CDF HAKHA SURKHUA FATHER LE PASTOR AN THLAH CANG HNA

CDF-Hakha nih Surkhua Father le Pastor an Thlah Cang Hna. Surkhua RC Father Noel Hrang Tin Thang le Dumva RC pastor Clement Cung Hnin cu August 4 ah CDF-Hakha nih an thlah cang hna, tiah thawng kan theih. SAC ralhrang he pehtlaihnak na ngei ti ruang ah CDF-Hakha nih Father Noel Hrang Tin Thang le pastor Clement Cung Hnin cu July 26 ah an rak tlaih hna.

August 4 ah CDF-Hakha le RC biaknak lei upa pawl tonnak an ngei i, CDF-Hakha nih an hal hna ning in RC biaknak lei upate nih lungtlinnak pali aa telmi catlap cung ah minsen an thut hnu ah an thlah hna hi a si.Cu hnatlaknak hna cu: (1) Father (Noel Hrang Tin Thang) nih SAC he pehtlaihnak ngeih lo ding.

Pahnihnak. Ningcang loin CDF-Hakha kong lenglei ah chuahter le thawngpang pek lo ding. (3) Hakha ah (Noel Hrang Tin Thang) hi a rian tthial ding.(4) Tender a lakmi ttuan lo ding timi hna hi an si. Father Noel Hrang Tin Thang le Clement Cung Hnin cu Surkhua ah khawndennak um lo le dam tein an phan, tiah thawng kan theih. The Chin Journal

May be an illustration of 1 person

Relchih Thawngpang dang: Ramkhel Party (28) nih Ralhrangbu Thazaang kan pek,kan bawmh lai tiin cathanh an chuah USDP le WNP telhin ramchung ramkhel 28 nih ralhrangbu nih 2020 rampi thimnak result a hrawh mi le a thiangmi thimnak a tuah mi cungah tha kan ti i, kan bawm lai tiin nihin August 4 ah cathanh an chuah.

Ramchung daihnak a um khawhnak dingin ralhrangbu nih a zuamnak cung le ralhrangbu nih covid-19 a dohnak kong zong ah minung, thilri, tangka thazaang in kan bawm lai tiah cathanhnak ah an langhter.Innhngak cozah nih vuanci rian cheukhat a thlenmi le a then mi cu rian thawng ceuhin a kal khawhnak ding le a dingfelmi thimnak tuah khawhnak caah tuahmi a si caah a tha kan ti.

Innhngak cozah nih Agriculture base – industrial business economic policy a ngei mi cu khuate ah a ummi mi tam deuh caah thanchonak a si caah thate in kalpi khawh a lai kan zumh.2021 July 29 ah UK nih a tuah mi Kawlram kong ceihnak Arria Formula meeting ah NUG palai le ram leirawi ruangah rian in phuah cang mi le tazacuai lio mi U Kyaw Moe Htun a kai ve mi le bia a chim mi cungah kan thangchiat.NUG he a pehtlaihmi vialte cu ralhrang phu he a tuanti mi an si caah i ralring dingin cathanh an chuah. Tachileiknewsagency

Be the first to comment

Leave a Reply

Your email address will not be published.


*