CHIN RALZAM CAAH NUG NIH TING 470 MAN BAWMHNAK APEK CANG

Chin Ralzaam Sin ah NUG nih Ting 470 Man Bawmhnak a Pek Cang .SAC ralhrang ruang ah innlo chuahtak in a zaammi Chin ramkulh chung ralzaam hna ca ah caankarlak cozah NUG nih ting 470 bawmhnak a pek cang, tiah NUG nih a langhter.

No photo description available.

Kayin, Shan, Kaya le Chin ah NUG nih biapi in bawmhnak a pek i, atu tiang ah Chin ramkulh ah bawmhnak a pekmi a tam bik. Eidin, Sii-ai, Thilpuan le a dangdang thilri bawmhnak ting 460 man le tangka fang in ting 10 hi NUG nih Chin ralzaam hna caah a pek cangmi a si. Credit:The Chin Journal

May be an image of food

Thawngpang dang: CNDF le ralhrang kawlralkap i kahnak ah ralhrang kawlralkap a tlawmbik minung 20 an nunnak aliam. CNDF lei in minung pali an nunnak aliam ve. Falam peng CNDF le ralhrang kawlralkap hna cu tuzing suimilam pasarih le cheu ah an i kap. Hi i kahnak ah ralhrang kawlralkap lei in a tlawmbik minung pakul an nunnak a liam i CNDF lei in minung pali an nunnak aliam tiah CNDF nih thanhnak an tuah.

An i kahnak hi suimilam pahnih chung hrawng asi i, i kahnak ah hin ralhrang kawlralkap minung tampi hliam an tuar. Cun CNDF lei zongin minung pathum hliam an tuar tiah an langhter i, CNDF lei in hliam a tuarmi hna cu an hliamhma a fak lo tiah theih a si. Hi konghe pehtlaiin CNDF lei nih cathanh an chuah ning ah cun ralhrang hna nih CNDF umnak hmun kah dingin hriamnam ngan he an fuh ruangah kahdohnak hi a chuah asi.

Atu lio ahcun ralhrang kawlralkap hna cu hnu ah an pil ruangah caan karlak kahdohnak cu adai rih. Asinain kahdohnak hi a linsa chin lengmang khomi asi caah tualchung minung hna cu ralring tein um uh law nan thinphang hlah uh tiah CNDF lei nih nawlnak le theihternak an tuah chih. CNDF cu mipi caah rian attuanmi kan si caah mipi nan caah harsatnak kan chuahter lai lo tiah an chim.

Hi konghe pehtlaiin a liamcia May ni 21 zongah ralhrang kawlralkap hna cu Falam peng Lumbang khuapawng ah CNDF nih an rak kah cang hna. Hi lio an rak i kah ah hin ralhrang kawlralkap lei in an hruaitu pakhat telh in minung paruk an nunnak arak liam i, CNDF lei in Salai Cung Nawl Piang kum 28 zong ram le miphun caah a nunnak arak pek ve.

Be the first to comment

Leave a Reply

Your email address will not be published.


*