BREAKING NEWS: TEDIM PALIK SAKHAN PAWNGAH MEITHAL THAWNG AN THEIH

Breaking News: Tedim Palik sakhan pawngah meithal thawng an theih. Chinram kulh Tedim khuapi Palik sakhan pawngah meithal puah thawng theih a si. Tedim Palik sakhan ah tuzan meithal kah thawng an theih hi atunai ti awk kawlram caan in suimilam pakua le minute sawmlinga ah asi. Thawngpang fiang in theih asi rih lo.

Tedim – Travel Chin State

Thawngpang dang: Nizan ralhrang kawlralkap nih CDF le CNA an kahnak vanlong kha Russia nih a serchuahmi asi. Nizan ah Lungler ralhrang kawlralkap sakhan cu Chinland Defense le Chin National Army i fonh in an kah. Cu i kahnak ah ralhrang kawlralkap hna nih cunglei raltuknak vanlong jet in bomb voiruk an thlak. Mah raltuknak Vanlong kha ralhrang kawlralkap hna nih Russia sin ah an cawkmi asi i, Russia sermi asi.

Mah raltuknak vanlong hi a min MIG-29 tiah kawh auhmi asi i, Russia nih a sermi a si. Kawlralkap hna nih raltuknak vanlong an ngeihmi hna hi Russia le Ukraine serchuahmi an si tiah an chim. Nizan i an kahnak vanlong kha Meithila Airbase in a rak rami asi tiah an chim chih. Ralhrang hna uknak an lakhnu ah Russia le Ukraine nih hriamnam tamngai ralhrang sin ah an kuat tiah JFM nih alanghter.

Kawlralkap hna nih a liamcia kum 2015 thok in Ukraine sin ah Raltuknak TIlong le Tank spare parts an luhpi lengmang ti asi. UN General Assembly ah hriamnam kawlram ah zuar ti lo ding an rak ti zongah Ukraine nih arak dohkalh fawn cang. February thla ah khan Ukraine nih Kawlram ah aircraft engines le Missiles zong Yangon i, Private aircraft company pakhat a si mi Sky Aviator sin ah arak kuat cang ti asi.

Cun March ni 31 zongah Turbocharged engine parts zong a rak phan rih ti asi. Kawlram le Ukraine hi ralkap lei tthanchonak dingah a liamcia kum 2018 ah min an rak thut i, cu ahcun Ukraine nih kawlram ah hriamnam kuatmi chungah air surveillance radar system le Armored cars, Aircrafg engines cun tank tibantuk zong ai tel chih. Ralhrang kawlralkap hna nih cunglei in raltuknak atuah nak hi Chinram le Kachin, karen hna ah asi cang tiah an langhter chih asi.

Be the first to comment

Leave a Reply

Your email address will not be published.


*