Breaking News : Ralhrang Pawl Nih Kan Nau Nu Te An Tlaih Tthaan Cang E.

A poi kho tak si. Ralhrang nih nu an tlaihmi cu a poi taktak khi a si, thil a ei lio ah an tlaihmi a si . Tu zing kha Shwebo local report ningin cun, Shwebo city leiah University Myanmar Language a cawng liomi a si. Amin cu , Ma Phyu Phyu asi i Khuazeidah an hraui timi hngalh a si lo. Amah hi Kachin kan nau nu a si. (Than Lwin Khet News)

Phyu Phyu Khaing on Twitter: "1st photo: Ma KhinNyeinThu 2nd photo: Ma  HsuLinHtet Both were abducted from Yankin, Yangon just less than 24 hrs  ago. They were brutally tortured by Terrorists. 'After

RELCHAP : HMUN TAMTUK AH KIA LE RALHRANG AN I PHOMH, TLAMTLING TEIN AN LANGHTER -Nizan April 18 KIA le ralkap ralhrang i kahnak cu a turu ko. KIA 5th battalion hna nih ralhrang kawlralkap 385 LIT Pan Hkawn Yang panh in a kalmi hna cu Monyon khuapi pawng SI Sak timi khua ah an kah hna i, tukdohnak fak ngaiin a chuak tiah an langhter. Hi tukdohnak lehrulhnak caah tiah ralhrang kawlralkap hna nih cunglei raltuknak Vanlong pahnih in KIA ralkap 8th brigade hmunpi cu bomb in an kah hna tiah an langhter chih.

KIA nih ralhrang kawlralkap an kah hna hi, zingka suimilam pasarih le minute 20 hrawngah a si tiah an chim. Cun ralhrang kawlralkap nih cunglei raltuknak vanlong in an vun kah hna hi chun suimilam hleihnih le minute 55 hrawnghrang ah a si tiah an langhter chih. Ralhrang nih vanlong in an kah hna hmun hi Minyon khuapi pawng ah a si tiah an chim chih.

Hi lio caan ah Phakant khua ah KIA ralkap 6th battalion hna le ralhrang kawlralkap hna cu Seng Tawng le Yoma khua an i ritnak hmun ah zinglei suimilam pakua hrawnghrang ah an i kap tthan. Cun Phakant khua pawng ah a ummi KIA ralkap 9th brigade tangah a ummi hna nih ralhrang kawlralkap 76th battalion hna sakhan Tang Gau Mum hna an tthuat rih hna.

KIA ralkap 9th brigade tang a ummi hna nih ralkahrang kawlralkap sakhan Masa Tu Kawng timi cu zan suimilam pasarih le minute sawmnga ah an luh hnawh hna i an lak khawh tiah thanhnak an tuah. Mah ni thiamthiam ah Danai Khua pawng ah a ummi KIA ralkap 14th battalion hna zong nih zanlei nazi paruk hrawngah 60mm motor in ralhrang kawlralkap hna cu Nam Hkam ah voitam ngai an tthuat rih hna.

Hi konghe pehtlaiin kawlralkap ralhrang Ngaga mi hna nih Nam Hkam le Lisu lam lei hoih in suimilam pali hrawnghrang ah meithal tam taktak an puah pin ah Nam Hkam khua cungah ralhrang kawlralkap raltuknak vanlong pahnih hna cu a tu le tu bak in an zuang hna tiah mithmu tu hna nih an chim. Hi tukdohnak ah hin minung zeizatdah a thimi an si timi an langhter lo. Kachinland News

KIA Le Kawl Ralkap Fak Taktak An I Kap Than - LAIHOLH NEWS

Thawngpang Dang: Upat tlak taktak nusalttha nungak Van Cer Iang nih a hmuhmi dih lak CNF/A caah a hlut dih. Nungak Van Cer Iang nih hin CNF/A bawmhnak caah tiah MASK a thit i, cu a tthit mi MASK cu an sianginn ah a zuar. Cu i a hmuhmi vialte cu CNF/A caah a kuat dih hna. Nungak Van Cer Iang cu Pu Hmun Thang le Pi Mang Thai hna i an fanu a si. Hi konghe pehtlaiin a tanglei bangin thanhnak atuah.

