Chin Miphun Party CNLD A Um Ruangah State Dang Hna Chin Kan Si Veko Tiin Ai Ti Mi An Um A Tha Tuk

Chin miphun party (CNLD) a um ruangah state dang (Rakhine, Magwe, Sagaing) a ummi Chin mi, Asho Chin, Khumi Chin. Sumtu etc. . hna nih Chin miphun kan si ve tiin CNLD an tanh i CNLD party in MP an i cuh ve mi hrimhrim nih Chin miphun kan sinak le lungrualnak zeimawzah cu a chuahpi ko cang.

Teinak zong hmu hram ko hna seh. Teinak an va hmu lo zongah miphun pakhat sinak lungput National spirit a nung thai lai, a thawng chinchin lai. CNLD hi rak um hlah sehlaw miphun pakhat tiin kan dirti nak hmunhma a um hngal lo.

NLD, USDP hna hi Chin party an si ve ko tiin miphun party ngei lo in um uh sehlaw khuaika indah miphun lungput (Nationalism) cu kan aupi lai, kan nungter lai.Kawl ram huap in dirmi NLD le USDP pawl nih a kan aiawk ko, Chin mi kan tel ve caah Chin mi kan party a si ve tiin a ruahmi pawl bia hal nak ka tuah mi “Chin miphun party a um herh lo kan ti ko maw?” timi zong a ho hmanh nih an ka leh rih lo.

Benjamin Hui, USDP nih 2010-2015(kum 5 chung) a uk. NCA hi USDP lioah rang ngai in a kal. Ralkap mui kan hmu ti lo. Hakha khi a thianghlim tuk. Atu cu vokek rim in a khat. Atu cu hmunkip ah hnawm an hlonh, ruah a sur ahcun hnawm vialte cu tilu nih lam cungah a fenh i fihnung taktak khi an si. JCB in inn hrawh le aithing rial ah belte NLD cu CHAMPION a si ve.

Miphun dawt ahcun miphun tanh bak ding
Chin mi vialte nih kan miphun cu kan dawt dih ko. Miphun a daw lomi kan um lai lo. Asi nain, micheu nih miphun cu a dawt in dawt ding, a tanh in tanh ding asi lo, miphun tanh cu tihnung asi,tiin an chim. Kei ka pom ning cu miphun cu a dawt zong kan dawt lai i atanh zong kan tanh lai. Miphun kan tanh lo ahcun miphun kan dawtmi hmual a ngei lo.
Mah miphun zalonnak, luatnak, mah te khuakhan lairel khawhnak a kawl lio mi miphun kip nih an dirhpi tawn mi cu, Nationalism (AMYOTAYEI SEIKDAH, Kawl holh in) asi peng.

Kawlram zong Mirang kuttang in independent hmuhkhawhnak an rak zuam lio ah (DOH BAMA ASI AYONG ဒုိ့ဗမာ အစည္းအရုံး) timi political organization min in an cawlcang.DOH BAMA ASI AYONG timi cu Ideology asi loh, Nationalism taktak asi. Cu lio ah Kawl politician hruaitu pohpoh an mah te in ramkhel pomning (political leaning) an ngei dih ko. General Aung San zong hi Communist party a rak dirhtu asi ve (Takhin Ba Hiein, Takhin Soe, Takhin Than Tun, Takhin Nu,

Takhin Aung San) pawl nih Ba-Ka-Pa (Bamapi Communist Party) an ra dirh mi asi.Cu lio ah (လက္ဝဲ, လက္ယာ) left leaning, right leaning tiin a tawi nak in an rak i auh. Dr. Ba Maw le Kalon U Saw te pawl kha လက္ယာ ဝါဒီ pawl an si i Takhin Than Tun, Takhin Soe te pawl kha လက္ဝဲ ဝါဒီ pawl an si.Asinain, ramkhel pom ning ai lo cio lo mi Kawl hruaitu le mipi nih ” DOH BAMA ASI AYONG” timi Miphun ttanhnak

(Nationalism) movement ahcun an lung an irual dih. DOH BAMA ASI AYONG timi ahcun Kawl mi poah nih tel lo in um khawh asi ti lo. TAKHIN MYO (သခင္ မ်ိဴး)[Bawi phun] (Master) kan si an ti i, an min ah Takhin an ipek dih, Takhin Aung San, Takhin Nu, Takhin Than Tun, etc.. Miphun pi lungrualnak caah cun miphun tanhnak lungput (Nationalism) kan ngeihding hi a bia pi tuk. Nihin ni tiang Tuluk ram le, Russia ti bantuk pawl nih an ram pi le ram dang mi (Western countries pawl) kar lak issue (buainak) pakhatkhat a um ahcun, Nationalism, National spirit kha thazang ah ahman leng mang.

Acozah ca ah cun hmual a nei tuk, Tuluk nih an ram chungah buainak or acoza cung ah mipi lungtling lonak a chuah poh ah, US, Japan or South China sea kong buainak (tension )a chuahter i ram dang mi nih kan ram a kan det, a kan nek tiin mipi hna kha miphun dawt nak le miphun tanhnak kha a hliphlau a thanghter i cu ti cun mipi nih an cozah cu fak pi in an dirpi an tanh than tawn.Atu hi Kawl nih uk mi le namnehmi sinak in luat i mahte khuakhan lairel khawhnak caah a zuam lio mi kan si. Atu lio hi Nationalism a thawn i miphun kan tanh ding caan bak asi.

Mah miphun party le Kawl party an i zuam lio zong mah miphun te bak kha tanh ding vote ding asi ko. Federal kan ngah hnu ah miphun kan tanh te lai timi cu a si kho lo mi asi.Kan mah Chin mi nakin a leh a za athong in milu a tam deuh mi Kawl mi le Tuluk mi hmanh nih miphun tanhnak (Nationalism) in ram an khel lio ah milu tlawm te asi mi kan nih Chin mi nih miphun tanh a herh lo kan ti ahcun zeidah kan chuahpi kun lai.
Kan nih Chin mi cu Chin National Day hmanh kan itel duh ti lo. Miphun dawtnak kong le tanh nak kong chim le phuan zong a um lo caah a vaivuan mi kan tam ngai. Miphun dawtnak paam asi rua?
Edit a ka tuah piak tu nau Chan Khar cung ah kalawm.

Crd, Pa Hmung

Be the first to comment

Leave a Reply

Your email address will not be published.


*