CDF NIH THANHNAK KAN TUAHMI A ZUL LOMI CU TIAH RALRINNAK AN TUAH

TCP.Chinland Defense Force, Headquarters (CDF-Headquarters) nih a chuah mi ralrin peknak cathanh. Pakhatnak. Dinfelnak a tanhmi CDMers hna cungah uknak latu ralkap nih nifatin in lungretheihnak le thihphaihnak, a phunphun in hna hnawhnak pek a si. CDMers hna sin ah phungning lo in thihphaihnak, micheu zunguk bawi Non CDMers hna sin in CDM a tuah mi riantuan hawi sin ah pumpak in siseh, ca pek nak in siseh Phone hna in siseh, Lamkal minung fial in zungkai sawmnak le thihphaih nak tuah mi cu fianghlang tein kan hmuh khawh.

Pahnihnak. Cucaah Ram le miphun ca zohchih in CDM a tuah mi cungah nan tuahmi hna hi a rianran nak in ngol dingin theihternak kan in pek hna. 3. Chinland Defense Force cu ralkap le ralkap he riantuanti mi hna nih mipi cung an tuahsernak thatlo nak dohkalhtu ding ah dirhmi a si bantuk in a cunglei ralrin peknak le theihternak kan tuah cang mi a zul lomi hna cu CDF nih a herhning in kan tawlrel cang lai tiah theihternak kan tuah. Chinland Defense Force, Media Contact +919362213680, +918731058986.

No photo description available.

Relchih:Ralkap pen nak aapeh tthan sual hnga maw? Kawlram uk nak politic le atuanbia zoh tik ah ralkap nih kawlram a uk nak hi kum sawm sarih asi cang. KNU nih kawl ralkap a dohnak hi kum sawm sarih leng an si cang. A tu lio ah KNU cu atthawng ngai in kan hmuh. Ahlan zong ah an rakthawng ko. Asi na in hin ni tiang ah an mah an ram chung cia khua pi pakhat hmanh ala kho bal rih lo.

An i kah nak ah ralkap tampi athat hna ti le ral kap umhmun an lak ti cu atam ko. Asi na in an mah karen ram chung an khuapi taktak hi an la kho rih lo. Cu ve tthiamtthiam bang in KIA hi dohthlen nak an tuah caan hi kum sawm sarih leng as ve cang. An tthawng ngai. Asi na in nihin tiang ah an mah kachin ram ttthen chung khua pi taktak ah tthuthmun an ser kho rih lo.

KNU ban tuk in raltuk nak ah ralkap tampi an thah hna ti le ralkap tthuthmun an lak lawng in adai ko.RCSS SSA PPLA te hna lae adang zong an si cio. Tu lio dothlen nak atuah mi bu ah atthawng ve mi AA zong zei hlei hlah. CNF leh lam cu chim ding um lo. An thawk ka in ralkap he kahdaih nak an tuah colh. Dothlen nak atuah mi tlangcung mi hriam tlai pawl nih hin kawlram ralkap hi a tei kho taktak ding an um lo in ka hngal.

Atu lio kawlram thil si ning le akal ning zoh len ko tik ah kawl ralkap cu an tei lo cu afiang. A rauh hlan ah hin tlamgcung hriam thlai phu zei maw zat cu ralkap nih kah daih nak aser pi khawh te hna lai ti hi azumh um. Tlang cung hriamtlai lak i atthawng bik mi KNU zong asawm te lai. Aduh te ko lai. A duh mi thil apek lai. AA zong cu tthiam tthiam asi te lai. KIA hi aaharh deuh lai na in kah daihnak cu a tuah pi khawh te lai. Adang cu chimtlak an um lo.

CRSS. SSA PPLA hna cu amah tawk in an zaa ve ko .asi na in phu ngan pipi he kah daih nak an ser khah hnu ah cun an taw ahnget cang lai. Cu ca ah thil kal ning zoh lengmang tik ah kawl ral kap hi a tthawng chin leng mang lai ti hi afiang ngai. Kawl ralkap cu kan duh lo. Kan hua. Asi na in tlangcung hriamtlai pawl nih teikhawh ding cu arak si lo. Hi te hi CNF zong nih ahmuh ve ca ah an thawk le cang ka in kah daih nak kha an ser colh.

Atu athil si ning ah tlangcung hriam tlai pawl hi mah le policy cio lawng te in an kal i hmunkhat caan khat te ah rian tuan le kah doh a um kho rih lo. Hi bantuk in kumkhat chung kan kal ah cun kawlram cu adai tthan ko lai. Arauhhlan ah kah daih nak chung ah an lut te lai. Ralkap uk nak hi aapeh te ko lai. Kawlram ral kap an politic a hmu fiang lo mi hna nih table ( cabuai) cung ah bia ruah nak in democracy kan lak lai ti policy an ngeih mi hi cu ralkap uk nak chansau ter nak men asi zia alang. Cu ca ah atu ning asi ah cun ralkap nih uknak tawh fung cu an theih peng ko lai tiah azumh ko cang. Credit: Mgkyaw Siakhel

Be the first to comment

Leave a Reply

Your email address will not be published.


*