STALIN THA CUNG LIAN NIH FIANTERNAK ATUAH CANG

Thil Sining Fiangte In Theih Lo Buin Biachim le Cattial Hi A Donghnak Ah Ningzah Mualphonak A Si.Chin miphun hi vawleicung miphun dang lakah theih fian lo buin a thei fiang bantuk, hngalh fian loin a hngal bantuk in mah sinak leng in ai chimmi le ai fakmi, ai thangtthat mi miphun kan si. Hihi zeimaw zawn ahcun a va tthatnak cu a um ve men ko lai nain a tam u cu, a hnu ah ningzahnak mualphonak ah a cang theo tawn.

Cucaah hngalh fian set lomi, biachim le cattial hi ralrin deuh cu kan herh ngaingai tiin ka ruat. A hnu ah ningzahnak a phaktertu thil a si.Chin miphun social media kan hung hmang i hmaitonh tthut in i al le i ruah a si ti lo tikah kan ral a ttha ngaingai hnga. Cakei kaa puur ngam phun social media ahcun kan tam ngai. Cun thil sining IT zong a theimi le a thiammi zong kan tam ngai.

Zeizongte a theimi, IT kong a thiam ngaimi, a hngal ngaimi bantukin kan ichim viar. Nain cucu zeimaw piahtana a hung chuah tikah kan theihlonak, kan hngalhlonak nih ningzahnak a kan phakter tthan. Cu lakah micheu cu ralchia in mah nih mi ti ngam loin dupdap in khua a sami le va tuksawhmi le fake account iser in mi tthuat hmangmi zong kan rak tampi ve hoi.

Cu tikah buainak le a hnu ah ningzahnak a chuak lengmang. Cu kong he pehtlai in nizan ka thil tonmi kong ah van in share le hromh kan duh hna. Zahan zaan ahkhan Yangon um ka nau nu nih Ucung, Saisih TlaangAu hi na si maw tiah a ka hal. Ka si lo tiah ka leh. Ziah! Mah cu na ka hal tiah ka ti. A ka lehmi cu nangmah ah an in ruah. CNLD pawl a tthuat ngai hna a ka ti. Ka thinlung ah a chuakmi cu CNLD pawl hi a ngamh hna lo le fake account iser in a tthuat hna ti he khin ka lawhter.

Ka nunnak ahhin ka hmuhmi, ka theihmi le ka zumhnak kong ah a ho hmanh hi ka ttih theng bal hna lo. Mi ral chia le mi dupdap phun zeitik hmanh ka si lo cu a ka theitu nih an hngalh ko lai. Ka hmuhning, ka zumhning le ka pomning ah raltthate in a dirtawn mi ka si. Cu ka naunu nih a ka chimh tlawmpal ahcun Delhi ka hawile pawl Saisih TlaangAu nan si maw tiah ka hal hna. Kan si lo an ti dih. Tlawmpal ah kan khua biaruahnak ah Olivia nu cattialmi Screen shoot in an van thlah.

Ka min cu a telh lo nain a cabia zoh ahcun keimah ka si cu kai theih pah. Saikah pa cu bantuk, kha bantuk ti phun in tampi a ttial. (A cattialmi screen shoot in ka van langhter te lai). An pehmi cu Olivia nu mi puar, mi vei lo si i an ti. Kan khuami hna nan si sual an ti. Ka lehmi cu hihi khuami kan si lai lo. Kei ka si fawn lo. Ka hawipa cattialmi a nih zong a si fawn lo. A ID ka theih ko hna ka ti.

Cu ahcun kan khuami a dang pakhat nih a theihfian caah a tialmi si lai cu tiah a rak peh ve chap. Ka ruahmi cu Aw… hi zong nih a rak theihpi si lai ti zong ka ruat chih. Cu tikah Saisih TlaangAu facebook page a sertu kha ka kawl i Victor Fambawl a si kha fiangte ka theih. Cu tikah ka add colh. Hi.. Nan dam tawn maw? tiah ca ka kuat. Cutikah hitin a ka leh “Aw zei tin, Nai hrawng kong ah Asi amw. Australia nu amolh pah mi nih nagmah ta kha ati le mah ruang ah ma ka Add rua ka ti” tiah a ka leh.

Cu hnu ah phone in kan icall i kan ichawn. Cu ahcun a chimmi cu “Olivia nu nih keimah nangmah a ka rel i nangmah chonh in a ka chonh caah, na van ka add ahkhan ka fiang colh ko a ka ti. Amah zong cu nai palh, ka si lo. Nangmah hi mi tthalo na si ka ti” tiah a ka chimh. Thil dang kong zong kan hei ceih.Cu bantuk ka si lonak kong cu Olivia nu cu ka add i ca ka kuat. Ai fian caah Sorry si keimah daithlan le palh si ka ngaithiam tiah tluang ngai in a ka ti.

