BREAKING NEWS: LAIPA NIH CNLD A CHUAHTAK NAK ARUANG APHUAN

BREAKING NEWS: Eih, kei cu CNLD in NLD ah kai țhial diam khah, a ruang? Chinmi CNLD cu Pathian thimmi kan si, a dingfel mi kan si, kan i ti țung, CNLD Salai te pawl hna nih, zing a chuak, zaan a chuak, midang Party, lih le hrokhrol a puhtuk hna i, hi bantuk hi Pathian thimmi nun zong asi ka zumh lo caah ka ningzak tuk cang i CNLD in NLD ah kai tthialdiam khah. By Kawi Tling Hniar Um.

NLD Cun Eiruknak (Corruption) Do An Tum Nawnlo Ruangah Eiruknak Dotu CNLD Vote Ding Asi Thlang Part 1. Ram a siattu le farahnak a hrampi taktak tazakhan cu Eiruknak asi. Democracy le Federal ram si khal ah eiruknak aum asile ram a țhangso theilo vekin Democracy ram silo khal sehla eiruknak umlomi ram cu an țhangso cingcing. Rampi thilsuak a lianmi (natural resources) khal eiruknak aum asile an farah ringring ding.

Tahkhimnak ah Indonesia ram khi Kawlram hnakin alet in Natural Resources a tam sawn nan, eiruknak atam ruangah an farah nasa. Natural Resources aum lo rori mi Singapore khi Eiruknak aumlo ruangah ram țhangso ah an suak thei vivo. Kawlram kan farahnak a hrampi taktak cu Eiruknak ruangah asi ko. Uknak tha lo, ralkap uk ruangah kan farah mi siloin Eiruknak a tam ruangah kan farah i kan țhangso theilonak asi bik.

2015 NLD ih Party hnehnak hrangah an au-aw cu Eiruknak kan do ding i, a thiangfai mi Cozah (Good Governace) kan tuah ding ti a rak si. Mipi cun kan rak uar tuk hnai. Asinan Cozah kum 5 an tuan sung ah Eiruknak cu an do thei lo. Cu hlan Cozah thawn an i danglamnak zianghmanh aum cuang lo. 2020 Election hrangah cun NLD in Eiruknak do ding thu an rel ngam nawn lo, an dai khipkhep thlang.

Chinram Cozah cu Kawlram ramkulh le ramțhen 14 sungah Eiruknak ah pahnihnak chanpion asi tiah Asia Foundation cun a tarlangh puppi. Cun 2020 Election ah MP/MLA cuh a tummi NLD Candidate zohmanh in Eiruknak kan do ding tiah a hmaithlak mi an um lo rori. Cu behbeh ah Eiruk ruang i Vuanci (Minister) in dawisuak mi Isac Khin tla Chinram NLD hnehnak hrangah Campaigner rori ah tavuan an pek cu țihnung le mangbangza asi zet.

NLD in Eiruknak hi do loin thazaang lam an pek sawn ti țul in ruat thei asi.Chinram ih Danpi thleng hlan le Federal Democracy kan hmu thei hrih lo khal ah Eiruknak kan do thei asile kun kan ram cu mithmuh rori in a țhangso hrimhrim ko ding. A nuam sawn hrimhrim lai ding. CNLD cun thu ngai suah in a hmaithlak mi pakhat cu Eiruknak do le hlo hi asi. Cuiruangah Eiruknak do a tum nawn lomi NLD cu vote ding asi nawn lo.

Kan ram țhansonak hrangah Eiruknak do le hlo a tumtu kan Miphun Party CNLD hi Vote țheh ding asi thlang. Ram nuam tuahser kan duh asile CNLD vote pek ding in ka lo sawn hnai. Note..Eiruknak sullam Part 2 ah ka peh sal ding.

Be the first to comment

Leave a Reply

Your email address will not be published.


*