BREAKING NEWS: MUAL KHUA AH RALKAP TAMTUK AN PHAN, THLACAM AN CAM

A Hmasa Bik Ah Hi thawngpang hi khuami pakhat nih kan thanh piak, thla kan cam piak cio hna sehlaw an ti caah kan rak tarlangh mi asi. Ralhrang tampi an khua ah an phak caah khua ning in an zam dih ngawt cang ti asi. Kan khua, Mualkai ah ralhrang tamtuk an rak lut, an dihlak in 120 hrawng cu an si ko lai. Ram lak, Lopil lei in an rak ra i khua chung le a pawngkam ah an um dih.

Khua mi cu kan dihlak ngawt in zam a si ko cang. Mino a hohmanh khuachung ah kan um ngam ti lo. Cun atu zong hi mui lakah kan zam cuahmah i pawngkam khuate lei kan fuh, nain lampi ah kan taang lio rih. Tar le Ngakchia puak a hau mi, a mah tein a kal kho lomi zong kan um ngai. Khua ah a taang mi cu pahnih thum hrawng lawng an si ko lai, kan dilak in kan zam ti ding a si ko.

Thlacam nak in kan bawm uh, Laimi dihlak nih thlacam kan bawm cio hram hna seh” tiah min langhter a duh lomi khua mi pakhat nih ca in an kan kuat mi asi. Khua mi pakhat a chim ning zoh tikah, khua dihlak ngawt in zaam dawh an si ko. Cun Lampi, ramlak ah i dup rih dawh an si. Tar le ngakchia tete an um fawn caah a poi ngai.

Cun Ralhrang pawl zong hi Mualkai khua chung lawng si loin, khua pawngkam zong ah um len dawh an si. Thlacam nak in bawm cio hram hna usih. A cung ah kan langhter cang bantuk in hi thawngpang hi khua mi pakhat nih tar piak ding in an kan fial caah kan tarlangh mi asi.

May be an image of one or more people, people standing, tree and outdoors

Relchih:Salai Siang Lian Uk nih Ni 22 chungah Bible a rel chuah dih. Malaysia, Kuala Lumpur ah a ummi Salai Siang Lian Uk nih May ni 20 in June ni 10 karlak Ni 22 chungah Bible a relchuah dih. Salai Siang Lian Uk nih bible a relchuah hi tutan in voithum a rel chuahnak asi tiah an chim. Salai Siang Lian Uk cu kum 14 te lawng asi rih.

Salai Siang Lian Uk konghe pehtlaiin hringtu a pa Thian Run Piang nih a chimmi cu Pathian dawtnak le zaangfahnak thawngin Malaysia lockdown chungah Bible relnak caanttha aa kan pek. Ka fapa Siang Lian Uk nih ni 22 chungah Falam Bible a relchuah. Avoithumnak tiang Bible rel chuah khawhnak ah lam aa kan hruaitu Bawipa na Min cu zungzal in thangtthat si ko seh.. Amen tiah Nizan June 10 ah a lunglawmhnak bia facebook cahmai ah a langhter.

Be the first to comment

Leave a Reply

Your email address will not be published.


*