Aw si e.. palh cu a phung a si ko ka hei ti. Ka hal rihmi cu zeitin hme keimah puh khawhnak lungthin hi na ngeih khawh ning a si? Friend zong kan si lo. Khi page khi US in sermi a si. Kei india ah ka um. Na van ka puh khawhnak lam kha ka chim hnik tiah ka hal. A ka lehmi cu “na tlangmi pa pakhat nih pei amah hrimhrim a si tiah voi tampi a ka chimh cu”…a ka ti. Cuti ka tlangmi a ka huatu ding cu a ho ko dah a si hnga ka ti ka ruat. Rak ka chim hnik ka ti.

A ka lehmi cu pa le pa nan si i zeimaw hna si lai a ttha lo a ka ti. Si lo, kha bantuk cu a cang lai lo, nain itheih ve hrimhrim cu a ttha. Ka ral kha kai theih ahcun hmailei keimah ralrinnak caah a si tiah ka leh. Cu ahcun a rak chimhnak ca pawl cu a profile hmanthlak kha a hloh dih hna i a ka kuat. Aw ka ti. A hnu deuh ah ka chim ko tuah kai lung si kho lo e ka ti i a van ka chimh tthan. A ka chimh pa hi bia zong kan i al bal lem lo.

Mi puitling ngai ah ka hei ruah ko. A catial mi zong a puitling ngai tawn in ka theih ko. Asinain ka ruah lopi in mi dupdap phun a friend zong si lomi nu kha thil sining a theih lobu in a va chimh, midang nih va ti hna sehlaw mual va pho seh ti mi lungput a ngei.A hung fiang mi cu thil an theihlo ruang, an hngalh lo ruang, Saisih TlaangAu facebook page a sertu hi a hodah a si timi an theih hngalhnak nih a tlinh lo ruangah, IT thiam phun in an iruah nain an thiam taktak lo ruang ah a dik lo ningin an rak ka puhnak a si.

Facebook account track ning siseh, web track ning siseh thiam hna sehlaw, hi page a sertu cu Victor Fambawl a si timi hi an theih khawh ko hnga. A fiang ngai ko. A ho id in hi page hi ai sermi si timi cu hngalh fawimi te a si ko. Cucu an theih lo caah a si lomi midang pi kha a kan puh. A hnu ah cu ka tlang hawi pa zong cu, ka dua na party ttanhnak men ka si lomi, ka tuah lomi thil kong ah na ka puh i midang sinah na ka leirawl, tiah ca ka kuat i a hmuh ko nain a ka let duh lo. (Cu pa cu Dkung Hrangtlung tiah facebook account a hmangmi pa a si.

A khua hi Zaangtlang si). Pasalpa na ngamh ahcun keimah kha ttha tein na lungtlin tlinlonak, na hmuhning na pomning kha ka pomning a si lo ahcun ichimh chonh khawh a si ko. Nangmah zong nih na ka ti lawlaw awk si ko lo maw? Patling nihcun Midang sin hmang in na hei ka ti. Ai thup kho rua lai tiah na ruah nain fiangte in kan theih tthan ne.Kan miphun nih kan hngalh fian lomi thil kong ah biachim siseh, cattial siseh ralrin izuam hna usih.

Note: Nan van fian khawh lo sual ah Saisih TlaangAu tiin facebook page a ngeitu hi Victor Fambawl timi facebook account khi a si. US ah a ummi a si. Sialam khuami a si. Saisih TlaangAu page nih party kong a ttial mi kong ah Olivia nu he vei comment le vai chonh dawh an si. Cu ah party an ttanhmi kong ah vai al dawh.

Cu ahcun Olivia nu ka bawm ti maw a si hnga Dkung Hrangtlung facebook account a hmangmi pa nih Saisih TlaangAu facebook account a hmangtu hi Stalin Tha Cung Lian a si tiah Olivia nu hi voi tampi a hei chimh. Cu tikah Olivia nu keimah ah a ka rel caah a van ka phomhnak kha a si.Nain mipi nih nan fian dingmi cu Saisih TlaangAu facebook page a ngeitu hi keimah ka si lo, a tel zong kai tel bal lo. Tuzing ah rianttuanttimi kan si tiah Saisih TlaangAu nihcun na van ttial chap bei. Khi zong khi a dik lomi a si.

Khi page ah rian ka ttuan bal lo. (Screen shoot ka langhter mi ah nizan i kan ichonhnak Australia mimolh nu kong ah maw na ka add a tinak a lang ko lai khih! Nizan lawng ah friend simi le ai chawnmi zeitindah rianttuantti kan si khawh hnga. Nal deuh si ve). A cung ka chim bang, kan ichonh cu nizan voikhat lawng kha a si.

A fiangcemnak le keimah an ka puh khawhnak lam cu Dkung Hrangtlung nih hin rak ka huat ziar i rak ka remlo ziar dawh a si. Cu nihcun Olivia Nu kha a hei tuksawhmi a si. Dkung Hrangtlung hi ai chawn balmi zong kan si lem lo. Ka min cu tlangkhat kan si caah a theih lai nain ka mui hmanh a ka hmu theng lai ka zum lo. Ka hmuh bal vemi le ka theih bal ve mi a si lo. Zeiruang ah hi tluk in a ka leirawl duh timi bel cu fiangin ka thei lo. Credit: Stalin Tha Cung Lian