BREAKING NEWS: TT CNLD NIH SALAI CEU BIK THAWNG AN PHUAH

Thantlang CNLD (Miphun) Party Thawngthanh (Statement): CNLD Party CEC (Bahu) Zung nih 2020 July Ni 11 ah nawlchuahmi hna cu Thantlang CNLD Party nih kan cohlang lo. Pakhatnak. Chin miphun party cu 2010 ah Thangtlang peng in dirhmi asi. Cu hnu ah Myone kip in dirh cio asi hnu ah cunglei CEC Committee ser a rak si. CNP, CNDP in CNLD ah min thlen a si i, nihin ni tiang CNLD in kan dir.

Pahnihnak. Thantlang myone CNLD Party cu CPP, CLD an um lo caah Thantlang Myone EC cu cunglei CEC upate nih fehternak an tuah. Pathumnak. Thantlang myone Candidate caah 1 Pyituh Hluttaw Salai Van Bawi Lian (2) Amyotha Hluttaw Dr Van Hmun Lian, Pyine Hluttaw No (1) Pu Lal Maung Cung, No (2) Pu Rung Kaw hna cu Thantlang CNLD EC nih kan fehter hna.

Palinak. Thantlang myone CNLD No (1) Candidate caah Salai Ceu Bik Thawng nih Sohluah a chiah i, cu sohluah a chiahmi cu CNLD EC Upa nih voihnih tiang kan ceihkhan hnu ah Salai Ceu Bik Thawng cu No (1) Pyine candidate caah kan cohlang lo. Asinain Thantlang myone Amyotha Candidate caah voihnih tiang dirpiak dingin zaangfah nawlnak kan tuah.

Panganak. Thantlang myone CNLD EC nih Ceu Bik Thawng kan nawlnak cu a cohlan lo caah 2020 June 29 ni ah mi zapi theih in 2020 thimnak ah kai cuh ti lai lo tiah a facebook le Hakha post, online biaruahnak in thawngthanhnak a tuah. Paruknak. Thantlang CNLD EC ah kan cohlan lonak le kan nawlnak kongah CNDL CEC Bahu sinah report nak a kan tuah caah cunglei CEC upa nih U Awm Zaw le U Naing Hai Kaw hna cu date 27,6,2020 ni ah an ra i, meeting thatein kan tuah hnuah myone EC nih hnatlakmi cu CEC Bahu zong nih kan cohlan ko an ti.

Image may contain: text

Pasarihnak. Date 2020 July ni 11 ni ah Thantlang EC le Thantlang myone Candidate kong CEC meeting ah Ceu Bik Thawng nih Agenda ah a chuahpi caah Bahu CEC nih ceihhmainak an ngei i an biachahnak cu kan van thil chih. Pariatnak. CNLD bahu CEC nih khua an khanmi le a biachahnak cu miphun party dawtnak, zawnruahnak tel loin pumpak tanpinak a simi Ceu Bik Thawng dirpinak le Ceu Bik Thawng nih pyine hluttaw No 1 candidate hmuh khawhnak ding caah biachahmi le nawl chuahmi a si.

Cucaah Thantlang CNLD Party nih CEC nawl chuahmi hi kan cohlang lo. Ceu Bik Thawng he pehtlai in amah pumpak zawnruahnak lawngin Thantlang CNLD EC te khuakhannak hrawh le EC Upa vialte phuah dih, candidate tuah ciami hrawh dih zong a poi ati lo caah a tanglei bantukin Thantlang CNLD party EC nih thawngthanhnak kan tuah.

Ceu Bik Thawng cu THantlang myone CNLD Party chungtel sinak in 13,7,2020 ni in kan chuah. Ceu Bik Thawng cu THantlang peng CNLD (Miphun ) party a hmunh chung candidate caah luhnak nawl kan pe ti lo. Ceu Bik Thawng cu CNLD bahu CEC general secretary a sinak zongin kan phuah piak hna seh. Thantlang Miphun Party CNLD