BREAKING NEWS: TUZAN HAKHA I KAHNAK AH RALKAP PAKHAT THI

Breaking News: Tuzan Hakha Chinland Defense For le Ralhrang kawlralkap i kahnak ruangah ralhrang kawlralkap lei in minung pakhat a nunnak aliam pin ah minung pakhat hliam a tuar tiah thanhnak an tuah cang. Theih cio bangin tuni May ni 4 zanlei suimilam pariat hrawng ah Chinram khualipi Hakha ah ralhrang kawlralkap le Hakha CDF karlak ah tukdohnak a chuak.

May be an image of text that says "CDF CHINLAND DEFENSE FORCE HEADQUARTERS"

Tuzan Hakha CDF le ralhrang kawlralkap i kahnak hi Hakha khuathar sianginn pawng ah khan a si. Tuzan i kahnak konghe pehtlaiin Chinland Defense Force nih fehternak an tuah mi cu tuzan i kahnak ah ralhrang kawlralkap lei in minung pakhat a nunnak liam i, minung pakhat nih hliam a tuar tiah Chinland Defense Force nih an langhter.

Breaking News: Zahan Hakha Khuathar Ah Bomb A Puak - Khuaruah Har News

Thawngpang Dang Relchih:Bamaw siizung ah bomb a puak. May thla ni 4 zanlei nazi 2 hrawng ah Kachin ram Banmaw siizung emergency department pawng ah a pin tak mi bomb a puak tiah thawng theih a si. Minung a hliam mi cu an um lo. Siiaung signboard tu a rawk. Bomb puahnak pawngkam inn pawl cu a hnih dih ko tiah khuami pakhat nih a chim.Banmaw siizung pi cu CDM tuah in an rak khar mi si ko nain ralkap lei hneknak ruang ah a luan cia mi ni 2 ah khan an awn than asi.

Kan Duh Ahcun Hakha Ralkap Sakhan Cu Kan Lak Khawhtuk tiah Hakha CDF nih kawlram thawngzamhnak ngan minthang a simi Mizzima sin ah a chim. Nizan May nithum Chinram khualipi Hakha ah Chinland Defense Force Hakha le ralhrang kawlralkap hna karlak ah tukdoh kahnak a chuak tthan. Nizan i kahnak ralhrang kawlralkap lei a thimi an um.

Hi konghe pehtlaiin Chinland Defense Force headquater nih thanhnak an tuahmi cu nizan i kahnak ah ralhrang kawlralkap atlawmbik minung pali an nunnak aliam pin ah minung pahra renglo hliam an tuar tiah an langhter. Thenkhat nih cun ralhrang kawlralkap lei in a nunnak a liammi le hliam a tuarmi an um lo tiah a chim ve mi an um. Hi konghe pehtlaiin CDF nawlngeitu pakhat cu Mizzima thawngzamhnak nih biaruahnak an tuah.

Hakha Chinland Defense Force nawlngeitu pakhat nih a chimmi cu May nithum zanlei suimilam hleikhat le minute pakul in suimilam hleihnih karlak hrawngah ralhrang kawlralkap hna cu kan kah hna. Thawngthanhnak kan tuah cang bantukin ralhrang kawlralkap minung pali an nunnak aliam i, hliam a tuarmi hi minung pahra renglo an si tiah thawngzamhnak ah cun a chim.

Hakha Chinland Defense Force nawlngeitu nih apeh rih mi cu Palek siseh ralhrang kawlralkap hna an umnak sakhan hi lak kan tim lo. Mipi cungah an tuahsernak hi kan zoh khawh hna lo caah kan kah mi hna asi. Khualtlawng pawl hna cu ralhrang kawlralkap hna nih tangka an hal hna, tthenkhat cu lampi ah uitlak per in an perter hna.

Cubantuk in ralhrang kawlralkap hna nih thil an tuah caah ralrinnak caah tiah hi thil hi kan tuah mi a si. Kan duh a si ahcun ralhrang kawlralkap le palek hna umnak an sakhan hi kan lak khawh tuk, Kan la duh lo i a si ko tiah a chim. Hramhram lo le a ruang um loin va kah lengmang hi kan i timhmi a si lem lo, an cawlcangh ning hoih in cawlcangh kan i tim tiah a chim chih.

Be the first to comment

Leave a Reply

Your email address will not be published.


*