CHIN NLD KAN PALE HNA HI KA LAWMH NGAI NGAI HNA BY ZASANG CINZAH

Surbung airport cu tlamtling tein an lim caah kan ilawm cio. Chin ram ah Airport a um cu, Chin ram hi Ram pakhat kan sinak tlinter chintu a si caah a ttha khun. Amah belte a tuahtu sinak/ credits an icuh ciomi ka hmuh tikah, Chin ram nih thangcho a duh tuk ko nain minung tu hi miphunpi lungput kan ngeih rihlonak a langhter tiah ka hmuh i ngaichia ngai a si.

Burbung airport cu an lim hnu ah voikhatnak Vanlawng a ttum. Asinain passengers flight service kong ah zeibantuk thawng hmanh a leng rih lo. Airport hi chum/fog a tamnak a si pinah thli/wind a tam tuk caah Vanlawng/flight landing/ttumnak caah thil harsa a si rih lai tiah an chim. Credit icuhnak ah CPP nih kanmah chim rel nak thawng in an ti.

Pi Za Tlem thawng in an ti. Khat lei in Dr NCL thawng in an ti. CNF nih state level ceasefire an tuah lio ah an telhmi a si caah, CNF Thawng in an ti. Zeiti a si zong ah Chin ram le Chin miphun caahcun Chinmi kan pale nih an chim dih cio ko caah, chimreltu kong ah credits icuh hi a zoh a chia ngai ka ti. Chim reltu ahcun Chinmi kan pale an itel dih.

Airport le Universities tbk ngeih hi Chin miphun kan chunmang cio a si. Chim rel khawhnak positions ah a dirmi paoh nihcun an chim cio awk topic te zong a si. A tuantu ahhin USDP term a dih lai ah an awt i NLD chan ah an lim. Cucaah, NLD chan ah CHIN ram aiawhtu kan pale pawl hi an ttuan chuakmi projects tete zoh tikah Chin ram hi anmah tawk te in an sersiam ve ko tiah ka hmuh i ka lawmh ngai ngai hna. Credit: Zasang Cinzah.

Be the first to comment

Leave a Reply

Your email address will not be published.


*