CHIN RAM AH CDF NIH RALHRANG 165 AN KAH THAH CANG HNA

Chinram ah SAC Ralhrang 165 an Thi i, CDF lei Minung 30 nih Nunnak an Pek ve Cang. April 24 in June 10 tiang ah Chinram chung kahdohnak ah SAC ralhrang 165 an thi cang i, CDF lei zong in minung 30 nih ram le miphun ca ah ralhrang do in nunnak an pek, tiah CDF nih an langhter.

May be an image of text that says "CHINLAND DEFENSE FORCE HEADQUARTERS ၂၀၂၁ ခုနှစ် ဧပြီလ ၂၄ ရက် မှ ဇွန်လ ၁၀ ရက်နေ့အထိ ချင်းပြည်နယ်အတွင်း အကြမ်းဖက် စစ်ကောင်စီနှင့် Chinland Defense Force အကြား တိုက်ခိုက်မှုပေ သေဆုံးသူများ စာရင်း ထုတ်ပြန်ချက် Civilian ၁၁ဇွန်လ ၂၀၂၁ CDF SAC SAC CDF Civilian 165 40 60 80 100 120 140 160 180 Chinland Defense Force"

SAC ralhrang ruang ah mi sawhsawh a nunnak a liammi minung 9 zong an um. Kahdohnak ah SAC lei in minung 123 hliamhma an keng i, CDF lei in minung 45 hliam an pu ve. SAC ralhrang hliamhma a pumi milu hi hinakhin an tam deuh kho, tiah CDF nih an chuahmi cazin ah an langhter. Credit: The Chin Journal.

May be an image of text that says "CHINLAND DEFENSE FORCE HEADQUARTERS ၂၀၂၁ ခုနှစ် ဧပြီလ ၂၄ ရက် မှ ဇွန်လ ၁၀ ရက်နေ့အထိ ချင်းပြည်နယ်အတွင်း အကြမ်းဖက် စစ်ကောင်စီနှင့် Chinland Defense Force အကြား တိုက်ခိုက်မှုကြောင့် ထိခိုက်ဒဏ်ရာရသူများ စာရင်း ထုတ်ပြန်ချက် 180 160 140 120 ၁၁ဇွန်လ ၂၀၂ 123 100 80 40 SAC 20 45 Civil SAC CDF Civil မှတ်ချက်။ ။အထက်ဖော်ပြပါစာရင်းသည် တိုက်ပွဲဖြစ်နေစဥ် မြေပြင်ခန့်မှန်းချက်သာဖြစ်သောကြောင့် အကြမ်းဖက် စစ်ကောင်စီတပ်ဖွဲ့မှ ထိခိုက်ဒဏ်ရာ ရရှိသည့် စစ်သားဦးရေ ပိုမိုများပြားနိုင်ဖွယ်ရှိသည်။ Chinland Defense Force"

Thawngpang Dang:Daw Aung San Su Kyi cu ziknawh a la tiah taza a cuaimi minung cu vanlei hoih in kuva hang a chami minung an si tiah sihne U Khin Maung Zaw nih a chim. Daw Aung San Suu Kyi cu ziknawh latu pawl dantatnak pohmah 55 in a hmuh tuah asi, taza a cuai mi minung cu vanlei hoih in kuva hang a cha mi minung an si tiah sihne U Khin Maung Zaw nih Mizzima media ah a chim.

Aung San Suu Kyi nih tlinh lonak tampi a ngeih ko nain mah pumpak ca ruah ah ziknawh a la ding mi minung si lo. Hi tiin a mah hna taza an cuai mi hi cu nihchuak a si. Politics lei ah kum 50 leng kaa tel ve ah hin a mah nak in lung a thiang mi le ziknawh a la lo mi ram hruaitu ka hmu bal hna lo tiah U Khin Maung Zaw nih cun a chim.

Aung San Suu Kyi cu a tu lio ah pohmah 2 in taza cuai a ton lio asi. Aung San Suu Kyi he Naypyidaw Sipin lei Myodawwon a si mi hna Dr. Myo Aung le U Ye Min Oo cun U Min Thu hna zong ziknawh lak ruang ah tiah taza cuai an tong ve. Thawngpang dang a si. A Hmasa Bik Ah Hi thawngpang hi khuami pakhat nih kan thanh piak, thla kan cam piak cio hna sehlaw an ti caah kan rak tarlangh mi asi.

Ralhrang tampi an khua ah an phak caah khua ning in an zam dih ngawt cang ti asi. Kan khua, Mualkai ah ralhrang tamtuk an rak lut, an dihlak in 120 hrawng cu an si ko lai. Ram lak, Lopil lei in an rak ra i khua chung le a pawngkam ah an um dih. Khua mi cu kan dihlak ngawt in zam a si ko cang. Mino a hohmanh khuachung ah kan um ngam ti lo.

Cun atu zong hi mui lakah kan zam cuahmah i pawngkam khuate lei kan fuh, nain lampi ah kan taang lio rih. Tar le Ngakchia puak a hau mi, a mah tein a kal kho lomi zong kan um ngai. Khua ah a taang mi cu pahnih thum hrawng lawng an si ko lai, kan dilak in kan zam ti ding a si ko. Thlacam nak in kan bawm uh, Laimi dihlak nih thlacam kan bawm cio hram hna seh” tiah min langhter a duh lomi khua mi pakhat nih ca in an kan kuat mi asi.

Khua mi pakhat a chim ning zoh tikah, khua dihlak ngawt in zaam dawh an si ko. Cun Lampi, ramlak ah i dup rih dawh an si. Tar le ngakchia tete an um fawn caah a poi ngai. Cun Ralhrang pawl zong hi Mualkai khua chung lawng si loin, khua pawngkam zong ah um len dawh an si. Thlacam nak in bawm cio hram hna usih. A cung ah kan langhter cang bantuk in hi thawngpang hi khua mi pakhat nih tar piak ding in an kan fial caah kan tarlangh mi asi.

Be the first to comment

Leave a Reply

Your email address will not be published.


*