Ka zoh thla tuk mi ka u fa nu ..Ka fa na lung put le na khua khan ning te hi ka lawm tuk ee.MASK a thitmi an sianginn ah a zuar i a hmuhmi phaisa dihlak CNF/A a hlut hna. Canada ram Winnipeg ah khua a sami Pu Hmun Thang le Pi Mang Thai i an fanu Lg Van Cer Iang lungput hi uar um kho taktak. High School Grade 12 akai lio mi mino te asi.

A mui aa dawh, aziaza ṭha, Pathian a ṭihzah i nu le pa bia lawng si loin Khrihfabu chimh a ngai tukmi asi.A hohmanh nih fial lo tein Amah lungtho tein Mask a ṭhit le an sianginn ah ENSF (CNF) ca fund kawlnak caah a zuar le a hmuhmi $300 cu tuni ah ka sinah aka pek. Ka ruah lo tukin asi le lawmhnak chim zia hmanh ka thiam lo. Thlacam piak ta zong ka philh.

Hi bantuk in Miphun le ram dirhkamh ding rian aa fiannak hi Pathian asi. Lawmh um kho tuk. Bawipa nih a hmai lei nun lam ah mit hmuh khawhmi thluachuah siseh mit hmuh khawh lomi thluachuah siseh pe chin lengmang ko seh.Ka dawt tuk mi U Thlum. Credit-Gracy

Thawngpang Dang Relchih:MAH Sin In A Zammi Ralbawi Hein Taw U Chimmi. Naite ah khan a hmet 99, ke ralkap headquarter i ralbawi (pahnihnak sityi sithtawt) bohmu Hein Taw U cu nawlngeihnak a latu MAH sin in a zam i mipi he dirti dingin Shan ramkulh Muse-Lashio lam Namhphetka in Kawlram thlanglei kap hmun pakhat ah a phan cang.

Amah hi ralkap university in 2015 ah bulawng tintan a dihmi a si. Atu bantukin MAH a zamtaknak a ruang cu cunglei ralbawi ngan hna an thil tuahmi a dik lo caah a si tiah a chim. Cu lawng si loin bohmuci dirhmun tiang a phan cangmi cu lengah an chuahter ti hna lo. A phunphun an lemsoi hna, an duhmi poah an pek hna.Asinain tanglei ralkap hna cu harsa taktak in an chiah hna tiah a chim.

Cun keimah bantukin MAH chuahtak a duhmi an tampi. Asinain cunglei nih a phunphun in an tlaih hna, an thihpheih hna. Tangka, chawva le thildangdang in an lemsoi hna. Cun mipi lei dah nan dir ahcun nan chungkhar nih an tuar lai an ti caah an chungkhar zawnruah ah mitchinh kamseh in MAH sinah a ummi ralbawi an tampi tiah a chim fawn.

Cun nawlngeihnak an lakmi hi hlan tein an i timhmi a si cang, atu lawngah ruah lo piin an tuahmi a si lo. Nawlngeihnak sungh ding an siang lo. Mah hihi fiang tein ka theih. Thimnak hlan deuh hrimhrim khan an biachim le cawlcanghning ah nawlngeihnak an lak lai ti a fiang tuk tiah ralbawi Hein Taw U nih a chim. MAH le a ralhrang pawl teinak dingah cun atu nakin tlangcung hriamtlai bu siseh mipi siseh kan lung aa rual rih a hau, tiah Ralbawi Hein Taw U nih RFA ah a chim.

MAH sinin a zammi ralbawi an um pah lengmang cang. NUG in Federal Union Affairs vuanci Dr. Lian Hmung Sakhong zong nih amah he aa theihhngal mi ralbawi tampi cu mipi leiah dir an duh tiah a chim bal, mipi lei dir ding zongin a sawm cang hna. Atu bantukin ralbawi cheukhat mipi leiah an dirmi cu MAH caah cun thawngpang chia taktak a si. A dihdonghnak caan a nai chin lengmang cang tinak a si. Credit: The Chin Post.

Be the first to comment

Leave a Reply

Your email address will not be published.


*