BUAINAK THAR A CHUAH TAKTAK AHCUN A POI BAK LAI HIH

Thantlang thawngpang cu thinphang ngaingai a si ko cang. Hi thil a can taktak asi ahcun buainak a chuak hrimhrim lai tiah ruah khawh asi. Aruang cu Kan naunu Sui Hlei Tial ruak kongah Chinmi vialte lung a fak dih. Hi tluk lungfah tuk lio caan ah atu bantuk thawngpang a vun chuah hi cu, buainak aa chap chin lengmang lai ti hi cuanh khawh asi.

Sui Hlei Tial ruak konghe pehtlaiin atu hi cozah nawlngeitu pawl zong um sawhsawh an i tim ti lo tiah theih a si. Sui Hlei Tial ruak kongah cawlcangh aa timmi hna cu aduh hi zoh sawhsawh an tim hna lo tiah an chim. Tthihpheihnak aw-an zong an chuah cang tiah an langhter. Sui Hlei Tial ruak vuinak kongah ramchung mino tthenkhat hna nih President zung ah ca zong kuat ding in an i tim tiah theih asi.

Hi konghe pehtlaiin Emergency Response Committee for Mai Sui Hlei Tial-Hakha timi cawlcanghnak zong chikkhat ca ah an ser i, Thantlang Hakha tibantuk in minthut zong an khawmhsuat cuahmah ti asi. Hi ruangah Cozah nawlngeitu hna nih tthihpheih le tlerhkhawnh nak tiangin an aw-an an chuahnak hi a si tiah a si.

Hi konghe pehtlaiin Thantlang ah a ummi minung pakhat minlanghter a duh lomi nih a chimmi cu Kan farnu Sui Hlei Tial ruak vuining kan lungtlinlonak langhter dingah tiah kan Unau Mizo cheukhat an cawlcang cang. Asinain Thantlang khuabawi pa cu cunglei in phone an rak chawnh i, zeibantuk minung dah minsenthut nak tuah dingin an hruaitu hna cu an si?

Rak hlat hna law, kan zoh sawhsawh hna lai lo. Cun mipi pawl nih cun tah min cu an thu taktak maw? timi kha thatein rak ngiathlai hna law report rak kan pe tiah Thantlang Khuabawi pa cu an chawnh ti a si. Atu hi teh Thantlang hna ah minthutnak cu an tuah cang maw? Thantlang minung pawl nih tah duh lonak min cu an thu taktak ve maw?

Zeitindah mino pawl cu an cawlcangh ning asi timi zong thatein hlathlainak rak tuah hna. An hruaitu zong ahote pawl dah an si timi tiangin rak hlat hna. Na theih bak in thawngpang rak kan thanh colh tiah Thantlang khuabawi pa cu cunglei in phon an chawnh cang tiah kan theih ve. Hi kong hi Thantlang mipi nih cun an theih pah dih ko cang lai dah tiah khuami pakhat nih a chim.

Cun a peh tthan rih mi cu Thantlang khuabawi phone a rak chawn mi hi Myone Ohchohzihmu asi tiah a chim chih rih. Sui Hlei Tial ruak vuinak kong lungtlin lonak rampi president sin tiangah ca kan tial lai ti asi caah Thantlang Hakha nawlngeitu pawl nih zohsawh loin, cawlcanghnak ah hruaitu pawl tu tlaihnak lam an kawl leh lam ko rua, Mipi zong thinphang in a ummi zong an um pah men lai tiah a chim chih. Note: Acunglei vun langhter mi hi thawngpang aleng sawhsawh mi biachok vai cu a lo hrimhrim lo. Biadik taktak a si ko ahcun thil poi ngaingai pakhat cu a chuak te ko lai.

Be the first to comment

Leave a Reply

Your email address will not be published.


*