tlangsang ngai mi in an ram khualipi Kuala Lumpur, Bentong le Batang Kali a cuan hna i a thinlung tuaktannak le mitthlam ah thlithiang nih cun hmun nuam le hmu duhnung cu a rawn hranh.Mah ti nuam taktak in a thinlung le mitthlam ah thli thiang nih a va hranh mi cu,an ram khualipi pawl cu Switzerland ram bantuk in pei an idawh hi” tiin Genting Highlands cu a fak.

Mah lio i Contractor lawng a rak si mi,” Lim Goh Tong caah cun faknak le duhsaknak ropui/sunglawi tak khi a si.Mah lio a mitthlam a langh kha kum 1975 lio ah khan a si.A tu ahcun,Genting Highlands ah hin riahnak sang tampi tuah a si i,Bulding inn saang pipi le inn ngan pipi le hmun nuam le hmun duhnung tha taktak mi,vawlei cung ram dang hna nih an zoh duhmi tampi hmun a um cang.

Vawlei cung ram vialte ah hin,Switzerland ram tluk i a thianghlim mi le aidawhmi ram hi a um rih lo ti cu kan theih cio lai tiah ka zumh.Kan miphun chungin cozah lawng si lo in Contractor le Construction Company hna nih mah hlawknak lawng ruatlo in kan ram khualipi caah lung mitthlam in cuanh mi le chunmang hna hei ngei kho cio hna usilaw kan khualipi hi,Switzerland bantuk ah kan ser khawh ve hnga dah kaw ti hi a si.Kan miphun kan dihlak kan khuapi caah aidawh mi saduhthahnak ngei cio ko hnausih.Kai Lawm. By Tin Duh Thang.

Relchih:2020 Thimnak Ah MP Ah Thim Tlakmi Hna (Dal Khatnak).2020 Chinram thimnak cu CNLD le NLD i zuamnak deuh ah ruah cio mi a lo. Tedim-Tonzang peng bel ah cun ZCD le NLD i zuamnaktu si dawh a si. Aho dah a ra lai mi kum 5 chung caah Chinmi le Chinram caah a ttha bik lai timi keimah pumpak hmuhnak sawhsawh ka rak langhter. MP ah an tlingte hrimhrim lai tinak si lo in, a ra lai mi kum nga (2020-2025) caah MP ah thim ding ah an ttha dom lai tiah pumpak hmuhnak rak langhter sawhsawh mi tu khi a si.

Pakhatnak. VP Henry Van Thio. Jessie pa nih thimnak ah a luh tthan tikah a lungtling lo mi tlawmte cu um pah dawh an si. VP a hmu tthan sual lai lo i, MP sawhsawh in a um sual lai ti khi, an phanpiak mi cu si dawh bik a si. An dawtnak bia ti khawh a si.Jessie Pa nih VP a ttuan kum 5 chung ah Chinram ah a tuahtami a kutneh a tam ko. Tuah ding ah saduh a thahmi le pehzulh ding zong a tang liangluang rih timi zong hmuh khawh a si.

Biana ah, Bungzung mirang vawlei sernak, Nawi tidil le Vuichip tlang vanlawng ttumnak tbk.Cucaah 2020 thimnak ah thim tthan ding ah zakhat ah zakhat bak aa tlak mi Lai pasal ttha a si. VP a si tthan lai maw? Minister rian maw an pek lai?Amyotha Hluttaw ah rian pipa tak maw an tlaihter lai?? MP sawhsawh in dah an chiah lai timi bel cu aho hmanh nih chim chung awk a ttha hnga lo. 2015 lio zong ah aho nih an rak chim chung khawh cio?

A fiang pahmi bel cu, 2020 thimnak ah a tlin tthan ahcun VP a si tthan ti lo sual hmanh ah, NLD nih Kawlram cozah an tlaih tthan ahcun VP a rak si balnak huham hmanh in rian tampi a ttuan khawh rih lai tiah zumh a um. A bik in Thantlang peng i amah he aa cuhmi MP hna nakin a let in Thantlang peng caah le Chinram caah rian a ttuan khawh deuh suamau rih ko lai. Cucaah thim tlak taktak a si.

Pahnihnak. Salai Myo Chit. Kanpalet in Amyotha Hluttaw caah CNLD in aa cuh dingmi mino a si. England ram in Master a dihmi a si. Cho miphun le nunphun kong zong Mirang holh in cauk a ttial i, Chiang Mai University nih an chuahpiak.Kanpalet peng caah siseh, Chinmi caah siseh, Kawlram federal hmuh khawh nakding caah siseh a chimrel kho ngai ding pasal a si. Kanpalet peng i amah a zuam cawhtu MP hna nak cun Kanpalet peng caah le Chinmi caah santlai a si deuh lai tiah zumh a um. Kanpalet peng ummi hna nih khurkhua fak deuh in an ruah ahcun MP ah tlinter tlak bak a si. Credit: Nathan Pa LD Hmung