BREAKING NEWS: MINDAT AH AN I KAP CUAHMAH RIH

Breaking News: Mindat ah an i kap cuahmah rih. April 27 zinglei 9:30 AM hrawng in Mindat in Kyaukthu lam lei meng 2 tluk hla ah ralkap le khuami an i kap cuahmah, tiah kan theih. Atu hi meithal thawng kan theih peng. Hriamnaam ngan thawng zong kan theih. Mindat an hun naih thluahmah cang.

Kyaukthu lei meng 2 hrawng a hlatnak hmun ah a si,” tiah khuami pakhat nih The Hakha Times ah a chim. April 26 zaan kahnak ah ralkap lei in minung 15 an thi, motor 3 an khanghpiak fawn hna, tiah kan theih. Credit: The Hakha Times.

May be an image of sky

Tuzing Thawngpang: Thawngpang ttha, KNU nih ramri ah a ummi kawlralkap ralhrang hna sakhan ngan pakhat cu tuzing ah an lak. Tuzing suimilam paruk hrawngah Thailand le Kawlram ramri ah a ummi ralhrang kawlralkap sakhan pakhat biapi a simi cu KNU hriamtlai hna nih an lak khawh cang tiah thawngzamhnak nih an langhter. Hi konghe pehtlaiin a tanglei bangin thanhnak an tuah.

Tuzing suimilam panga hrawngah Karen ramkulh chung Thailand he an i ritnak hmun ah a ummi kawlralkap ralhrang sakhan a biapi ngaingai mi KNU nih biatak tein an tthuat hna. Kap hnih in tukdohnak a chuah hnu suimilam pakhat chung an i kah hnu ah KNU nih ralhrang kawlralkap sakhan cu an lak khawh cang tiah langhter a si.

Suimilam pakhat chung an i kah hnu ah ralhrang kawlralkap hna cu suimilam paruk ah an umnak sakhan cu an chuahtak. Cuticun KNU hriamtlai pawl nih ralhrang kawlralkap sakhan cu mei in an khanghpiak dih hna. Tuzing i tukdoh kahnak ah hin ralhrang kawlralkap minung zeizatdah an nunnak aliam i, minung zeizatdah hliamhma an pu timi tucu KNU lei nih an langhter lo.

Hi kong tuzing KNU le ralhrang kawlralkap tukdoh kahnak konghe pehtlaiin pawngkam a ummi pakhat nih a chimmi cu zingka suimilam panga hrawnghrang ah KNU nih ralkap sakhan an tukdoh. Suimilam pakhat hrawng ah an lak khawh. Cun ralkap sakhan cu an khangh rih. Ralhrang kawlralkap minung pasarih hrawng cu an meithal he an zam lio kan hmuh tiah a chim.

Be the first to comment

Leave a Reply

Your email address will not be published.


*