CDF-MINDAT NIH RALHRANG AN THAH MI HNA AN TAM CANG

Mindat CDF Hruaitupa Biachim: 14 May 2021, ah SAC ralkap pawl cu motor pa 6 in an rak kai. Motor pakhat ah SAC ralkap minung 20 tluk an i cit lai. An zapi minung 120 an si lai dah! Kan kah hna i, minung 12 long a zam khomi an si. 14 May 2021,ah CDF Mindat nih SAC ralkap minung 108 an kah that hna i Meithal Ttha tampi an lak khawh pingah motor pa 6 an khangh piak dih hna.

Mindat CDF le SAC ralkap 18-22 April 2021 tiang i kahnak ah SAC ralkap minung 35 tluk an thi tiah thawng theih a si. 6 June 2021 Mindat CDF le SAC ralkap i kahnak ah SAC ralkap minung 50 tluk an kah that rih hna tiah theih a si rih. A pikpak in an kah mi hna he cun, SAC ralkap minung a thimi 200 tluk cu a si cang lai dah!

Lawmh a um ngaimi pakhat cu Meithal tampi an lak khawh caah Lai Meithal tein, a hramthawk hna hmanh sehlaw, a tu ahcun SAC ralkap an i tlaihmi an Meithal thatha cu CDF Mindat ta ah a cang i Meithal tha in an kah kho ve cang hna. SAC ralkap nih vawlei tang ralkap (Ground Forces) in an tei kho ti hna lo caah vanlawng ralkap (Air-force) an hman chih nain an tei kho thimthiam hna lo.Mindat CDF paraltha pawl an thawngpang cu vawleicung ki 4 a cul. CDF Mindat paraltha pawl Pathian nih umpi zungzal ko hna seh! Credit: Pa Hen Thang

CDF Mindat Nih Hnu Kan Tolh Nak Cu Ralhrang Mipi Biakinn Phungky Pura Tiang  An Kah Caah A Si – Chin Miphun Tlangau

Thawngpang Dang: Yangon North Oaklapah ah ralkap lei nih mipi cu meithal he kan ttih hna seh tiah an cycle 30 leng an chuh hna.June thla ni 7 zinglei 11 le cheu hrawng ah Yangon North Oaklapah sang Aung Brother lakphak dawr ah a thu mi mipi minung 11 hna an cycle cu ralhrang kawlralkap lei nih hram hram in an lak tiah sang um mi mipi pakhat nih Yangon Khat Tit media ah a chim.

Kan hawi le cu lakphak dawr ah an tthu i, lakphak an din lio ah ralhrang kawl ralkap pawl cu mawtaw 2 in an ra I cycle in a ra mi mipi cu an cycle tawh an hal hna. Zeicaah dah tawh cu na kan hal tiah kan ti hna tik ah kan tlaih hna caah si an kan ti I cycle pawl cu an mawtaw cung ah khin i, an I kal pi ko tiah thawng zamh nak ah cun a langhter chih rih.

Mah ralhrang palik le ralhrang kawl ralkap pawl hna cu kan mah sang mi an si hna loh. Mya Yadana chak ah a um mi no (9) palik sakhan ah a tuan mi pawl an si tiah theih asi. Lakphak dawr ah um mi cycle pawl an lak dih in ah-htah-ka (2) sianginn lei ah an kal than I cycle 20 leng mipi ta an va chuh rih tiah mino pakhat sin in theih asi.

Be the first to comment

Leave a Reply

Your email address will not be published.


*